Génesis 8:4 - La'aqtaqa Ñim Lo'onatac 'Enauacna 2013

⁴ qaq so na'a'q diecisiete so ca'agoxoic siete, nache aso notaxaqui vi'iiguet netalec aso qasoxonaxa ye Ararat.

Génesis 8:4 Referans Kwoze

Jeremías 51:27

Qaỹa'añiỹasheguem aca qara'anaxanaxache ne'ena 'alhua. Qauashiiyigui ana qarasheerei, qataq naỹamaxat qanqa'eñi 'enauac na ỹotta'at shiỹaxauapi da yaqto' qauloquiaxañi ye Babilonia. Qom qauloquiaxañi yemaye nache qauauaqaiguet na nta'alpi ye 'alhua Ararat, ye Mini, qataq ye Asquenaz. Qataq qauauoi ca nataxala' da ilo'ogue da alaataxac. Qataq qoquiỹot qome na caipi 'eeta'am qanqa'eñi aca qauemai shiiquioxoipi.

Isaías 37:38

Qaq huo'o so na'a'q co'ollaq hueta'a aso atamnaxaqui, da ỹo'oxoreetac so natamnaxala' Nisroc, nache soua llalqa Adramelec qataq so Sarezer, nqo'ooreua'a somaye nache ỹalaua't, qaq ime nache soomaye datare'c taỹalo ye 'alhua Ararat. Qaq huaña nache da lo'onataxanaxac somaye da nta'a, talec som llalec Esarhadón.

2 Reyes 19:37

Qaq huo'o so na'a'q co'ollaq somaye yo'oxonnataxaatac, huetaua'a aso atamnaxaqui maye lalamaqte som Nisroc maye natamnaxala' somaye. Nache soua llalqa Adramelec, qataq Sarezer, ỹa'arapec co'ollaxa somaye nache ỹalaua't, huaña nache datarec, taỹalo ye 'alhua Ararat. Qaq da lo'onataxanaxac da nta'a, nache talec so llalec Esarjadón.

Génesis 7:20

Qaq co'ollaq imoolec naqa'en aso qasoxonaxapi so 'etaxat, nache ivi' siete metros so ỹapacasheguem.

Génesis 8:5

Qaq so 'etaxat ñaq queta co'ollaxa da nquictañi, qaq som la'auaxanec na'a'q som ca'agoxoic diez, nache mashe ishet da qaila'a asom qaỹoqotcheguemec qasoxonaxapi.