Génesis 9:21 - La'aqtaqa Ñim Lo'onatac 'Enauacna 2013

²¹ Qaq huo'o so na'a'q, nache so Noé nỹomgui so lataxa, nache taxaic, nache huetaiya', qataq huetauec, huetaigui na lauel so lpe'l.

Génesis 9:21 Referans Kwoze

Proverbios 20:1

Na lataxa ỹo'ot da sancherapec ca ỹale, qataq na no'on lataxa ỹo'ot da cotaxac, qaq ca itaqchet namaye qalaq saishet da ỹaỹateetegue ca ỹo'ot.

Tito 2:2

Qonapega na ỹa'axaiquipi da ỹataqta ilotegue da llecỹaxac, qataq nllañi da lqopitaxanaqtaic qataq deuennataxaatelec da huo'o ca ỹo'ot. Qataq iuen da ỹauo'o da lpi'iỹaxac Ñim Lo'onatac 'Enauacna, qataq ỹauotec na laỹepi qataq huo'o da lhualaxavic.

Gálatas 5:21

Namayepi ỹataqta quiỹaxanaqtaqaicpi, ivira'a da dalaataxan, taxaicpi, qataq da ỹo'ot ye laponaxac, nache ỹataqta qaica ca laỹaanataxanaxac qataq qalota na laỹepi ỹo'ot qauem. Qaq ỹoqo'oye qami' seqatalo 'ena'am so hua'auchiguiñi ỹa'aqtac, da nam ỹo'ottac de'era saishet da taigui da lo'onataxanaxac Ñim Lo'onatac 'Enauacna.

1 Corintios 10:12

Qaq ỹoqo'oye qaica qome ca 'eetega da qaica ca lasouaxashet, cha'aye saiuena'a da nacheca ca la'auaxanec da huo'o ca lasouaxashet.

Eclesiastés 7:20

Qalaxaye ỹoqta 'eesa da qaica ca ỹale ana'ana 'alhua, da na'aictaxa da no'on da lataxac qataq ỹo'ottac ca ỹaỹamaqchiguiñi da qaica ca lasouaxashet.

Génesis 6:9

Qaq 'era da na'aqtaguec so Noé. So Noé ỹataqta no'on da lataxac, qataq ỹataqta ỹalaxaleguet Ñim Lo'onatac 'Enauacna. Co'ollaq ỹalectaigui so shiỹaxauapi, qaq nachesota somaye da ỹo'ottac nam 'eetapeguec Ñim Lo'onatac 'Enauacna.

Apocalipsis 3:18

Qaq ỹoqo'oye nagui 'am seqata da Aỹem 'auachegoxoto'ot qome da 'ausheenaxana cam ỹoqta 'eesa da 'am sallaxanec naqa'en. Cha'aye ca Aỹem chegoqo'ot ỹataqta 'eesa da lta'araic da lashiichiỹaxac, 'eeta'am ca oro da ime da nqatelaguec. Da saishet da 'auauotaique da huo'o ca 'ara'agaxa da qouetauec, nache 'auaconegueta naua anogo lapagaxaiqa maye 'am sanema da yaqto' 'aayiñi qataq na lata' naua 'ara'ai'te, da yaqto' ỹoqta 'anauaachiguiñi.

Génesis 9:20

Qaq so Noé, ỹacoolec co'ollaxa da do'onataxaalec na 'alhua, nache ỹaañi aso uva.