Hebreos 1:11 - La'aqtaqa Ñim Lo'onatac 'Enauacna 2013

¹¹ Qalaxaye naamaye taỹa'alo da ltoi', 'eeta'am ca nogoxot, qaq huo'o ca na'a'q, nache nlaguiñi. Qaq 'am, qalaq nache qonetai';

Nuevo Testamento Toba Sur

¹¹ Qaq namayipi taÿa'a da imeuo, 'am, qalaxayi nachi qonetai'. Qataq 'enauac namayipi taÿa'a da lto, 'eeta'am ca chochi nogoxot.

Nuevo Testamento Toba Sombrero Negro

¹¹ Mate mane'e yemeda jogaa'me uo'oe male pa'l jo' qom'te, Qalaĝaja da'me mach'e at'oyaĝac nach'e eta't ja pal. Qa'a yema ga'me 'uo ch'e qo'naĝat qomle, ena'am ga'me noĝot jo'ne toĝoic,

Hebreos 1:11 Referans Kwoze

Isaías 51:6

Ña qauamachiỹo'ot na piguem, qataq qauamachiỹalec ana 'alhua: na piguem qalaq nlagaxatapec qome 'eeta'am na lmala'q, qaq ana 'alhua qalaq lto qome 'eeta'am aca npoto, qataq na netalecpi anamaye ileu qome 'eeta'am aca 'aỹat. Qalaxaye da ica'alaqtaxanaxac chochaq tatec qome, qataq da ỹauegaxanaxac saishet da huo'o ca loga't.

Marcos 13:31

Na piguem qataq ana 'alhua imeuo qome, qalaxaye da ỹa'aqtac saishet da imeuo.

Isaías 34:4

Ana huaqaañipi qalaq colaxagui qome, na piguem qalaq 'eeta'am qome aca nere da qainanegue, qataq 'enauac ana huaqaañipi da naañi qome, 'eeta'am ana laue ana uva qataq hiigo da deqaqa nache naañi.

Apocalipsis 21:1

Ime, nache sela'a so piguem dalaxaic qataq aso 'alhua dalaxai, cha'aye so hua'auchiguiñi piguem qataq aso hua'auchiguiñi 'alhua mashe imeuo. Qataq aso auaxai nataqa'en mashe imeuo.

Lucas 21:33

Qaq na piguem qataq ana 'alhua imeuo qome, qalaxaye da ỹa'aqtac saishet da imeuo.

Mateo 24:35

Na piguem qataq ana 'alhua imeuo qome, qalaxaye da ỹa'aqtac saishet da imeuo.

Hebreos 12:27

Ñimaye da 'enapec: «Aỹem qaltaq she'eguelaxalec,» nache saỹatenaq da Ñimaye nqat qome 'enauac na maiche lo'onatacpi nam ishet da qanqochenaxat, da yaqto' nache ỹaataña nam saishet da ishet da qanqochenaxat.

Isaías 65:17

«Ña qauloichigui da, Aỹem so'ot qome ca dalaxaic piguem, qataq aca dalaxai 'alhua. Nache som hua'au co'ollaxa qalaq qaicoua'ai qome, nache qaica qome ca qaltaq iuennatega somaye.

Salmos 90:2

Co'ollaq saxanaxa da huo'o ana qasoxonaxapi, qataq saxanaxa da yo'oq ana 'alhua qataq 'enauac na huetalec, chegoqchiguiña co'ollaq la'atchiguiñi 'enauacna, qataq ivitta'a ca pa'atec na'a'q, da nache 'amta da 'Am Atamnaxala'.

Salmos 10:16

Ñim Nataxala' choche tatec da lo'onataxanaxac da Nta'a, qaq na ỹotta'a't shiỹaxauapi qalaq imeuo qanqa'en ana 'alhua.

Apocalipsis 20:11

Qaq can ime de'era, nache sela'a aso late'erai so'onaxaqui lapagaxai qataq som nso'ootangui asomaye. Huaña, nache ana 'alhua qataq na piguem ỹataqta nlagaxatapec, nache qaica ca ishet da qaltaq ila'a.

Apocalipsis 2:8

«'Auamaxa qome aca 'ere ñi namaxashec maye ilotague' nam ỹa'amaqten So Jesús maye netaña ye nỹecpi ye Esmirna. Qoneta': ‹Aỹem maye Aỹem la'auaxanec qataq sepa'atec. ¡Aỹem seleu co'ollaxa, qalaxaye qaltaq she'eguelaxalec da ñeca'alec! Ñaq 'ana'axaỹaxana dam 'am sa'aqtaxanem:

Apocalipsis 1:11

Qaq se'eso nvilỹaxac aỹem 'enapega, 'eeta': «'Auauo'o aca 'ere da 'iyiñi nam 'aulota'api, ime, qaq 'auamaxalo naua siete 'aleu' maye hueta'alo nam ỹa'amaqten So Jesús maye huetaigui ye 'alhua Asia, yem nỹecpi ye Éfeso, Esmirna, Pérgamo, Tiatira, Sardis, Filadelfia, qataq ye Laodicea.»

Isaías 50:9

Ñim Nataxala', nacheñi ñim aỹem itauan, qaq ¿negue'to' ca ishet da ỹauo'o qome ca ñeuaxanaguec? 'Enauac nam ñepa'aguenaxauapi deqat qome, 'eeta'am ca nogoxot da ichec na nogoxot lalaxat.

Isaías 41:4

¿Negue't co'ollaxa cam ỹo'ot de'era lataxac? qataq ¿negue't ca ỹo'ot da llecỹaxac nam shiỹaxauapi dam chegoqta'ague? Aỹem Nataxala', nachaỹemta da Aỹem Atamnaxala', Aỹem sa'auchiguiñi qataq sepa'atec.

Salmos 29:10

Ñim Nataxala' nacheñi ñi ilotague' na auot, Ñim Nataxala' nache 'eetai' da chochaq tatec da lo'onataxanaxac.

Isaías 51:8

cha'aye namayepi 'eeta'am qome ca nogoxot da ichec na nogoxot lalaxat, qataq 'eeta'am ca qagueta laue da ichec na qoche'lpi. Qalaxaye da ỹauegaxanaxaxac chochaq tatec qome qataq da ica'alaqtaxanaxac nache 'eetai' qome qaica ca loga't.»

Isaías 44:6

Ñim Nataxala', maye Lta'a qataq lca'alaxaqui so Israel, Ñim Nataxala' maye Qaica ca Ỹaqalanapec, 'eeta': «Aỹem nachaỹem sa'auchiguiñi qataq sepa'atec, qaica ca lỹa atamnaxala'.

Salmos 102:26

Qaq namayepi taỹa'a da imeuo, 'am qalaxaye nache qonetai', 'enauac namayepi taỹa'a da lto 'eeta'am ca nogoxot, qataq 'eeta'am ca nogoxot da 'anaralaxat da lto.

Hebreos 8:13

Qaq Ñim Lo'onatac 'Enauacna da huo'omshe qomi' detaqtegalo da naralaxat ca naỹamaxataxac da qomi' naỹamaxatto, qaq damaye 'eeta'am da Ñimaye ỹamata'ac da mashe togoshec so hua'auchiguiñi naỹamaxataxac. Qaq som ỹamata'ac da mashe togoshec qataq qaica ca naigui, somaye nayeeta'a da imeuo.