Hebreos 1:5 - La'aqtaqa Ñim Lo'onatac 'Enauacna 2013

⁵ Cha'aye Ñim Lo'onatac 'Enauacna sa ỹauano' da huo'otaq iỹaxana ca lamaxashec piguem le'ec da 'eeta': «'Am, nache 'am Ỹalec; qaq nache chegoqchiguiña ne'ena na'a'q da Aỹem 'Arta'a.» Qataq saishet da 'enapega ca 'oonolec nam lamaxashec piguem le'ecpi da 'eeta': «Aỹem sheeta'am da Aỹem Lta'a, qaq ñimaye qalaq 'eeta'am ca Ỹalec.»

Nuevo Testamento Toba Sur

⁵ Cha'ayi ñi Dios sa ishit da huo'otaq iÿaxana ca lamaxashic piguem l'ec da 'eeta': 'Am mayi nachi'am ÿalec; 'Am seco'oic ne'ena na'a'q. Qataq sa ishit da detaxaÿa ca lamaxashic piguem l'ec da 'eeta': Aÿim qome aÿim lta'a somayi, qaq somayi qome ÿalec.

Nuevo Testamento Toba Sombrero Negro

⁵ Qa'a joñe'me Dios qaya'te ta'le ua'a da'me 'uo ga'me 'laqatac ta'le yanem ga'me piyem le'ec ta'le eet'oi: “Nayi jenjo' nolo' am ja'aĝatem Da'me naqa'am jo'ne mach'e am yalec; Qa'a da'me jayem yataqata jayem adet'a.” Uotaĝa ta'le Dios 'yaĝatetac ga'me piyem le'ec da'me eetac: “Naqayem jo'ne mach'e jayem let'a joñe'me, Qama'le naqaeñe 'me mach'e yataqachiñe yalec.”

Hebreos 1:5 Referans Kwoze

Salmos 2:7

Qaq aỹem sa'axatec qome da lhuennataxac Ñim Nataxala', cha'aye Ñimaye aỹem 'enapega, 'eeta': «'Am, nache 'am ỹalec, aỹem 'am seco'oic na na'a'q.

Hechos 13:33

Cha'aye qomi' maiche qomi' llalaqpi somayepi, qaq ỹoqo'oye Ñim Lo'onatac 'Enauacna ỹataqta ipacchigui dam 'enapec co'ollaxa da qaltaq nca'alaxatec So Jesús da Qarca'alaxaqui. Cha'aye nache nanettalec aso nere le'enaxat Salmos da la'aqtac, 'eeta': «'Am maye nache 'am Ỹalec; qaq nache chegoqchiguiña ne'ena na'a'q da Aỹem 'Arta'a.»

Hebreos 5:5

So Cristo, Somaye saishet da huo'otaq maiche nallegoxoola't da nacheso lataxala' na ntaxaỹaxanaxanecpi. Nachaqrata da Ñim Lo'onatac 'Enauacna maye lca'aguishec qataq ỹanem da la'amaqchec. Qataq nacheñi Ñimaye co'ollaxa da 'eeta' da la'aqtac: «'Am maye nache 'am Ỹalec; nache chegoqchiguiña ne'ena na'a'q da Aỹem 'Arta'a.»

2 Samuel 7:14

Qaq camaye nache Aỹem lta'a, qataq camaye ỹataqta ỹalamaxat ỹalec. Ỹoqo'oye camaye da huo'o ca lsomaxac, nache Aỹem seuaxan qataq salashen, sheeta'am ca camachaqca nta'a da ỹauota'a ca lalashenaxanaxat da iuaxan, qataq ỹalashen ca llalec.

1 Crónicas 17:13

Qaq nache aỹem lta'a, qataq camaye nache ỹalec, qataq saishet da ñeqateeguesop qome da ỹauotaxanaqtaic, da huo'otaq 'eeta'am som 'auca'atalec co'ollaxa,

1 Crónicas 22:10

Qaq camaye, nacheca qome ca no'oxoosheguem aca atamnaxaqui maye ỹalamaqte. Qaq camaye nache Aỹem lta'a, qataq camaye ỹataqta ỹalamaxat ỹalec, nache camaye sanagui da nache 'eetai' qome da lta'a na Israel le'ecpi.›

1 Crónicas 28:6

Qaq Ñim Lo'onatac 'Enauacna, aỹem 'enapega co'ollaxa 'eeta': ‹So 'aỹa'alec Salomón, nacheso qome so no'oxoosheguem aca atamnaxaqui maye ỹalamaqte, qataq ca ñeqasoxocpi, cha'aye lleca'ateua'a somaye da ỹalec, qataq somaye nache aỹem lta'a,