Génesis 9:13 - La'aqtaqa Ñim Lo'onatac 'Enauacna 2013

¹³ Aỹem, sanaigui so lo'oc na piguem so qomoxonalo, qaq nacheso qome so la'anaxat da ñaỹamaxataxac, da naỹamaxate' 'enauac na huetalec ana 'alhua,

Génesis 9:13 Referans Kwoze

Ezequiel 1:28

'eeta'am da lataxac so quemoxonalo da nachaxan huetaigui na lo'oc na piguem da ime na auot. Qaq 'era da 'eetec da aỹem nachaxana da llo'oxoyec Ñim Nataxala'. Qaq co'ollaq sela'a nache sa'alyiñi naua illecte nache seviraxata'aguet na ỹatap na 'alhua.

Apocalipsis 10:1

Ime, nache sela'a so lỹa namaxashec piguem le'ec ỹataqta 'añaxaic, chegoqo'ot na piguem, huetaigui so lo'oc. Qaq huo'o so 'eeta'am da lo'oxoỹaxac na quemoxonalo coleesop na lqaic somaye. Qaq na lashec qalaq 'eeta'am na le'eraxa añi nala'. Qaq naua lchel 'eeta'am na le'eraxa na norec da nachatchiguiñi.

Apocalipsis 4:3

Somaye ỹataqta qashelectapiguiñi, 'eeta'am da lqashelgaxa na coma' le'enaxat diamante, huo'otaq na coma' le'enaxat rubí. Qaq aso so'onaxaqui coleesop so 'eeta'am na quemoxonalo. Qaq da lqashelgaxa somaye qalaq 'eeta'am na coma' le'enaxat esmeralda.

Génesis 9:12

Qaq 'era da la'anaxat da ñaỹamaxataxac, maye chochaq tatec da qami' ñaỹamaxatto, qataq 'enauac na shiguiỹacpi:

Génesis 9:14

yaqto' qom ñamaq na lo'oc na piguem, da ñamaxalec ana 'alhua, nache yo'oq qome so qomoxonalo da huetaigui namaye.