Génesis 9:5 - La'aqtaqa Ñim Lo'onatac 'Enauacna 2013

⁵ Aỹem qami' sevitaqna'agueta naua ltago'q ca shiỹaxaua qataq ca shiguiỹac. Cha'aye ñi 'oonolec shiỹaxaua senat qome, ca 'eetec naqa'en da nachaalataxac ca 'eeta'am lỹa.

Génesis 9:5 Referans Kwoze

Éxodo 21:12

«Qaq da huo'otaq huo'o ca ique'emaqchet ca lỹa, qataq ỹalauat, nache camaye nataqa'en qaỹalauat.

Salmos 9:12

Ñim Lo'onatac 'Enauacna, saishet da icoua'ai na huo'o da nqui'ic, qataq saishet da icoua'ai da nnoinaxac namayepi.

Mateo 23:35

Qaq ỹoqo'oye qami' qome qarasouaxashechi da nalaataguec 'enauac nam no'on da lataxac maye huetalec ana 'alhua, chegoqchiguiña da l-leuaxa so Abel, choche ivitta'a da l-leuaxa so la'aqtaxanaxanec Ñim Lo'onatac 'Enauacna le'enaxat Zacarías som llalec so Berequías. Se'eso na'aqtaxanaxanec qaualauache co'ollaq vichiguinguilo na laiñi ye netaña añi no'onaxanaxaqui late'erai qataq añi nca'atoxonaxalate.

Levítico 19:16

Saishet da huo'o ca na'aqtaqa lo'o' da ỹalectaigui ca laỹepi, qataq da taỹa'a naqa'en da lchec da nachaalataxac ca lỹa shiỹaxaua, souaxat ca latenataxanaxac. Qaq 'era da ỹa'aqtac, Aỹem Nataxala'.

Éxodo 20:13

Saishet da 'aualaataxan.

Hechos 17:26

Ñimaye ỹachegoxotchigui co'ollaxa so 'oonolec ỹale da ỹo'ot 'enauac na ỹotta'a't shiỹaxauapi, da yaqto' namayepi naleguete naua 'aleu'. Nache ỹauo'oi naua laloqo'ote namayepi, qataq ỹa'a'n naua lma'ate,

Génesis 42:22

Nache so Rubén 'enapeco': «Aỹem qami' sheetegalo mque' caillaye da saishet da huo'o ca qoñiỹa'ac so nsoqolec, qalaxaye qami' saishet da aỹem qaualaqaiguet. Qaq nagui iuen da qomi' sesheetenaq da l-leuaxa somaye.»

Jueces 9:56

Qaq 'era da 'eetec Ñim Lo'onatac 'Enauacna da ỹaneguet da nque'etaxangui naqa'en na qauem so Abimelec, souaxat de'era ỹo'otec so lta'a, qataq da ỹalauat so setenta maiche lqaỹañecpi somaye.

2 Samuel 4:11

¡Qaq ỹoqo'oye nagui qami' qauemaiqa, nache qami' sheeteque de'era nataqa'en, cha'aye qaualauache so shiỹaxaua maye qaica ca lasouaxashet, qataq do'ocheta co'ollaxa huetaigui so maiche lma'! Qaq ỹoqo'oye sepalaique lvi' da l-leuaxa somaye, nache ỹataqta qami' pa'l ñaqa'en ana'ana 'alhua.»

2 Crónicas 24:22

Qaq so nta'a Joás, icoua'ai da lauotaxanaqtaic co'ollaxa so Joyadá, som lta'a so Zacarías, nacherata da ỹalauat so Zacarías, som 'enapec co'ollaq mashe yaqta'a da ileu, 'eeta': «Ñim Nataxala' maye ỹauaachigui de'era nacheñi qome ñim 'am nmit.»

Levítico 24:17

«Qaq ca shiỹaxaua da ỹalauat ca lỹa, nache camaye nataqa'en qaỹalauat.

Levítico 24:21

Qataq ca ỹalauat ca shiguiỹac maye saishet da lalo, camaye naiguet naqa'en ca lỹa shiguiỹac. Qalaxaye ca ỹalauat ca lỹa shiỹaxaua, nache camaye nataqa'en qaỹalauat.

Números 35:16

Qaq da huo'o ca ique'emaqchet ca lỹa irota'a ca lcat, nache que'eca qaique'emaqchet da ileu, nache que'eca deque'emaqtaxan, camaye laataxanaxaic, qaq camaye nache qaỹalauat.

Números 35:17

Qaq da huo'o ca ique'emaqchet ca lỹa da irota'a ca coma', nache que'eca qaique'emaqchet da ileu, nache que'eca deque'emaqtaxan camaye laataxanaxaic, qaq camaye nache qaỹalauat.

Números 35:18

Qaq da huo'o ca ique'emaqchet ca lỹa da irota'a ca 'epaq, nache que'eca qaique'emaqchet da ileu, nache que'eca deque'emaqtaxan camaye laataxanaxaic, qaq camaye nache qaỹalauat.

Números 35:21

huo'otaq da souaxat da nache 'eetai' da npa'agueetague', nache ỹauota'a ana napocna da iuaxan, nache da ileu naqa'en camaye, nache que'eca deque'emaqtaxan camaye laataxanaxaic, qaq camaye nache qaỹalauat. Qalaxaye ca ỹataqta lalamaxat lauo' le'ec que'eca qaỹalauat, nacheca ca ishet da ipalaique lvi' da ỹalauat que'eca laataxanaxaic da ivita da ilalec.

Deuteronómio 19:11

Qalaxaye da huo'o ca shiỹaxaua da nquiỹatega ca lỹa, nache ỹoicnapec da nqanaxateguet da ỹalauat. Ime, nache taỹa que'eca huaqta'a't nỹecpi da yaqto' ỹe'egueneua'a,

Deuteronómio 19:12

nache ca nqueroxonecpi que'eca huaqta'a't nỹecpi maye ñe'eguenaqa', camayepi damaxasoxoolec da qaỹaconeua'a camaye, nache ỹanem que'eca shiỹaxauapi maye ipaltaique lvi' da yaqto' ỹalauat camaye.

1 Reyes 2:6

Ỹoqo'oye 'am seqata da 'anaỹaanaxanaqchen qome, qalaxaye saishet qome da 'aviraxata'a da ỹe, qataq da huo'o da l-lagaxayec qom ileu.

2 Reyes 11:1

Qaq aso Atalía, maye late'e so Ocozías, co'ollaq ỹaỹaten da ileu so llalec, nache asomaye nmatchiguiñi da ỹalauat som llalaqpi so nta'a.

2 Crónicas 33:24

Qaq so nataxala'pi dataỹa'aguet co'ollaxa somaye, nache ỹalauat huaigui naqa'en so lma' lta'araic.

2 Crónicas 33:25

Qalaxaye som shiỹaxauapi maye lma' yi'iye 'alhua, ỹalauat co'ollaxa 'enauac se'eso nataxala'pi maye dataỹa'aguet so nta'a Amón, qaq da lo'onataxanaxac da nta'a, nache talec qanqa'en so llalec Josías.