Hageo 1:4 - La'aqtaqa Ñim Lo'onatac 'Enauacna 2013

⁴ «¿Qaq peta'a nacheye yem laloxoqui qanqa'eñi qami', da qoñeetaiguilo naua qarma'achilli' maye ỹaguec da 'onaxaiqa, qaq añim ỹalamaqte atamnaxaqui qalaq ỹataqta qaica ca lyac?

Toba del Oeste

⁴ «Jega da'me ami: ¿qo'li aueñi 'noota da'me yataqata onaĝayaqa'tape jonaa'me at'emaqadi', mate mane'e joga'me mach'e 'yemec jo'ne anetamenaĝaiquii maliaĝa ueteda'añdi naa'me lael?

Hageo 1:4 Referans Kwoze

2 Samuel 7:2

nache so nta'a David 'enapego' so Natán, som la'aqtaxanaxanec Ñim Lo'onatac 'Enauacna, 'eeta': Ña 'aumeten aỹem, mashe sootaigui na nỹec maye no'onataxat ana qo'oipaq cedro, qaq añi arca maye laỹe' naua lqataxaco Ñim Lo'onatac 'Enauacna qalaq ñaq netaigui ñi npe'lolec.

Filipenses 2:21

Cha'aye 'enauac nam laỹepi ime'eguet da ỹo'ottac nam maiche lalamaxatpi, qaq de'era saishet da nachera da laỹamaxannatac So Jesucristo.

Hageo 1:9

Qami', lta'araic da qarmitaxanaxaqui, qalaxaye saq 'amaqtaq ca qauanachiỹa; qataq nam qauaỹamaxache maye qauachiỹaigui ca qarmaye, qalaq sauota'a na ỹa'at da sequetetec. ¿Ta'ainco'? qomye souaxat da ñi ima' ỹataqta nlatañi, qaq qami' qalaq nda'a't da qarhuogoqoi da qauo'ocheeta'ape naua qarma'achilli'. Qaq 'era da ỹa'aqtac Aỹem Nataxala'.

Mateo 6:33

Qaq ỹoqo'oye ỹactec da 'onaxaic da qauauattoñiita Ñim Lo'onatac 'Enauacna da nachaqñita ỹactec da la'amaqchec da Nta'a, qataq da qauo'oche dam 'eetapeguec Ñimaye. Nache 'enauac na laỹepi maye qaviñiitaique qami' ỹanema Ñimaye da ivita ca laloqo'.

Jeremías 52:13

nache ỹavigaxat aso atamnaxaqui, so lma' lta'araic so nta'a, qataq 'enauac so nma'pi yi'iye huaqta'a't nỹecpi, qataq so lma'pi som 'amaqtaqaicpi nataxala'pi,

Miqueas 3:12

Qaq souaxat qami' nache ye Jerusalén, yem huaqta'a't nỹecpi maye nalec añi qasoxonaxa Sión, 'eeta'am ca nañiguishec lma' da qana'ayisheguem, nache ye Jerusalén choche lapoosheguem qome, qaq añi qasoxonaxa maye naña añi atamnaxaqui qalaq ñaxaalec qome ana ỹaxat.

Lamentaciones 4:1

¡Qaq na oro deqat da lo'oxoỹaxac! ¡Ỹataqta deqat imauec da lqashelgaxa! ¡Qaq na coma'pi maye no'onataxatpi co'ollaxa aso atamnaxaqui, qalaq laga't da huetaña ana lamaqaipi na nqa'aicpi!

Lamentaciones 2:7

Ñim Nataxala' saiuooneguet aso lca'atoxonaxalate namayepi, qataq ỹo'otan so lpe'l. Qataq ỹaneguet da lhuaqỹaxac so npa'aguenaxauapi da nlaxaañi so npaxattaua'a som lta'araic nỹecpi, nache somayepi ỹa'alaqtagui huetaigui aso atamnaxaqui maye lalamaqte Ñim Nataxala', 'eeta'am ye na'a'q da huo'o na na'ashaxac.

Jeremías 33:12

Ñim Nataxala' maye qaica ca Ỹaqalanapec, 'eeta': Ne'ena 'alhua maye toolec nagui, qaica ca ỹale qataq ca shiguiỹacpi, qataq 'enauac nam lalamaxat huaqta'a't nỹecpi maye ỹotta'a't na nañalo, namayepi ỹe'eguelaxa qome da huo'o na 'auaqpi, maye na qagueta lo'opi ỹauega qome ana lalo qaguetapi.

Jeremías 33:10

Ñim Nataxala', 'eeta': Qami' maye qoñeetega toolec ne'ena nma', qataq qoñeetega qaica ca shiỹaxauapi qataq shiguiỹacpi, qataq na nqa'aicpi na Jerusalén, qataq na huaqta'a't nỹecpi maye ỹotta'a't naua nañalo na Judá tooleguete; qataq qaica ca hueta'a shiỹaxauapi qataq shiguiỹacpi. Qalaxaye namaye ỹe'eguelaxa qome da qaỹa'axaỹa,

Jeremías 26:18

«So na'a'q maye huetoigui da lo'onataxanaxac so Ezequías, maye nta'a na Judá, nache so Miqueas maye lma' ye Moreset ỹachegoxotchigui da le'enaxat Ñim Nataxala' da da'aqtaxanem 'enauac na nhuo' le'ecpi na Judá, 'eeta': ‹Ñim Nataxala' maye Qaica ca Ỹaqalanapec, 'eeta': Na Sión ỹe'eguelaxa qome da 'eeta'am ca 'alhua maye qana'ayesheguem, na Jerusalén qalaq qailaxachigui qome nache lapoosheguem qaq yem qaỹoqotcheguec 'alhua maye netaña añi atamnaxaqui qalaq ndotec qome na nloche ñaxaalec.›

Jeremías 26:6

huaña qome nache ana'ana atamnaxaqui so'otec dam 'eeta'am co'ollaxa aso naña ye Siló. Qataq so'otec qome ne'ena huaqta'a't nỹecpi da naloqnaxanaxat da huo'o ca qauem ca qaỹasaxalec, 'enauac na ỹotta'a't shiỹaxauapi ana 'alhua.›»

Salmos 102:14

Cha'aye na 'aramaxashecpi ỹataqta ỹauotec nam coma'pi maye mashe nlaguiñi, qataq huo'o da nqui'ic da ilotalec na lsoche namaye.

Salmos 74:7

Ime, nache ỹavigaxat so npe'l maye 'aralamaxat, qataq ỹataqta ỹe'enai' añi atamnaxaqui maye 'aralamaqte, ivitta'a da huetaiya' naqa'en.

Ezequiel 24:21

'aua'aqtaxanem qome na Israel le'ecpi, qoneta': 'Era da la'aqtac Ñim Nataxala': Aỹem seshepaxanaqchet qome añi ỹalamaqte atamnaxaqui, maye qarqopichiỹa naxa da qaualleetaua'a, qataq qarauotaqche, qataq ỹo'ot da qaño'oxonnaxaqui qataq qara'añaxaqui, qaq yem qaỹa'alquipi ỹalleppi, qataq 'alpi maye qano'onaxachiỹaña co'ollaxa ye Jerusalén, qalaq qaỹalauat qome qairolec ca ỹeelonec.

Jeremías 22:14

Qataq qonapec naxa: ‹Aỹem ño'oxoosheguem ca lta'araic ima', nache sauo'o ca qalochiguiñi ndaqa' na pa'asheguem.› Qataq 'auo'ot naua nalloxoqui' qaq na pa'auo nache 'alapaxauo na no'on 'epaq cedro, ime nache 'aua'amen, togaxaraic 'anqa'en da lo'oxoỹaxac.

Hageo 1:3

Qaq huaña nache nvitalo naua la'aqtaqa Ñim Nataxala', so na'aqtaxanaxanec Hageo, 'eeta':

Hageo 1:5

Qaq ỹoqo'oye Aỹem, Nataxala' maye Qaica ca Seqalanapec, qami' shenapegalo da ỹataqta quennataxañeelec de'era qarataxaqui.

Levítico 19:25

Qaq da ivildec caua cinco vi'iye, nache ishet da qollequi aca ala. Qaq da qoñiitec de'era, nache ỹataqta nquiguec aca ala aca qa'añiguishe qo'oipaq. Qaq 'era da ỹa'aqtac, Aỹem Nataxala' maye Qanatamnaxala'ai.

2 Reyes 5:26

Qalaxaye so Eliseo qaltaq ỹe'eguelaxalec da inat, 'eeta': Cha'aye so huaña da huenoteeguesop aso laigona se'eso ỹale da 'am inat, nache da iuennataxac 'am hueta'aguet. Qalaxaye nagui saishet da laloxoqui, da qaỹaconeguet aca plata qataq ca nogoxot, huo'otaq da qaisheenaxana ca nañiguishec lma', qaguetapi, huacapi, nlatacpi, huo'otaq aca nlatapi.

Eclesiastés 3:3

Huo'o ye laloqo' da huo'o na qaỹalauat, qataq huo'o ye laloqo' da huo'o na qanataren. Huo'o ye laloqo' da huo'o na qailaxachigui, qataq huo'o ye laloqo' da huo'o na qano'oxoosheguem.