Génesis 9:10 - La'aqtaqa Ñim Lo'onatac 'Enauacna 2013

¹⁰ qataq 'enauac nam shiguiỹacpi maye qami' hueta'agueta, nam chegaqaigui añi notaxaqui: maỹopi, na shiguiỹacpi nlopi, qataq nam huauec, qataq 'enauac nam shiguiỹacpi maye huetalec ana 'alhua.

Génesis 9:10 Referans Kwoze

Jonás 4:11

Qaq ta'ainectoxo' da saq ỹactec ñaqa'en da ichoxonnataxanaxa yem 'amaqtaqaic huaqta'a't nỹecpi ye Nínive, maye hueta'a ye shiỹaxauapi maye napactelec ca ciento veinte mil ye lcata, maye saỹaỹaten ca 'eetec da yaqto' nca'alec, qataq qalota ye hueta'a shiguiỹacpi.»

Salmos 145:9

Ñim Nataxala', ichoxoren 'enauac nam huo'o, da lchoxonnataxanaxa huetalec 'enauac na lo'onatacpi.

Génesis 8:1

Qaq huaña, nache Ñim Lo'onatac 'Enauacna tachigui lauel so Noé, qataq 'enauac so shiguiỹacpi maye nqotta'ai' somaye aso notaxaqui. Nache ỹo'ot da so la'at ỹasheerelec ana 'alhua, nache so 'etaxat nquiguiñi,

Génesis 9:9

«Ñaq qauloichigui, Aỹem llapaxañi da ñaỹamaxataxac da qami' ñaỹamaxatto, qataq cam qaỹa'alquipi qome,

Génesis 9:11

Qaq da ñaỹamaxataxac da qami' ñaỹamaxatto, damaye saishet qome da nqochen: saishet qome da qaltaq she'eguelaxalec da selaxachigui na shiỹaxauapi, qataq na shiguiỹacpi, da serolec ca auot lta'araic. Qataq sa lỹa da ỹe'eguelaxalec da huo'o ca auot lta'araic, da nlaxaañi ana 'alhua.

Génesis 8:19

Qaq nataqa'en huenotec 'enauac so shiguiỹacpi nlopi, qataq so huauecpi, qataq som hualectapigui'pi, qataq so huaỹotacpi.

Oseas 2:20

Huaña nache 'am saroneguet, nache ỹataqta 'am ñalemaqte', huaña qome nache aỹem 'auauatton da Aỹem Nataxala'.