Hebreos 1:2 - La'aqtaqa Ñim Lo'onatac 'Enauacna 2013

² Qalaxaye nagui ne'enaua pa'atre'c na'axa'te, Ñim Lo'onatac 'Enauacna qomi' ỹanema da la'aqtaxanaxac ỹachegoxotchigui So Llalec. Qaq Ñimaye ỹachegoxotchigui co'ollaxa So Llalec da ỹo'ot 'enauacna, qataq nacheso so ipataxalec da ilo'ogue 'enauac na huetalecna.

Nuevo Testamento Toba Sur

² Qaq ne'enaua pa'atreec na'axa'te, qalaq ñimayi ÿachigoxotchigui so llalec da qomi' da'aqtaxanema. Ñi Dios ÿachigoxotchigui co'ollaxa se'eso llalec da i'ot 'enauacna, qataq nachiso so ipataxalec da ilo'ogue 'enauac namayipi.

Nuevo Testamento Toba Sombrero Negro

² Qalaĝaja nayi naa'me naajo' noloqo'ote jo'ne p'atedegue, male 'uo joñe'me jo'ne mach'e C'oĝot, qama'le nach'eñe jo'ne qo'mi yapaĝague'n, nach'eñe jo'ne qoyen loqo'te ena'uaque jogaa'me jo'ne uo'oe, qa'a nach'eñe 'me chiyaqayi da'me ye'et ena'uac joca'li.

Hebreos 1:2 Referans Kwoze

1 Corintios 8:6

qalaxaye qomi' saỹaanaq da 'oonolec Ñim Lo'onatac 'Enauacna qataq Qarta'a. Qaq chegoqchigui Ñimaye 'enauac nam huetalecna, qataq qomi' ỹo'o't da qomi' lalamaqa'ate. Qataq 'oonolec So Qarataxala', le'enaxat Jesucristo. Ñim Lo'onatac 'Enauacna ỹachegoxotchigui Somaye 'enauac nam huetalecna, qataq da lqouagaxanaqtaic nachera da huo'omshe qomi' huo'oi nagui.

Juan 1:3

Qaq Ñim Lo'onatac 'Enauacna co'ollaq ỹo'ottacna, nache ỹachegoxotchigui So Na'aqtac 'enauac nam ỹo'otpi. Qaq 'enauac nam huo'o, qaica ca saq chegoqchigui So Na'aqtac.

Juan 1:14

Qaq se'eso Na'aqtac qomi' hueta'agueta, 'eeta'am ca 'oonolec da shenaqta. Qataq qomi' sauanaqchigui da la'añaxac maye maiche lalamaxat som 'oonolec Llalec Ñim Lo'onatac 'Enauacna, cha'aye qomi' ỹachaxanalo 'enauac da lsoxoyec qataq da 'eesa lataxac.

1 Pedro 1:20

Qaq damaye maiche lhuennataxac Ñim Lo'onatac 'Enauacna co'ollaq saxanaxa da ỹo'ot ana 'alhua, qaq So Cristo nachaxan ne'enaua pa'atre'c na'axa'te, qaq damaye maiche qana'achequi.

Mateo 28:18

Nache So Jesús nquiga somayepi nache 'enapega, 'eeta': «Ñim Lo'onatac 'Enauacna Aỹem ỹami' da na'añaxac da yaqto' selo'ogue 'enauacna.

Mateo 17:5

Qaq co'ollaq ña detaqtac so Pedro, nache anac so lo'oc na piguem ỹataqta 'eroigui. Ipelteeleguete soomaye. Nache se'eso lo'oc chemaqtoigui so na'aqtac, 'eeta': «'Era dam Ỹalec maye ỹataqta ỹauotaxat, damaye ỹataqta ñetootapeguec, qaq qami' iuen da ỹataqta qana'axaỹaxañiỹa damaye.»

Hebreos 11:3

Qaq qomi' sa'amaqtenaq da Ñim Lo'onatac 'Enauacna da ỹo'ot 'enauacna chegoqchigui so 'oonolec la'aqtac. Qaq ỹoqo'oye nam seloqta'a nagui, namayepi chegoqchigui som saqcha'a co'ollaxa.

Romanos 8:17

Qaq nagui da mashe qomi' llalqa, nache nataqa'en qomi' taleguete 'enauac nam 'onaxaic maye iqataxaatapigui' Ñimaye da qomi' ỹanema. Qaq 'enauac ỹataqta ñeuanaqte' So Cristo, qaq da huo'otaq huo'o da qanque'eenaxac da shenaqta'am Somaye, nache nataqa'en ỹoqta 'eesa da ñeuanaqaua'a Somaye da llo'oxoyec maye ỹaconeguet qome.

Juan 3:16

Cha'aye Ñim Lo'onatac 'Enauacna ỹataqta lta'araic da lauotaxanaqtaic na shiỹaxauapi ana 'alhua, nache ỹan na 'oonolec Llalec. Yaqto' 'enauac nam ỹa'amaqten namaye saishet da ileu, nachaqrata da huo'o da lca'alaxa maye chochaq tatec.

Mateo 26:63

Qalaxaye So Jesús saishet da ỹasat, nache so lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, 'enapega So Jesús, 'eeta': –'Am serolec da le'enaxat Ñim Lo'onatac 'Enauacna maye nca'altauec, da ñaq 'anasaxauec ca 'eesa. 'Aua'axat da nache 'am maye 'am Lca'aguishec Ñim Lo'onatac 'Enauacna qataq 'am Llalec Ñimaye.

Mateo 21:38

Qalaxaye co'ollaq qaila'aguet se'eso llalec, nache so 'onataxanaxaicpi detaxaỹapega't, 'eeta': «'Ena cha'aguet nam talec qome da lsallaxa so lalamaxat ne'ena nanaxanaqa'. Namaye salauataq yaqto' qomi' taleguete qome na nma'.»

Hebreos 5:8

Na'aictaxa da Somaye ỹaỹaten da Llalec Ñim Lo'onatac 'Enauacna, qalaxaye chegoqchigui da nque'eenaxac, nache Somaye ỹaỹaten da naigui da, nache 'eetai' da qaỹalaxaguet Ñim Lo'onatac 'Enauacna.

Efesios 1:10

Qaq qom ivita ca laloqo' de'era, nache ỹataqta ipacchigui 'enauac dam 'eetapeguec Ñimaye. Huaña, nache nam hueto'ot na piguem qataq na huetalec ana 'alhua qoỹami' So Cristo da ilo'ogue 'enauac namayepi.

Isaías 44:24

Qaq 'era da la'aqtac Ñim Nataxala' maye 'arca'alaxaqui, Ñim 'am ỹo'ot co'ollaq saxanaxa da 'auañiguiñi: «Aỹem nachaỹem Nataxala' maye so'ot co'ollaxa 'enauac nam huo'o. Aỹem selagaxaañi co'ollaxa na piguem qataq so'ot ana 'alhua, qalaq saishet co'ollaxa da seuen da huo'o ca aỹem itauan.

Hebreos 7:3

Qaq somaye, qaica ca ỹaỹaten ca le'enaxa't caua lta'al qataq cam chegoxoguet lauo', nataqa'en saishet da qaỹaỹaten ca hua'ague co'ollaq ñiguiñi qataq ca huaña da ileu. Qaq ỹoqo'oye so Melquisedec da lo'onataxanaxac da ntaxaỹaxanaxanec, 'eeta'am So Llalec Ñim Lo'onatac 'Enauacna da chochaq tatec da ntaxaỹaxanaxanec da qaitaxaỹapegue' Ñimaye.

Hebreos 2:3

qaq ỹataqta 'eesa qone' da huo'o ca qanhuaxanaguec da saishet da ñetelaqa'a de'era nca'alaxa maye ỹataqta qaica ca 'ena'am. Cha'aye So Qarataxala' nacheso so la'auaxanec da ỹa'axat de'era nca'alaxa, qataq nam na'axaỹaxaatega co'ollaxa de'era na'aqtaxanaxac nataqa'en qomi' ỹachaxanalo da ỹataqta 'eesa.

Hebreos 1:5

Cha'aye Ñim Lo'onatac 'Enauacna sa ỹauano' da huo'otaq iỹaxana ca lamaxashec piguem le'ec da 'eeta': «'Am, nache 'am Ỹalec; qaq nache chegoqchiguiña ne'ena na'a'q da Aỹem 'Arta'a.» Qataq saishet da 'enapega ca 'oonolec nam lamaxashec piguem le'ecpi da 'eeta': «Aỹem sheeta'am da Aỹem Lta'a, qaq ñimaye qalaq 'eeta'am ca Ỹalec.»

Efesios 3:9

Nataqa'en aỹem ipataxalec da sa'axatem 'enauac na shiỹaxauapi da 'eetec da Ñimaye ipaqueelec dam 'eetapeguec. Ñim Lo'onatac 'Enauacna, nache 'eetai' de'era 'eetapeguec, qalaxaye qaỹoqteguelo soua vi'iye da saishet da ỹachaxan.

Isaías 2:2

Que'eca pa'atec na'a'q, nache añi qasoxonaxa añim netalec añi atamnaxaqui maye lalamaqte Ñim Nataxala', añimaye ỹataqta qaỹoqotcheguemec qome, napacalec aca camachaqaca lỹa qasoxonaxa. Nache 'enauac qome na ỹotta'a't shiỹaxauapi da taỹa añimaye.

Deuteronómio 18:15

Qaq Ñim Nataxala' maye Qanatamnaxala'ai qami' chegoqtoiguilo naqa'en qome ca la'aqtaxanaxanec da 'eeta'am aỹem, qaq camaye ỹataqta qaualaqaiguet qome.

Deuteronómio 4:30

Qaq qom qaviyeeguet ca qanque'eenaxaqui, qataq ca qanqui'icỹaxaqui, nache da qavi'iguelaqaiỹa da qaualaqaiguet Ñim Nataxala',

Gálatas 4:4

Qaq co'ollaq ivita so na'a'q maye laloqnec Ñim Lo'onatac 'Enauacna, nache namaq So Llalec da nañaxatoigui naqa'en aso 'alo, qataq quetelec na namaxasoxonaxacpi maye ỹo'ottac na judiopi.

Hechos 10:36

Ñim Lo'onatac 'Enauacna namaxa co'ollaxa na Israel le'ecpi da la'aqtac, dam la'aqtac maye ỹo'ot da nlagaxayec, chegoqchigui So Jesucristo, Som Lca'aguishec qataq Lataxala' 'enauac na shiỹaxauapi.

Juan 15:15

Nagui saishet da qami' samata'aque da qami' nlataqa, cha'aye ca choche nlatac saishet da ỹaỹaten cam ỹo'ot ca na'aco'. Qaq nagui qami' samata'aque da qami' ñauochaxau', cha'aye qami' sa'aqtaxaatema 'enauac nam la'aqtacpi Ñim Ita'a maye Aỹem ỹami'.

Miqueas 4:1

Qaq que'ecaua pa'atrec na'axa'te nache añi qasoxonaxa, maye nalec añi atamnaxaqui maye lalamaqte Ñim Nataxala', añimaye nachañi añi ỹataqta qaỹoqotcheguema qome, nache napacalec ana laỹepi qasoxonaxapi. Nache 'enauac na ỹotta'a't shiỹaxauapi anatega qome añimaye.

Jeremías 30:24

Da layeloxo Ñim Nataxala', saishet qome da vi'iiguet, choche ivitta'a da imatta da ỹo'ot nam 'eetapeguecpi. Qaq anacta cam na'a'q maye huaigui da qami' qauaỹachiñi qome de'era.

Judas 1:18

Soomaye qami' ỹapaxagueeta'ape qataq qami' da'aqtaxaateguema co'ollaxa da que'ecaua pa'atre'c na'axa'te, nache huo'o na shiỹaxauapi 'enaxanaxaicpi maye nañaneguet da quetague' nam maiche 'eetapeguecpi maye qauem.

Hechos 2:17

Ñim Lo'onatac 'Enauacna 'enapec: Caua pa'atre'c na'axa'te, nache Aỹem ñanacot Ñim Saqcha'a Ỹa'añaxac da sanem 'enauac na shiỹaxauapi; nache na ỹalleppi qataq na 'alpi, ỹa'axa't qome naua ỹa'aqtaqa, qaq na nsoxoppi huo'oi naua lauanaqcheco chegoqo'oto Ñim Lo'onatac 'Enauacna, qataq na ỹa'axaiquipi huo'oi naua lchoxonaxaco.

Juan 17:2

Cha'aye Aỹem 'aỹa'anem co'ollaxa da 'ara'añaxac da yaqto' ñataỹaña 'enauac na huetalec ana 'alhua. Qataq nataqa'en Aỹem 'aỹa'anem da ỹa'añaxac da yaqto' sanem da lca'alaxa maye chochaq tatec 'enauac nam Aỹem 'aỹa'anem da Aỹem ca'ategue.

Juan 16:15

Cha'aye 'enauac nam lalamaxatpi Ñim Ita'a, namayepi nataqa'en ỹalamaxatpi. Qaq ỹoqo'oye Aỹem shenapec da que'eca Saqcha'a Na'añaxac Camaye qami' ỹaỹaanaxanaxaneque 'enauac da sheeta.

Marcos 12:6

Qaq somaye, nachaqsota so lalamaxat llalec da no'onañi som ỹataqta lauotaxat. Nache somaye ipa'axaatec da ỹamaq, cha'aye 'enapeco': ‹Ñimaye qome ỹataqta huo'o naq 'enec qanqa'en.›

Marcos 1:1

'Era da 'eetec da na'aqtaguec co'ollaq cheta'ague da qaỹa'axat da no'on na'axaỹaxac maye ỹa'axat da llec So Qarataxala' Jesucristo maye Llalec Ñim Lo'onatac 'Enauacna, qataq Lca'aguishec Ñimaye.

Daniel 10:14

Qaq ỹoqo'oye ñanac nagui da 'am sa'aqtaxanem, dam 'eetec qome na 'arhuo' le'ecpi que'ecaua pa'atrec na'axa'te, cha'aye som 'arauanaqchec co'ollaxa, nache ỹa'axatta'alo que'ecaua na'axa'te.»

Ezequiel 38:16

nache 'auloquiaxan ye ỹalamaxat nhuo' Israel le'ecpi. 'Am Gog 'amattalec qome ye 'alhua qoneta'am ca napo. Qaq que'ecaua pa'atrec na'axa'te, nache 'am ñanacot qome da 'auloquiaxan yem hueta'a ye ña'alhua, yaqto' 'am chegoqchigui ñaqa'en da na laỹepi ỹotta'a't shiỹaxauapi ỹaỹaten qome, da sachaxana namayepi da qui'itta ỹataxac.

Isaías 45:18

Ñim lo'onatac na piguem, Ñim Atamnaxala' qataq Nataxala'. Ñim ỹo'ot co'ollaxa ana 'alhua qataq ỹo'ot da lataxac, qataq ỹo'ot da sareraỹai' anamaye, ñim ỹo'ot co'ollaxa qalaxaye saishet da huotaique da qui'ittelec, nacherata da huo'o cam netalec anamaye, 'eeta': «Aỹem nachaỹem Nataxala', qaica ca lỹa.

Deuteronómio 31:29

Cha'aye aỹem saỹaten da qom seleu, nache qami' qauo'oche qome na qauempi, qataq qoquiỹa'ai da ñecỹaxac maye qami' samaxaleguete da qoquiigue, qataq da qami' taleguete qome ca qauem qanhuaxanaguiiqui, souaxat da qauo'oche ca qauem da qami' ỹauaachiguilo Ñim Nataxala', qataq da qauayeloqchichi Ñimaye.»

2 Pedro 3:3

Qaq da hua'auñi, qami' iuen da qauaỹachiñi da que'ecaua pa'atre'c na'axa'te, nache nvi' qome ca shiỹaxauapi maye quetague' nam qauem lqopitaxanaqtaiguesat. Qataq qami' ỹe'eeta'ape.

Hebreos 1:8

Qalaxaye da detaxaỹa So Llalec, qalaq 'eeta': «Da 'aro'onataxanaxac chochaq tatec, qaica ca loga't, qataq 'auo'onataxana da 'ara'añaxac da 'aupagaqchiichigui da 'eesa lataxac.

Oseas 3:5

Qaq qom ime de'era, nache na Israel le'ecpi ñe'eguelaq qome, nache nmitaique Ñim Nataxala' maye Natamnaxala', qataq so David maye lta'a namayepi. Qaq que'ecaua pa'atrec na'axa'te, nache namayepi ỹataqta huo'o naq 'enec naqa'en Ñim Nataxala', qataq da lqouagaxanaqtaic Ñimaye.

Génesis 49:1

So Jacob iỹaxaneugalo co'ollaxa soua llalqa, nache 'enapegalo, 'eeta': «Ñaq aỹem qanquiquiiua'a, yaqto' qami' sa'axatema da qoviỹaigui cam ñaq natauo:

Hebreos 9:26

Qaq So Cristo taxa da nache 'eetec nataqa'en de'era, nache Somaye ỹe'eguelaqtalectaxa da ileu, chegoqchiguiña co'ollaq cheta'ague da ỹo'ot ana 'alhua Ñim Lo'onatac 'Enauacna. Qalaxaye ỹoqta 'eesa da nagui da mashe nayeeta'a ca loga'tna, nache So Cristo 'oonolec da nachaxan, nache sa iuen da ỹe'eguelaxalec da nañan. Somaye nachaxan qataq nañan da 'eeta'am aca nachetaqtaxanaqte maye qaỹavigaxatta da yaqto' Ñim Lo'onatac 'Enauacna ỹapalaxat 'enauac na qarasouaxashetpi.

Juan 3:25

Huo'o so na'a'q, nache huo'oi soua lapaxaguenataqa so Juan da ncotategueto so 'oonolec judío le'ec, ncotatrapigui da lataxac dam nỹoxoc na judiopi.

Daniel 2:28

Qalaxaye huo'o Ñim Lo'onatac 'Enauacna maye neto'ot na piguem, maye ishet da ỹachaxan cam saqcha'a, qaq Ñimaye nacheñi ñi 'am ỹaỹaanaxanaxanec cam ñaq taỹa'a da yo'oq. 'Am nta'a, aỹem 'am sa'aqtaxanen som 'archoxonaxac qataq so 'arauanaqchec co'ollaq 'auo'ocheta:

Jeremías 48:47

Qalaxaye qom ime de'era nache Aỹem ñaralaxat qome da na'achecỹaxac ye Moab. Qaq 'era da ỹa'aqtac Aỹem Nataxala'.» Qaq 'ena nam tachiguiña da lhuaxanaxanaxac Ñim nataxala' maye talec ye Moab.

Isaías 45:12

Aỹem so'ot co'ollaxa ana 'alhua qataq nam shiỹaxauapi maye netalec anamaye, qataq sauota'a na ihuaq da selagaxaañi na piguem, qataq yo'oq ñaqa'en ana huaqaañipi.

Números 24:14

Qaq nagui, aỹem she'eguelaxa ye ima', qalaxaye hua'auñi da 'am sa'aqtaxanem dam ỹo'otec qome na Israel le'ecpi nam 'arhuo' le'ecpi, que'ecaua natrauo na'axa'te.

Mateo 3:17

Qataq qaỹa'axaỹa so na'aqtac chemqot na piguem, 'eeta': «'Era da ỹalamaxat Ỹalec damaye ỹataqta ỹauotaxat, qaq ỹoqo'oye ỹataqta ñetootapeguec.»

Mateo 13:39

som ỹaalec aso qauem huoue ana 'alhua. Qaq da qanqat na ala so trigo, qalaq naigui qom ivita ca laloqo' da qanmit 'enauacna, qaq som 'onataxanaxaicpi maye nqattac ana ala na trigo, qalaq nachena na lamaxashecpi Ñim Lo'onatac 'Enauacna.

Marcos 12:7

Qalaxaye som 'onataxanaxaicpi 'enapeco': ‹'Ena cha'aguet nam talec qome da lalamaxat na nanaxanaqa' qom ileu ca lta'a. Namaye salauataq yaqto' qomi' taleguete ne'ena nanaxanaqa' da qaralamaxat.›

Juan 1:10

Qaq se'eso Na'aqtac nale'ena da hueta'a ana 'alhua. Qaq na'aictaxa da Ñim Lo'onatac 'Enauacna ỹachegoxotchigui co'ollaq ỹo'ot ana 'alhua, qalaxaye nam huetalec ana 'alhua saishet da ỹaconeguet.

Juan 5:26

Cha'aye Ñim Lo'onatac 'Enauacna maye Ita'a, huo'o da la'añaxac da ỹan da nca'alaxa. Qaq de'era na'añaxac, damaye mashe Aỹem ỹanem.

Juan 5:27

Qataq nataqa'en Aỹem ỹanem da ỹa'añaxac da ishet da ñimit na shiỹaxauapi, cha'aye Aỹem maye Aỹem Shiỹaxaua Llalec.

Juan 9:29

Cha'aye qomi' saỹaanaqta da Ñim Lo'onatac 'Enauacna, detaqtague' co'ollaxa so Moisés. Qaq se'eso ỹale, qomi' saishet da saỹaanaq cam chegaqa'ague.

1 Corintios 2:7

De'era naỹaanec maye sa'axataqtac, damaye naỹaanec saqcha'a maye chegoqo'ot Ñim Lo'onatac 'Enauacna. Damaye nachera da ỹapogoñi laỹaanec Ñim Lo'onatac 'Enauacna maye iqataxanai' co'ollaq saxanaqaca ana 'alhua qataq da huotaique ỹachaxan dam ñeuanaqaua'a da llo'oxoyec maye chochaq tatec.

Hebreos 3:6

Qalaxaye So Cristo, som Llalec Ñim Lo'onatac 'Enauacna, Somaye ỹataqta laxaraic qataq itauan nam lalamaxatpi Ñimaye. Qaq qomi' nache qaraỹepi ne'ena lalamaxatpi Ñimaye da qolaqtot da ña'añaxataxac da qarpi'iỹaxac qataq da ñetonaqtapeguec cam nca'alaxa maye saconaxaguet qome.

Hebreos 4:14

So Jesús, Somaye Llalec Ñim Lo'onatac 'Enauacna, qataq nacheso Som Lataxala' nam ntaxaỹaxanaxanecpi da qaitaxaỹapegue' Ñim Lo'onatac 'Enauacna, Som 'oonolec maye inoxoneua'a ca hueta'a Ñimaye. Qaq ỹoqo'oye iuen da qolaqto'ot da qanaquitaxac Somaye.

Hebreos 7:28

Na ntaxaỹaxanaxanecpi maye chegoqchigui na namaxasoxonaxacpi maye chegoqo'ot so Moisés namayepi ỹataqta huo'o da lqalaic da ỹataqta imauec da ỹalaxaguet Ñim Lo'onatac 'Enauacna. Qalaxaye co'ollaq ime da qomi' qoỹanema na namaxasoxonaxacpi, nache Ñim Lo'onatac 'Enauacna ỹan da la'aqtac da 'eetega ipacchigui da lataxala' naqa'en na ntaxaỹaxanaxanecpi So Llalec, Som nache 'eetai' da nalochiguiñi da lataxac.

Juan 13:32

Qaq da ne'ena Shiỹaxaua Llalec da ỹachaxan da llo'oxoyec Ñim Lo'onatac 'Enauacna, nache Ñimaye nataqa'en ỹachaxan qome da llo'oxoyec namaye, qaq mashe saqaỹaloq da ỹachaxan damaye.