Génesis 9:25 - La'aqtaqa Ñim Lo'onatac 'Enauacna 2013

²⁵ nache 'eeta': «¡Ỹataqta qauem qome ca talec ñi Canaán! ¡Ñimaye choche l-latac qome naua dos lqaỹa't!»

Génesis 9:25 Referans Kwoze

Josué 9:23

Qaq souaxat de'era, nache chegoqchiguiña nagui da qami' taleguete ca qauem, ỹoqo'oye nache 'eetai' qome da choche qami' nlataqa. Nache qauquesoqoitapigui qome na qo'oipaq qataq qanỹoqoitapegueua'a na 'etaxat ñi nma' maye lalamaxat Ñim Ñatamnaxala'.»

Deuteronómio 27:16

Ỹataqta qauem qome ca talec nhuaxanaguec ca shiỹaxaua da qaica ca 'enec naqa'en ca lta'a, qataq aca late'e. Nache 'enauac qome na nhuo' le'ecpi, 'eeta': Aja', nache 'eetec.

Juan 8:34

Nache So Jesús 'enapega somayepi, 'eeta': –Ỹataqta 'eesa de'era qami' sa'axatema, da 'enauac nam ỹo'ottac da lle'etaxaloxo, namayepi 'eeta'am da l-latacpi de'era ñe'etaxaloxo.

Josué 9:27

qalaxaye ỹanem somayepi da choche qo'oipaq lo'opi, qataq da nỹoqtapegueua'a na 'etaxat so Israel le'ecpi qataq aso nca'atoxonaxalate maye lalamaqte Ñim Nataxala' maye netaña cam lca'aua'a Ñimaye. Qaq nache ivitta'a nagui da na Gabaón le'ecpi da choche nlatacpi.

Mateo 25:41

Ime, nache shenapega na qauem da lataxac, sheeta': «¡Aỹem qoquiỹa'ai! Cha'aye Ñim Lo'onatac 'Enauacna 'oonolec da iqataxaatapigui' qauem maye qami' taleguete. Qanqo'oñiuga yem chochaq tatec norec maye iqataxaatai' Ñim Lo'onatac 'Enauacna, da yaqto' ỹasaxangui so pa'aguenataxanaxaic qataq nam lamaxashecpi.

Deuteronómio 28:18

Qataq ỹataqta qauem qome da lañaxataxac ca 'aỹa'alaqpi, qataq da alaỹaxac ca 'añiguishecpi, qataq ca llalec aca 'arelo huacapi, qagueta qataq ca laỹe 'arelopi shiguiỹacpi.

Génesis 49:7

¡Qauem, aja', ỹoqta 'eesa da qauem de'era nnogoxonaxa'c maye saishet da qanpaxat! ¡Aỹem selagaxatoiguilo qome daamaye, 'enauac na nhuo' Israel le'ecpi!

Génesis 9:22

Qaq so Cam, som lta'a so Canaán, co'ollaq ila'a so lta'a da huetauec, nache pa'auec da da'aqtaxanema soua dos lqaỹa't.

Génesis 4:11

Qaq ỹoqo'oye qauem qome ca 'am talec, qataq 'am qanqateeguesop nam 'alhua maye huecoreleguete soua ltago'q so 'arqaỹa maye 'aualauat.

Génesis 3:14

Nache Ñim Lo'onatac 'Enauacna 'enapega so na'araxanaq, 'eeta': «Qaq souaxat de'era 'auo'ot, nache qauem qome da 'icỹaxac da 'aualectaigui 'enauac na laỹepi shiguiỹacpi. Qaq nache chegoqchiguiña nagui da 'am 'auaualectapigui', qataq qollectac na lsoche na 'alhua, 'enauaque naua na'axa'te da 'arca'alaxa.

Génesis 9:18

Qaq soua llalqa so Noé, maye chegoqraigui aso notaxaqui, soomaye nachesoua so Sem, Cam, som lta'a so Canaán, qataq so Jafet.

Génesis 9:24

Qaq so Noé nlouec co'ollaq mashe imeuec so ltaxa, qaq co'ollaq ỹaỹaten dam ỹo'otec somaye, som llalec na'asa,