Génesis 9:27 - La'aqtaqa Ñim Lo'onatac 'Enauacna 2013

²⁷ Qataq Ñim Lo'onatac 'Enauacna nquigaxattauec qome ñi Jafet, qataq lmayaxaua naqa'en ñi Sem, qaq ñi Canaán qalaq choche nlatac qome.»

Génesis 9:27 Referans Kwoze

Romanos 15:12

Nataqa'en so na'aqtaxanaxanec le'enaxat Isaías ỹiyiñi da la'aqtac Ñim Lo'onatac 'Enauacna, 'eeta': «'Oonolec qome ca chegoxoguet ñi Jesé da nachaañi qataq huo'o da la'añaxac. Camaye ilo'ogue qome na ỹotta'a't shiỹaxauapi; nache namayepi 'oonolec da pe'etega camaye.»

Romanos 11:12

Qaq nagui da souaxat da sa ỹalaq na judiopi, nache 'enauac na shiỹaxauapi maye huetalec ana 'alhua ỹaconeguet da ntaunaguec, ¡qaq ỹoqta 'eesa da ỹaconeguet namayepi da ntaunaguec qom 'enauac nam judiopi da ỹoltaq ỹaỹamaxareeta Ñim Lo'onatac 'Enauacna!

Efesios 3:13

Qaq ỹoqo'oye aỹem qami' ñachoxoreetoiguilo da saishet da saqca ca qara'añaxaqui, souaxat da aỹem huo'o da ñeque'eenaxac souaxat da qoñiita, cha'aye damaye naigui da yaqto' qami' ỹo'oxora'q.

Efesios 3:6

Qaq de'era 'eetapeguec maye saqcha'a, damaye, 'eeta': Chegoqchigui So Jesucristo da 'enauac nam saishet da judiopi, namayepi nataqa'en ishet da ỹaconeguet da nca'alaxa qataq nam qaỹachaxanapecotpi na Israel le'ecpi. Ime, nache ỹauaxaỹaxana't da yaqto' ima'a't da nhuo' le'ecpi. Qaq dam iuen da ỹo'ot namayepi 'eeta' ỹaconeguet da no'on na'axaỹaxac.

Efesios 2:19

Qaq ỹoqo'oye qami' saishet da 'eco' ỹaqa'a ca qauachegoqỹa'ague naqa'en Ñim Lo'onatac 'Enauacna. Nachaqrata da nagui qami' qaualliquiitaigui nam lalamaxat lauo' Ñimaye qataq nataqa'en qanhuañiỹaua'a nam lalamaxatpi namayepi, cha'aye nagui mashe qaualliquiitaigui nam llalaqpi Ñim Lo'onatac 'Enauacna.

Malaquías 1:11

Cha'aye ỹataqta 'enauac na ỹotta'at shiỹaxauapi ana 'alhua, ỹataqta huo'o naq 'enec naqa'en Aỹem; qataq 'enauac na pa'aiguelo da qaỹavigaxat na nchenaxanaxat da qaỹo'oxoren da ỹe'enaxat, qataq Aỹem qandoua'a ana no'on nachetaqtaxanaqte.

Oseas 2:14

Qaq ỹoqo'oye aỹem ñemanaqchet qome, nache sauega ye toolec 'alhua, nache sechettac da setaxaỹot, yaqto' ỹoxonec da lquiyaqteỹaxac.

Isaías 11:10

Qaq qom ivita que'eca na'a'q, nache aca llaxataxa se'eso lpa'a' maye nacheso so Jesé, nachaañi qome 'eeta'am da la'anaqte na nhuo' le'ecpi, nache na ỹotta'a't shiỹaxauapi jec qome da nmittaique, qaq cam hueta'a camaye qalaq ỹataqta huo'o qome da llo'oxoyec.

Hechos 17:14

Qalaxaye so shiỹaxauapi maye ỹa'amaqten So Jesús sa ỹaỹaloxon da ỹamaq so Pablo da yaqto' taxaama so loigue aso auaxai. Qaq nda'a't so Silas qataq so Timoteo no'oiraña ye Berea.

Génesis 9:28

Qaq co'ollaq mashe qaỹoqtegue so auot lta'araic, nache so Noé, qaltaq ivi' soua trescientos cincuenta vi'iye da nachaalataxac.

Génesis 10:2

Qaq soua llalqa so Jafet: Gomer, Magog, Maday, Javán, Tubal, Mesec qataq so Tiras.

Génesis 27:29

Qataq qalota qome cam shiỹaxauapi 'am do'onataxaatacot, qataq cam ỹotta'a't shiỹaxauapi 'am ỹa'aroto qome naua l-llecte. Qataq 'aulo'ogue qome ca 'aralamaxat 'arqaỹañecpi, ¡maye 'am ỹa'aroto qome naua l-llecte! Qaq ca 'am ỹasaxalec ca qauem, qalaq talec qome cam qauem, qaq ca 'am ichoxoren, qalaq talec qome ca nchoxonnataguec.»

Isaías 66:19

Qaq Aỹem, sauo'o qome ca la'anaxat huaigui namayepi, cam lca'alaxaicpi namayepi qalaq samaxa qome nam ỹotta'a't shiỹaxauapi. Samaxa qome ye Tarsis, Libia qataq ye Lidia, yem 'alhua maye hueta'a na shiỹaxauapi maye ỹaỹaten da do'ogoxona na checnec, qataq ye Tubal, ye Grecia qataq anam qaỹoqta ỹaqauga 'alhuapiole aso auaxai, maye saỹauanego' da hua'aqteguelec Aỹem, qataq saishet da ỹauaachigui co'ollaxa da ỹo'oxoyec, qaq namayepi ỹa'axatem qome da ỹo'oxoyec nam ỹotta'a't shiỹaxauapi.