Génesis 9:6 - La'aqtaqa Ñim Lo'onatac 'Enauacna 2013

⁶ Da huo'otaq huo'o ca ỹalauat ca lỹa shiỹaxaua, nache ca lỹa shiỹaxaua ỹalauat qome camaye, cha'aye co'ollaq qaỹo'ot so shiỹaxaua, nache 'eeta'am qanqa'en da lataxac Ñim Lo'onatac 'Enauacna.

Génesis 9:6 Referans Kwoze

Levítico 24:17

«Qaq ca shiỹaxaua da ỹalauat ca lỹa, nache camaye nataqa'en qaỹalauat.

Mateo 26:52

Qalaxaye So Jesús 'enapega somaye, 'eeta': «'Oxot na 'ainec, cha'aye ca dalaataxana ca ỹeelonec, nache camaye qaira'a nataqa'en ca ỹeelonec da qaỹalauat.

Apocalipsis 13:10

«Cam taalec da taua'a qanqa'en añi ncoñetaxanaxaqui, qalaq nachañi qaỹauegueua'a; qaq cam taalec da qaira'a ca ỹeelonec da qaỹalauat, qaq camaye qaỹauota'a ỹeelonec da qaỹalauat.» Qaq de'era naigui da na lalamaxatpi Ñim Lo'onatac 'Enauacna, iuen da ỹaỹaten da na'añaxateguet da nque'eenaxac, qataq queto'ot da lpi'iỹaxac Ñimaye.

Números 35:33

Qataq saishet da qana'axache qome ca 'alhua maye qoñiỹalec, cha'aye na ntago'q nachena na na'axat na 'alhua, cha'aye naua qaicoldec ntago'q saishet da iqui'itaxat, nachaqcata ca icolde'c co'ollaxa caua ntago'q maye ishet da iqui'itaxat da qaỹalauat camaye, nache ishet da qui'itta naqa'en.

Santiago 3:9

Ñi qarachaxat nataqa'en ishet da chegoqchigui da ñasaxasoxouec ca no'on qara'aqtac huo'otaq ca qauem qara'aqtac. Qataq nacheñi nataqa'en ñim ishet da chegoqchigui da sho'oxorenaq Ñim Lo'onatac 'Enauacna maye Nta'a, qataq nataqa'en ishet da chegoqchigui da sesheunaq ca shenaqta'am shiỹaxaua maye lo'onatac Ñimaye maye 'eeta'am da lataxac. Ỹaqaỹa't, ¡de'era saishet da ỹaỹamaxañi da nache 'eetec!

Génesis 5:1

Qaq 'ana, ana nere maye nanettalec na le'enaxatpi so llalaqpi so Adán. Co'ollaq Ñim Lo'onatac 'Enauacna ỹo'ot so shiỹaxaua, nache ỹe'enaxatchigui da maiche lataxac Ñimaye:

Romanos 13:4

Cha'aye namayepi do'onataxaatacot Ñim Lo'onatac 'Enauacna, da yaqto' qami' ỹa'añaqche't da qauo'oche ca ỹaỹamaqchiguiñi. Qaq da huo'otaq sa qaualaqai, ¡nache qami' ishet da huo'o da qarcolanaqai!, cha'aye nam lainecpi maye ỹachetac saishet da choche llo'oxoraxat. Namayepi do'onataxaatacot Ñim Lo'onatac 'Enauacna, qalaxaye nataqa'en ishet da ỹauo'o ca nhuaxanaguec ca qauemaic.

Génesis 4:14

Nagui aỹem 'auo'orauec da sheca'ai ne'ena 'alhua, qaq chochaq tatec qome da secoleeteguelec ana 'alhua qaica ca ñemataxac, nache qaỹoqtaique da qoneta. Qaq da nache 'eetec de'era, nache camachaqca ca aỹem natenalec, nache aỹem ỹalauat.»

Salmos 51:4

Qaq nachaq 'amta da 'am hueto'ot na ỹasouaxashetpi, aja', nachaq 'amta, cha'aye so'ot co'ollaxa na qauemsat, nam sa 'auaỹamaxaren da qaỹo'ot. Qaq ỹoqo'oye naua 'arhuaxanaxanaxaco ỹataqta nalochiyiñi, ỹataqta 'am saqaimaqpec da huo'o ca 'anmit.

Números 35:25

Nache ca nhuo' le'ecpi maiche ilo'ogue qataq ntela'a qome ca shiỹaxaua maye ilamaxata'a da ỹalauat ca lỹa, ntelaqna'aguet ca ipaltaique lvi' maye lauo' le'ec que'eca ileu. Nache que'eca shiỹaxaua qaỹe'eguelaxata que'eca huaqta'a't nỹecpi maye ỹe'egueneua'a co'ollaxa, qaq nache netaña camaye ivitta'a da ileu ca lataxala' ca ntaxaỹaxanaxanecpi maye ncoyiguishec.

Levítico 17:4

qataq souaxat da saishet da iroua'a ye ñegueuo ñi npe'l da yaqto' lachetaqtaxanaqte maye ỹanot Ñim Nataxala', nache que'eca shiỹaxaua huo'o da lasouaxashet souaxat da icoraxatec ca ltago'q ca shiguiỹac. Nache camaye qaỹo'orauec, ca'ai qanqa'en ca lauo' le'ecpi.

1 Corintios 11:7

Ca ỹale saishet da iuen da ỹapotalec na lqaic, cha'aye co'ollaq qaỹo'ot, nache huac da 'eeta'am da lataxac Ñim Lo'onatac 'Enauacna qataq ỹaatañi da la'amaqchec Ñimaye. Qalaxaye aca 'alo ỹaatañi da llo'oxoyec ca ỹale.

Génesis 42:22

Nache so Rubén 'enapeco': «Aỹem qami' sheetegalo mque' caillaye da saishet da huo'o ca qoñiỹa'ac so nsoqolec, qalaxaye qami' saishet da aỹem qaualaqaiguet. Qaq nagui iuen da qomi' sesheetenaq da l-leuaxa somaye.»

Éxodo 20:13

Saishet da 'aualaataxan.

Deuteronómio 5:17

Saishet da 'aualaataxan.

Jueces 9:56

Qaq 'era da 'eetec Ñim Lo'onatac 'Enauacna da ỹaneguet da nque'etaxangui naqa'en na qauem so Abimelec, souaxat de'era ỹo'otec so lta'a, qataq da ỹalauat so setenta maiche lqaỹañecpi somaye.

1 Samuel 15:33

Qalaxaye so Samuel 'enapego' somaye, 'eeta': 'Am, 'auauota'a co'ollaxa so 'ainec da 'aualauat so qalota Israel le'ecpi, qaq so 'alpi qalaq 'auauota'a da qaica so llalaqpi. Qaq nache 'ena'am da 'eetec nagui aca 'arate'e. Nache so Samuel huaña naqa'en ye Gilgal qataq ỹauaachigui naqa'en Ñim Nataxala' da ipelcapigui somaye.

2 Reyes 11:16

nache somayepi ỹaconeua'a co'ollaxa asomaye da nqatec, tateuga naqa'en so ñegueuo maye taỹaua'a so nma' lta'araic maye lo'onataxanaqa' so nta'a, maye llegueuo naxa som alleppi da netalec so caipi, huaña nache qaỹalauat asomaye.

Proverbios 28:17

Ca dalaataxan, camaye saishet da vi'iiguet da naneltaxaatac choche ivitta'a aca huachiqui, nache qaica ca ishet da ỹe'egueeta'a da ỹa'axaneguet.

Eclesiastés 3:3

Huo'o ye laloqo' da huo'o na qaỹalauat, qataq huo'o ye laloqo' da huo'o na qanataren. Huo'o ye laloqo' da huo'o na qailaxachigui, qataq huo'o ye laloqo' da huo'o na qano'oxoosheguem.

Números 35:16

Qaq da huo'o ca ique'emaqchet ca lỹa irota'a ca lcat, nache que'eca qaique'emaqchet da ileu, nache que'eca deque'emaqtaxan, camaye laataxanaxaic, qaq camaye nache qaỹalauat.

Deuteronómio 19:11

Qalaxaye da huo'o ca shiỹaxaua da nquiỹatega ca lỹa, nache ỹoicnapec da nqanaxateguet da ỹalauat. Ime, nache taỹa que'eca huaqta'a't nỹecpi da yaqto' ỹe'egueneua'a,

2 Samuel 4:11

¡Qaq ỹoqo'oye nagui qami' qauemaiqa, nache qami' sheeteque de'era nataqa'en, cha'aye qaualauache so shiỹaxaua maye qaica ca lasouaxashet, qataq do'ocheta co'ollaxa huetaigui so maiche lma'! Qaq ỹoqo'oye sepalaique lvi' da l-leuaxa somaye, nache ỹataqta qami' pa'l ñaqa'en ana'ana 'alhua.»

1 Reyes 2:9

Qalaxaye 'am, saishet qome da 'auchoxoreetac. Cha'aye 'am ỹaanaxanaxaic, nache maiche 'auaỹaten cam qoneta'ac qome, qaq na'aictaxa da mashe ỹa'axaiquiolec, qalaxaye saishet qome da 'auchoxonai' da 'aualauat.»

2 Reyes 11:1

Qaq aso Atalía, maye late'e so Ocozías, co'ollaq ỹaỹaten da ileu so llalec, nache asomaye nmatchiguiñi da ỹalauat som llalaqpi so nta'a.

2 Reyes 11:20

nache 'enauac so nhuo' le'ecpi, ỹataqta machiguiñi. Qaq cha'aye mashe ileu aso Atalía, maye qairolec co'ollaxa so ỹeelonec, huaña so sa qaỹapeque so nma' lta'araic maye lo'onataxanaqa' so nta'a, nache 'enauac so hueta'a se'eso huaqta'a't nỹecpi ỹataqta ỹe'emaqtac.

2 Crónicas 33:24

Qaq so nataxala'pi dataỹa'aguet co'ollaxa somaye, nache ỹalauat huaigui naqa'en so lma' lta'araic.