Habacuc 1:4 - La'aqtaqa Ñim Lo'onatac 'Enauacna 2013

⁴ Cha'aye sa qaipaguelec na nqataxacpi, qataq da huo'o na qanmit, qalaq sa qaipaguelec da 'eesa lataxac, nam qauemaicpi qalaq ỹataqta sa iren nam no'on da lataxac, qataq qaỹashaxanec dam ỹataqta nalochiguiñi lataxac.

Toba del Oeste

⁴ Qama'le ja qodique'teguelo naa'me namajoĝonaĝaco jo'ne onaĝayaqa, uotaĝa ta'le qoya'uo da'me chimadichiñe. Gaa'me qaleuaĝayaqa yecaa'tape gaa'me yataqatelo'te, qama'le ga'me 'noota ladic ja di'yoq.

Habacuc 1:4 Referans Kwoze

Salmos 119:126

'Am Nataxala', mashe ivita ye laloqo' da huo'o ca 'auo'ot, cha'aye mashe sa qaỹalaxagueta naua 'arqataxaco.

Da na'aqtaguec so Job 21:7

¿Ta'ainco' da queta da nca'altauec nam qauemaicpi, qataq ivitta'a da lqueroxo, qataq nquictauec da lsallaxa?

Jeremías 12:1

'Am Nataxala', dam 'Am ñecotaỹapegue', qalaq 'Am saqỹet naxa da 'eesa cam qonapec, qalaxaye aỹem sauotaique da 'am senat da ta'ainco' da huo'o nam laỹe lataxacpi. ¿Ta'ainco' da qaica ca iuena'a nam qauemaicpi? Qataq ¿ta'ainco' da ỹe'emaqtac nam sa ỹalaq?

Ezequiel 9:9

Nache Ñim Nataxala' aỹem ỹasateguet, 'eeta': «Da lasouaxashet na nhuo' Israel qataq na Judá le'ecpi ỹataqta lta'araic. Ne'ena 'alhua ỹataqta nlaxagui da nalaataxanaxac, ne'ena huaqta'a't nỹecpi ỹataqta nlaxagui da sa nalogoñi lataxac. Namayepi ipettega da mashe sheca'ai ne'ena 'alhua, qataq sa sauangui nam ỹo'ottacpi.

Amós 5:12

Aỹem saỹaten da ỹataqta qalota na qauem qauo'ocheetac, qataq na ỹataqta qalota qarasouaxashichi, qataq da ỹataqta huetaiya' qanqa'eñi na no'on da lataxac, qataq yem huaña naxa da qanmit nam nasouaxashetpi, nache huaña da qauacoñeetapeeguet ana nsheetenaxanaqte, da yaqto' qanauec qanqa'eñi na choxoraqpi.

Oseas 10:4

Cha'aye namayepi nacherata da ltaxaỹaxac ỹaỹaten, qataq ỹan na saq 'en la'aqtacpi da ỹo'ot da naỹamaxataxac, qaq dam 'eetega no'on lo'onataxanaxac, qalaq 'eeta'am ana huoue deshenataxan maye ñaxattalec na no'onaxa.»

Isaías 5:20

¡Choxoraxaso' na 'eetega no'on na qauem, qaq na qauem qalaq 'eetega no'on, qaq na yo'oqchiguiñi qalaq nmeneguet naqa'en na napalaxa, qaq na napalaxa qalaq nmeneguet naqa'en na yo'oqchiguiñi, qaq na chem qalaq 'eetega ama, qaq na ama qalaq 'eetega chem!

Deuteronómio 16:19

Qataq saishet qome da ỹashaxanec da nalochiguiñi lataxac, qataq saishet da lca'atagui na shiỹaxauapi, qataq saishet da ỹaconeguet aca nsheetenaxanaqte, cha'aye aca nsheetenaxanaqte iqanamaqchet ca ỹaanaxanaxaic, qataq ỹashaxanec ca la'aqtac ca shiỹaxaua maye no'on da lataxac.

Éxodo 23:6

Saishet da sa 'atauan ca choxoraqpi ca 'arma', da huo'o ca ncotaxac da taua'a ca nta'a.

Éxodo 23:2

Saishet qome da 'avi'inaxat na qalota shiỹaxauapi da huotaique ỹo'ot ca sa lataxac. Da ivita da 'auo'ot ca 'ara'aqtaxanaxac, qalaq saishet qome da 'aualecaua'a na qalota shiỹaxauapi, da 'aualecaua'a ca sa lataxac maye qaỹa'axatem ca nta'a,

Romanos 3:31

Qalaxaye da huo'o da qarpi'iỹaxac So Jesús, nache damaye saishet da ỹa'axat da na namaxasoxonaxacpi maye chegoqo'ot so Moisés da qaica ca naigui. Nachaqrata da huo'o da qarpi'iỹaxac Somaye, nache ichoxot da huo'o naq 'enec ñaqa'enaq nam nqataxacpi.

Hechos 7:59

Qaq co'ollaq ña qaỹasaqtalec so Esteban, nache somaye nqouagaxaueetac, 'eeta': –'Am Ỹataxala' Jesús, 'auaconeguet da saqcha'a ica'alaxa.

Hechos 7:52

Cha'aye ¿chaq negue'to' cam la'aqtaxanaxanec Ñim Lo'onatac 'Enauacna da huo'otaq sa iuaxan som hua'au qarta'ailpi? Cha'aye somayepi nache ỹalauat co'ollaxa som hua'auchiguiñi da ỹa'axatta'aguet da lviraxac som ỹale maye no'on da lataxac. Qaq somaye co'ollaq nvi', nache qami' qauacoñiiua'a, nache qaualauache.

Marcos 7:9

Qami' ỹataqta qauaỹachiñi da lataxac da qaumaqỹa'agueta naua lamaxasoxonaxaco Ñim Lo'onatac 'Enauacna, da yaqto' qoquiigue da maiche qaralamaxache qarapaxaguenataxanaxaqui.

Salmos 94:3

'Am Nataxala', ¡Chaq laguio' da ỹaxaañi da le'enaxanaxac na 'etaxaloxoicpi!

Salmos 59:4

Qaq namayepi iỹalatapigui' da anac da aỹem iloquiaxan, qamaq qaica ca so'ot saỹaỹamaxañi. Ñaq 'anlouec, nache aỹem 'auanaỹa da yaqto' 'auauaachigui de'era.

Salmos 59:2

Ñaq aỹem 'antelaqna'aguet qome na ỹo'otta'ape naua qauema, ñaq aỹem 'anca'alaxateeguesop na laataxanaxaicpi,

Amós 5:7

Qaq choxoraxaso' nam shiỹaxauapi maye nmeneguet naqa'en da ỹaỹamaqchiguiñi lataxac nam qauemsat, nache ỹasaxaiya' da nalochiguiñi lataxac.

Jeremías 26:8

Qaq somaye co'ollaq ime da ỹa'axat dam ỹamaxalec Ñim Nataxala', nache so ntaxaỹaxanaxanecpi qataq so na'aqtaxanaxanecpi qataq 'enauac so nhuo' le'ecpi, ỹaconeua'a somaye nache 'enapega, 'eeta': «¡'Am 'aleu qome!

Jeremías 12:6

Ye ivira'a nam 'aralamaxat 'arqaỹañecpi qataq nam 'arhuo' le'ecpi, 'am dataỹa'aguet, nache 'am ỹataxaatec da 'am isheueetac. Qaq saishet qome da 'aua'amaqten namayepi na'aictaxa da no'onaxa't naua la'aqtaqa da 'am detaqtacot.»

Salmos 22:16

Qaq so qalota qauemaicpi qalaq 'eeta'am na pioxoppi da aỹem coleesop, nache aỹem nanaxachigui, nache icolaxatta'ape naua ihua'q qataq naua ichel.

Salmos 11:3

Qaq da ivita da nlaguiñi na na'attalec 'enauacna, nache ¿hua'ago' ca 'eetec ca ỹale maye no'on da lataxac?»

1 Reyes 21:13

Huaña, nache nvildeuo co'ollaxa soua dos ỹale't maye 'etaxaloxoiqa, nache datategueta qanqa'en so Nabot, nache soomaye da'aqtaxaarem se'eso shiỹaxauapi, da so Nabot isheueetac co'ollaxa Ñim Nataxala', qataq so nta'a Ajab. Qaq co'ollaq ime, nache qaipa'axanec somaye, qaỹauegueuga so pa'auec so huaqta'a't nỹecpi, nache qaỹalauat qairota'a so coma'.

Salmos 22:12

Qataq aỹem coleesop na ñepa'aguenaxauapi, 'eeta'am na huaca yeloxoic, maye lma' ye Basán,

Isaías 59:12

Qomi', ỹataqta qalota naxa da 'am senogoqchetaq, na maiche qarasouaxashetpi nachena na qomi' ỹa'axa't, qaq nam qarasouaxashetpi qomi' netaiguilo, qataq saỹaanaqta nam qauempi maye so'otaqtac.

Jeremías 8:7

Qaq ivira'a na huaqap, da ỹaỹaten ye laloxoqui da ỹe'eguelaq. Na qoto' qataq na payogotolec qataq ana salole ỹaỹaten ye laloqo' da nquiga ye lỹa lanataqa'. Qaq qami' ỹalamaxat nhuo' le'ecpi qalaq saishet da qauaỹachiñi' naua iqataxaco.