Génesis 9:16 - La'aqtaqa Ñim Lo'onatac 'Enauacna 2013

¹⁶ Qaq so qomoxonalo, qom huetaigui na lo'oc na piguem, qom sela'a, nache tachigui ye iuel dam chochaq tatec ñaỹamaxataxac, co'ollaq ñaỹamaxate' 'enauac na shiỹaxauapi, qataq 'enauac na shiguiỹacpi, maye huetalec ana 'alhua.

Génesis 9:16 Referans Kwoze

Jeremías 32:40

Qataq so'ot ca chochaq tatec ñaỹamaxataxac da ñaỹamaxate' namayepi, qataq sanem da ỹa'aqtac da saishet qome da sha'axaneguet da so'otec ca ỹaỹamaqchiguiñi namayepi, qataq ñelaxatchigui da lhuennataxac da yaqto' Aỹem ỹo'oxoreetac, qataq saishet da Aỹem ca'ai.

2 Samuel 23:5

Qaq ỹoqo'oye Ñim Lo'onatac 'Enauacna, qaica naqa'en ca iraxaatapigui' na ỹalaqpi cha'aye Ñimaye aỹem ỹo'otec da qaica ca loga't naỹamaxataxac, ỹataqta ỹaỹamaxatchiguiñi qataq ỹataqta 'eesa. Qataq Ñimaye nañaxat naqa'en da ica'alaxa, qataq ipacchigui naqa'en na sheetapeguecpi.

Génesis 17:19

Nache Ñim Lo'onatac 'Enauacna ỹasateguet somaye, 'eeta': «Qalaxaye aỹem mashe shenapec da añi 'arhua Sara huo'o qome ca llalec, qaq camaye 'aỹa'anagui qome da le'enaxat Isaac. Qaq camaye, qataq cam chegoxoguetpi, nache chegoqchigui qome dam llapaxañi ñaỹamaxataxac maye chochaq tatec.

Génesis 17:13

Qaq ñi 'oonolec camayepi iuen da qaipaqueelec da qaỹauo'o ca na'anaxat na lo'oc, yaqto' dam chochaq tatec ñaỹamaxataxac nache huetalec qome da qaro'ocỹaxaqui.

Hebreos 13:20

Ñim Lo'onatac 'Enauacna ỹo'otec So Qarataxala' Jesús da qaltaq ỹe'eguelaxalec da nca'alec. Qaq So Jesús qalaq 'eeta'am naqa'en da qomi' lalopi qagueta, qaq Somaye qalaq 'eeta'am ca ilotague' aca qaguetapi. Qataq chegoqchiguilo soua ltago'q maye huecolde'c co'ollaq qaỹalauat Somaye, da Ñim Lo'onatac 'Enauacna qomi' naỹamaxatto, qaq da naỹamaxataxac chochaq tatec. Qaq ỹoqo'oye seỹaxaatacot Ñim Lo'onatac 'Enauacna maye hueto'ot da nlagaxayec da qami' nalochiyiñi naqa'en qataq qami' huotaxanaqtaqaiqa. Qaq So Jesucristo qami' itaua'n da imauec da qaualaqaiguet Ñim Lo'onatac 'Enauacna. ¡Qaq So Jesucristo ỹataqta lta'araic da ño'oxonnataguec qataq chochaq tatec da 'enec! Aja', nache 'eetec.

Génesis 17:7

Da ñaỹamaxataxac maye so'ot da 'am ñaỹamaxate', qataq cam 'am chegoxoguetpi, damaye saishet qome da imeuo. Qaq Aỹem nache Aỹem 'anatamnaxala' qome, qataq cam 'am chegoxoguetpi.

Isaías 55:3

Ñaq Aỹem qauanaiua'a nache qana'axaỹaxañiichiguiñi, Aỹem qana'axañiỹa nache qanca'alleeuec. Aỹem so'ot qome cam chochaq tatec ñaỹamaxataxac da qami' ñaỹamaxateto, yaqto' sepaqueelec dam sachanapeguem co'ollaxa so David, souaxat da ỹauotaxanaqtaic somaye.

Génesis 9:17

Qaq 'era da la'anaxat da ñaỹamaxataxac maye llapaxañi, da ñaỹamaxate' 'enauac na shiỹaxauapi, qataq na shiguiỹacpi maye huetalec ana 'alhua.» Qaq 'era da la'aqtac Ñim Lo'onatac 'Enauacna, co'ollaq detaqtague' so Noé.

Ezequiel 34:26

Ana ilopi qaguetapi sanaña qome na loigue añi qui'itta ñeqasoxonaxa, nache saalec da na'achecỹaxac, qataq ñamaxa ca auot da ivita ye laloxoqui.

Ezequiel 37:26

Qataq so'ot qome ca ñaỹamaxataxac maye chochaq tatec da ñaỹamaxate' namayepi, cam ñaỹamaxataxac maye ỹo'ot da nlagaxayec. Qataq so'otec qome da nquictauec ye lcata namayepi, qataq nache 'eetai' qome da netangui ñaqa'en namayepi aca qui'itta ỹalamaqte atamnaxaqui.