Génesis 9:1 - La'aqtaqa Ñim Lo'onatac 'Enauacna 2013

¹ Qaq Ñim Lo'onatac 'Enauacna, ỹanema de'era no'on la'aqtac so Noé qataq soua llalqa, 'eeta': «Ỹataqta qalota qome ca qaỹa'alqui, nache qanlaxachiitelec ana 'alhua.

Génesis 9:1 Referans Kwoze

Génesis 9:7

Qalaxaye qami', saqalota qome ca qaỹa'alquipi nache nlaqtelec qanqa'eñi ana 'alhua camayepi.»

Génesis 1:28

Ime, qaq ỹanema da no'on la'aqtac, 'eeta': «Ỹataqta qalota qome ca qaỹa'alquipi, qanlaxacheetelec ana 'alhua qataq qauloỹeegue, nataqa'en qauloỹeegue na nỹaq qataq na maỹo qataq 'enauac na shiguiỹacpi maye hualectapigui'.»

Génesis 8:17

'Anqatec nataqa'en, 'enauac na shiguiỹacpi maye 'anqotta'ai': maỹopi, qataq na shiguiỹacpi nlopi, qataq nam hualectapigui'pi, yaqto' talec 'enauac ana 'alhua, qataq da yaqto' huo'o ca qalota llalaqpi, nache nlaxattelec anamaye.»

Génesis 1:22

Nache ỹanem da no'on la'aqtac na shiguiỹacpi maye lo'onatac, 'eeta': Ỹataqta qalota qome na qaỹa'alqui qataq qanlaxachiichigui ana auaxai, qataq ỹataqta qalota qome na maỹo ana 'alhua.

Isaías 51:2

ña qauloichigui so Abraham maye qarta'ai qataq aso Sara maye qarachi'i. Co'ollaq seỹaxana so Abraham qalaq 'oonolec somaye qalaxaye sanem somaye da ichoxonnataxanaxa nache qalota ñaqa'en so llalaqpi.

Génesis 24:60

Nache qoỹaalec so no'on na'aqtac aso Rebeca, maye 'eeta': «'Am qarqaỹole, ¡nache'am qome, da 'am late'e ca ỹataqta qalota shiỹaxauapi! ¡Cam 'am chegoxoguetpi qalaq loxonec qome cam huaqta'a't nỹecpi maye lalamaxat ca npa'aguenaxauapi!»

Génesis 10:32

Qaq 'eso som llalaqpi soua llalqa so Noé, ỹataqtac na maiche nhuo' le'ecpi, qataq naua maiche nma'ate. Qaq co'ollaq mashe qaỹoqtegue so auot lta'araic, nache somayepi nlagaxaalec 'enauac ana 'alhua.

Génesis 2:3

Nache Ñim Lo'onatac 'Enauacna ỹaalec da no'on la'aqtac se'eso na'a'q siete, qataq iỹotauga da yaqto' qaỹo'oxoren Ñimaye, cha'aye se'eso na'a'q huetoigui da nmateeguesop 'enauac na lo'onatacpi.

Salmos 112:1

¡Qaỹo'oxoren qome Ñim Nataxala'! Ỹataqta machiguiñi ca shiỹaxaua maye huo'o naq 'enec naqa'en Ñim Nataxala', qataq ỹauoteque naua lamaxasoxonaxaco Ñimaye.

Génesis 9:19

Qaq 'esoua soua tres llalqa so Noé, qaq soomaye qataq som llalaqpi, nache chegoqchigui da qaltaq qanayenalec ana 'alhua.

Génesis 9:2

Qaq 'enauac na shiguiỹacpi, maye huetalec ana 'alhua ỹataqta huo'o qome da lcolanaxa da qoñiita. Qataq 'enauac na huaỹotac, qataq na huetalec ana 'alhua, qataq na 'etaxat le'ec, 'enauac da qami' sanema da qauloỹeegue qome.

Génesis 35:11

nache 'enapega 'eeta': «Aỹem nachaỹem So'otapecna maye Qaica ca Seqalanapec, qaq ỹataqta qalota qome ca 'aỹa'alaqpi qataq ca 'am chegoxoguetpi. Qaq nache 'am chegoqchigui qome ca ỹotta'a't shiỹaxauapi, qataq ca qalota nhuo' le'ecpi, qataq cam 'am chegoxoguetpi huo'o qome ca nta'alpi.