Génesis 9:20 - La'aqtaqa Ñim Lo'onatac 'Enauacna 2013

²⁰ Qaq so Noé, ỹacoolec co'ollaxa da do'onataxaalec na 'alhua, nache ỹaañi aso uva.

Génesis 9:20 Referans Kwoze

Eclesiastés 5:9

¡Qaq damaye qaỹamata'ac naxa da nquictasheguem da laỹamaxa ca qanayeeta'a 'alhua, qataq cam nta'a itauaatac naxa nam netauga na no'onaxa!

Proverbios 24:30

Aỹem satelec ye no'onaxa so hualaic, qataq ye lma' ana lañiguishe uva so qaica ca ỹaỹaanapec:

Proverbios 12:11

Ca do'onataxaatapeguelec ca na'alhua qalaq sa qoue na aloq, qaq ca imelec da lqueuoxoc qalaq huetague' na qaica ca naigui.

Proverbios 10:11

Naua la'aqtaqa ca no'on da lataxac qalaq chegaqaiguilo da nca'alaxa, qaq ca qauemaic qalaq ipataxañi na qauemsat.

Deuteronómio 28:30

Qataq da huo'o aca 'autaxaỹapegue' da 'arhua, qalaxaye ca lỹa ỹale hua'aulec qome da lauañi' acamaye. Qataq da 'anauaxaỹaxaasheguem ca 'arma', qalaq saishet qome da 'avira'a da qonaigui camaye, qataq da 'aỹa'aañi aca 'añiguishe uva, qalaq saishet da 'avira'a da qollec aca ala acamaye.

Deuteronómio 20:6

Qaq da huo'o ca ỹaañi aca uva nache da ñaq saxanaxa da nqat aca ala acamaye, nache 'onaxaic qome da ỹe'eguelaxa ca lma' da yaqto' iqopitaxanapec da chec aca ala aca'aca lañiguishe, cha'aye sa iuena'a da ileuauga ca alaataqa' nache ishet da ỹaqa'a ca na'atte da nqat aca ala acamaye.

Génesis 5:29

som ỹanagui da le'enaxat Noé, cha'aye 'enapeco': «Ñim Nataxala', talec naqa'en ana 'alhua dam qauem, qataq ỹataqta qapa'atta naqa'en da qaro'onataxanaxac da so'onataxanaqteguelec, qalaxaye ne'ena nogotolec, namaye nachena na ỹo'ot qome cam qanmataxac.»

Génesis 4:2

Qaq ime co'ollaxa, nache qaltaq huo'o so lỹa llalec, le'enaxat Abel, som lqaỹa so Caín. Qaq so Abel, ỹataqta nalemaqteguet co'ollaxa da ilotague' ana qaguetapi, qaq so Caín, qalaq nalemaqteguet da ỹo'ottac na 'alhua.

Génesis 3:23

Qaq ỹoqo'oye Ñim Lo'onatac 'Enauacna maye Nataxala', ỹo'orauec so shiỹaxaua, ca'ai naqa'en so nanaxanaqa' maye huaigui ye 'alhua Edén, nache ỹamaxalec da ỹo'ot na 'alhua, maye maiche chegaqaigui co'ollaxa.

1 Corintios 9:7

¿Negue't ca ishet da taua'a da nale ca nta'a, nache maiche nsheetetapeguela't? Qataq ¿negue't ca ishet da ỹaañi ana uva, qaq saishet da chec ana ala? Qataq ¿negue't ca ishet da ilotague' ana qagueta, qaq saishet da nỹomgui na lche' maye nlomtac?

Cantares 1:6

Saishet qome da qaualleetagui da ỹaueraxa, na'aictoxo' da ỹavigaxat na ỹo'oc añi nala'. So ỹaqaỹañicpi aỹem dalemataỹa co'ollaxa nache aỹem ỹamaxalec da selo'ogue so nañiguishe uva lma'pi, ¡qaq nache secoua'ai da selo'ogue ana maiche ỹañiguishe!

Génesis 9:19

Qaq 'esoua soua tres llalqa so Noé, qaq soomaye qataq som llalaqpi, nache chegoqchigui da qaltaq qanayenalec ana 'alhua.

Génesis 9:21

Qaq huo'o so na'a'q, nache so Noé nỹomgui so lataxa, nache taxaic, nache huetaiya', qataq huetauec, huetaigui na lauel so lpe'l.