Hageo 1:2 - La'aqtaqa Ñim Lo'onatac 'Enauacna 2013

² «Qaq 'era da la'aqtac Ñim Nataxala' maye Qaica ca Ỹaqalanapec, maye ỹachegoxotchigui so na'aqtaxanaxanec, 'eeta': ‹Ne'ena nhuo' le'ecpi 'eetega saxanaxa da ivita ca laloqo' da qaltaq qano'oxoosheguem añi ỹalamaqte atamnaxaqui.›»

Toba del Oeste

² «Naq'aeta jenjo' 'yaqatac, mach'e jayem Jaliaĝanec jo'ne napacalegue ena'uac: jenjo' jiyaĝadipi enaac da'me maliaĝa ja laloqo' ta'le qo'noĝojeguem ga'me tamenaĝaiqui jo'ne mach'e 'yemec.»

Hageo 1:2 Referans Kwoze

Esdras 4:23

Nache co'ollaq qaitaxaỹaxaatac aso lere so nta'a Artajerjes, hua'aqchigui so Rejún maye lataxala' so huataxanaq lta'alpi, qataq so neraxanaxanec Simey qataq so ltauapi soomaye, nache 'enauac somayepi sanaỹaloxon da nqo'ona ye Jerusalén, nache ỹataqta 'enapega so judiopi da ỹa'axaneguet da lo'onataxanaxac.

Nehemías 4:10

Huaña nache so Judá le'ecpi huo'o da nachoxoc, 'eeta': «Ne'ena deỹoxosoxootacpi namayepi mashe qaica ca la'añaxac, cha'aye ỹataqta qalota na coma' laỹe, nache sa seshetaq qome da semataq ne'ena ño'oxonaqtapiguisheguem npaqtaxanaxat.»

Eclesiastés 11:4

Qaq cam imelec da imeteetac na la'at, qalaq saishet da ivira da danaxan, qataq cam imelec da imeteetac na lo'oc na piguem, nache saishet da ivira da deqataxan.

Eclesiastés 9:10

Qataq 'enauac nam ishet da 'auo'ot, qalaq ỹataqta 'anasapattelec qome da 'auo'ot, cha'aye añi huachiqui maye 'aỹa'a, qaica ca no'onataxanaxac, qataq qaica ca qaiuennatega da qaỹo'ot, qataq qaica ca nauattonaxanaxac qataq ca naỹaanec.

Números 13:31

Qalaxaye soua lỹata'ape co'ollaxa soomaye, 'eetra': ¡Saishet, qomi' sa seshetaq da seloquiaxanaq yi'iye nhuo' le'ecpi! Cha'aye yemayepi 'añaxaicpi, napacalec da qara'añaxac.

Proverbios 29:25

Da qañe'etega na ỹalleppi damaye nachera da icoñerai' ca shiỹaxaua, qalaxaye ca pi'iỹa'a Ñim Nataxala' camaye ỹataqta qanpaxattalec.

Proverbios 22:13

Ca hualaic da nshetaique da sa do'onataxan, nache 'eeta': «Huo'o ñi llon netangui na nqa'aic ishet qome da aỹem ỹalauat.»

Hageo 1:1

Qaq co'ollaq mashe dos vi'iye da lo'onataxanaxac da nta'a so Darío, nache so la'auaxanec na'a'q so ca'agoxoic seis, nache Ñim Nataxala' ỹachegoxotchigui so na'aqtaxanaxanec Hageo, da ỹamaxa so la'aqtac so nta'a ye Judá maye le'enaxat Zorobabel som llalec so Salatiel, qataq so Josué som llalec so Josadac maye lataxala' so ntaxaỹaxanaxanecpi.

Hageo 1:3

Qaq huaña nache nvitalo naua la'aqtaqa Ñim Nataxala', so na'aqtaxanaxanec Hageo, 'eeta':

2 Reyes 12:7

Qaq huaña co'ollaxa, nache so nta'a Joás, iỹaxaneuga so ntaxaỹaxanaxanec Joyadá, qataq so laỹepi ntaxaỹaxanaxanecpi, nache 'enapega 'eeta': «¿Ta'ainco' da saishet da qanapareñi nam lpoxoỹaxapi añi atamnaxaqui? Nagui nache tachiguiña da qauacoñiitapeeguet ana ndotapegueuo anompi na maiche qarhuo'oi le'ecpi, nacherata da qaỹa'añim namayepi da yaqto' naparen añi atamnaxaqui.»

Eclesiastés 3:3

Huo'o ye laloqo' da huo'o na qaỹalauat, qataq huo'o ye laloqo' da huo'o na qanataren. Huo'o ye laloqo' da huo'o na qailaxachigui, qataq huo'o ye laloqo' da huo'o na qano'oxoosheguem.