Génesis 9:2 - La'aqtaqa Ñim Lo'onatac 'Enauacna 2013

² Qaq 'enauac na shiguiỹacpi, maye huetalec ana 'alhua ỹataqta huo'o qome da lcolanaxa da qoñiita. Qataq 'enauac na huaỹotac, qataq na huetalec ana 'alhua, qataq na 'etaxat le'ec, 'enauac da qami' sanema da qauloỹeegue qome.

Génesis 9:2 Referans Kwoze

Santiago 3:7

Seshetaq da so'oxoỹaqchetaq nam ỹotta'a't shiguiỹacpi maye qauemaicpi qataq na maỹopi qataq nam shiguiỹac maye hualectapigui' qataq nam huetangui aso auaxai.

Génesis 1:28

Ime, qaq ỹanema da no'on la'aqtac, 'eeta': «Ỹataqta qalota qome ca qaỹa'alquipi, qanlaxacheetelec ana 'alhua qataq qauloỹeegue, nataqa'en qauloỹeegue na nỹaq qataq na maỹo qataq 'enauac na shiguiỹacpi maye hualectapigui'.»

Oseas 2:18

Qaq que'eca na'a'q, ñeqouaguec qome na Israel le'ecpi, da naỹamaxate' ñaqa'en na shiguiỹacpi maye huauec, qataq na maỹopi, qataq na na'araxanaqpi. Huaña qome nache ñeqateeguesop ne'ena 'alhua, na nchecnecpi, ỹeelonecpi, qataq ca alaataxac, yaqto' ne'ena ỹalamaxatpi nhuo' le'ecpi ỹataqta amata da nmataxac.

Ezequiel 34:25

Qaq sauo'o qome ca ñaỹamaxataxac da ñaỹamaxate' anamayepi, yaqto' ỹe'emaqtac anamayepi. Qataq imeuo ñaqa'en na huauec shiguiỹacpi ne'ena 'alhua, yaqto' ana ilopi qaguetapi ỹe'emaqtac da coleeteguelec na no'onaxa, qataq da huetaigui na aviaq da do'ocheta.

Levítico 26:6

Qataq qami' sanema da qami' lacchiyiñi qome, qataq qaica ca ỹe'elaqtapigui' na lo'ochaxa, cha'aye Aỹem jec qome ñaqa'en ca shiguiỹacpi maye dequi'iỹapec, qataq que'eca qana'alhuai qaica ca alaataxac.

Génesis 35:5

Qaq co'ollaq jec somayepi, nache Ñim Lo'onatac 'Enauacna, ỹo'otec da lta'araic lcolanaxa 'enauac se'eso lauoreuapi somayepi. Qaq ỹoqo'oye qaica ca ishet da icaalec som llalaqpi so Jacob.

Génesis 2:19

Nache Ñim Nataxala' ỹachegoxotaigui na 'alhua da ỹo'ot 'enauac na shiguiỹacpi, qataq 'enauac na maỹopi, nache ỹauegueua'a so shiỹaxaua da yaqto' somaye ỹo'ot na le'enaxatpi. Qaq na le'enaxatpi na shiguiỹacpi maye se'eso shiỹaxaua ỹanagui, qaq nachena na le'enaxatpi co'ollaxa.

Levítico 26:22

Nache qami' samaxaleguete ca shiguiỹacpi maye dequi'iỹapec, da yaqto' chec ca qaỹa'alquipi, qataq ito ca qareloipi, nache nquigaxattañi, qataq ivitta'a da toteguelo caua qanqa'aicolli'.

Génesis 1:21

Nache Ñim Lo'onatac 'Enauacna ỹo'ot na lta'araic nỹaqpi, 'enauac na ỹotta'a't shiguiỹacpi maye lañaxataxaqui qataq huetangui na 'etaxat, qataq 'enauac na ỹotta'a't maỹopi. Nache Ñim Lo'onatac 'Enauacna ila'a da ỹaỹamaqchiguiñi.

Génesis 9:1

Qaq Ñim Lo'onatac 'Enauacna, ỹanema de'era no'on la'aqtac so Noé qataq soua llalqa, 'eeta': «Ỹataqta qalota qome ca qaỹa'alqui, nache qanlaxachiitelec ana 'alhua.

Génesis 9:3

Qaq ishet qome da qolliqui 'enauac na shiguiỹacpi, qataq ana nañiguishe huoue maye qanallec. Aỹem qami' sanema.

Génesis 1:26

Ime, nache Ñimaye 'enapeco': Nagui so'otaq ca shiỹaxaua, 'eeta'ama qomi'. Qataq huo'o da 'enec da ilo'ogue na nỹaq, maỹo, shiguiỹacpi, nlopi qataq na huauecpi, qataq nam hualectapigui'pi.

Da na'aqtaguec so Job 39:11

¿Peta'a ishet da 'aupe'etalec camaye, cha'aye ỹataqta 'añaxaic qataq 'aua'aqta'a da yaqto' ỹo'ot ca qapa'atta 'aro'onatac?