Hageo 2:2 - La'aqtaqa Ñim Lo'onatac 'Enauacna 2013

² nache 'enapega da da'aqtaxanem so Zorobabel, qataq so Josué qataq som laỹepi nhuo' le'ecpi:

Toba del Oeste

² yamaĝalegue qaedi dojapegue' joñe'me Zorobabel choqoñe'me Josué, chayovida'a joga'me jiyaĝadipi lae:

Hageo 2:2 Referans Kwoze

Hageo 1:1

Qaq co'ollaq mashe dos vi'iye da lo'onataxanaxac da nta'a so Darío, nache so la'auaxanec na'a'q so ca'agoxoic seis, nache Ñim Nataxala' ỹachegoxotchigui so na'aqtaxanaxanec Hageo, da ỹamaxa so la'aqtac so nta'a ye Judá maye le'enaxat Zorobabel som llalec so Salatiel, qataq so Josué som llalec so Josadac maye lataxala' so ntaxaỹaxanaxanecpi.

Hageo 1:14

Qaq 'era da 'eetec Ñim Nataxala' da ỹa'añaqchet so Zorobabel, maye nta'a ye Judá, qataq so Josué maye lataxala' so ntaxaỹaxanaxanecpi, qataq 'enauac so laỹepi nhuo' le'ecpi. Nache somayepi jec da do'onataxan da ỹo'ot so lma' Ñim Nataxala' maye Qaica ca Ỹaqalanapec,

Nehemías 8:9

Qaq so shiỹaxauapi co'ollaq huaqchigui so na'aqtacpi maye huetalec aso lmalate so nqataxacpi, huaña nache nỹeetagui. Ỹoqo'oye so nta'a Nehemías, qataq so ntaxaỹaxanaxanec qataq napaxaguenataxanaq Esdras, qataq so leviitapi, maye ỹapaxagueetac so shiỹaxauapi, 'eetega somayepi, 'eeta': «Saishet qome da qanỹiñiitac, qataq da qauaquicoitac, cha'aye ne'ena na'a'q nachena na qoỹanot Ñim Nataxala' maye Qanatamnaxala'ai.»

Esdras 2:63

Qaq so nataxala' sa ỹashenem somayepi da chec so qoỹaneuo nallec maye saqaishetapec, choche ivitta'a da huo'o ca ntaxaỹaxanaxanec da dechemaqtaxaalec ỹauota'aisalo sua coma'yolqa Urim qataq Tumim.

Esdras 1:8

Ime, nache so Ciro ỹanem so Mitríades, maye ilotague' aso alom so nta'a. Qaq somaye co'ollaq imat da naloqteetega't, nache ỹanem so Sesbasar, som lataxala' so lma' ye Judá.

Esdras 3:2

Nache so Josué, maye llalec so Josadac qataq so lauo' le'ecpi, maye nataqa'en ntaxaỹaxanaxanecpi, qataq so Zorobabel maye llalec so Salatiel qataq so lauo' le'ecpi, somayepi ỹacoolec da no'oxoosheguem aso nca'atoxonaxalate maye lalamaqte Ñim Natamnaxala' so Israel le'ecpi, da yaqto' qoỹaneuo aso nachetaqtaxanaqte maye qaỹavigaxatta, da yaqto' qaipacchigui da 'enapec aso nere maye nanettalec na lqataxacpi so Moisés, som nale Ñim Lo'onatac 'Enauacna.

Hageo 1:12

Nache so Zorobabel maye llalec so Salatiel, qataq so Josué maye llalec so Josadac, som lataxala' so ntaxaỹaxanaxanecpi, qataq 'enauac so nhuo' le'ecpi, ỹataqta huo'o da lcolanaxa co'ollaq hua'axaỹa da la'aqtac Ñim Nataxala' maye ỹa'axat so na'aqtaxanaxanec Hageo, qaq 'era da la'aqtac, Ñim Lo'onatac 'Enauacna maye Nataxala', da ỹamaxalec somaye da ỹa'axat.