Génesis 8:21 - La'aqtaqa Ñim Lo'onatac 'Enauacna 2013

²¹ Qaq co'ollaq ivirot Ñim Nataxala', dam ỹataqta ama laitaỹaxac, nache 'enapeco': «Saishet qome da qaltaq she'eguelaxalec da sasaxalec ca qauem ỹa'aqtac ana 'alhua, souaxat nam qauem maye ỹo'otpi na shiỹaxauapi, cha'aye namayepi nache nacta'ai' co'ollaxa da iuennatega da ỹo'ot da qauem. Qataq nataqa'en saishet qome da qaltaq she'eguelaxa da ñelaxaañi 'enauac na shiguiỹacpi, da 'eeta'am de'era so'ot nagui.

Génesis 8:21 Referans Kwoze

2 Corintios 2:15

Qataq shenaqta'am da alaitaỹaxac cam nchenaxanaxat maye ỹanot Ñim Lo'onatac 'Enauacna So Cristo, qataq ỹataqta huaỹoxonec da alaitaỹaxac, ivirauga nam mashe qanca'alaxatec qataq nam ñaq huetaigui da lsomaxac.

Efesios 5:2

Qataq iuen da ỹataqta qauauochec na laỹepi shiỹaxauapi, 'eeta'am So Cristo da qomi' ỹauoteque qataq qomi' ileualeguete. Qaq da l-leuaxa Somaye Ñim Lo'onatac 'Enauacna, 'eeta'am naqa'en da alaitaỹaxac ca no'on coraxat maye qoỹaneuo da nachetaqtaxanaxat.

Jeremías 17:9

Qaica ca ỹactec da tenataxanaxaic qataq qauemaic da, 'eeta'am añi lquiyaqte ca shiỹaxaua. ¿Qaq negue't ca ishet da ỹaỹaten?

Génesis 6:5

Qaq Ñim Nataxala' ila'a co'ollaxa da so shiỹaxauapi ana 'alhua ỹapacauec da ỹo'ottac na qauem, qataq da nache lhuennataxac da ỹo'ottac na qauem,

Filipenses 4:18

So Epafrodito aỹem ỹami' aso aỹem qanamaqỹa, qaq asomaye ỹataqta ỹapacauec. De'era qartaunaxanaxaqui ỹataqta ama da laitaỹaxac, 'ena'am da alaitaỹaxac aca nachetaqtaxanaqte maye qoỹanot Ñim Lo'onatac 'Enauacna da ỹataqta ỹamaateguet.

Romanos 3:23

'Enauac qomi' huo'o da qarasouaxashet, qaq ỹoqo'oye ỹataqta qomi' qaỹoqtalo Ñim Lo'onatac 'Enauacna.

Ezequiel 20:41

Qom qami' llaỹona't da qami' sachegoxotchiguiñalo nam 'alhuapi, qataq nam ỹotta'a't shiỹaxauapi maye qoñiitaña nagui da qami' laga't, qataq qom sachaxan da qui'itta ỹataxac qom qami' soota'agueta, ỹauaachigui ñaqa'en 'enauac nam nhuo' le'ecpi, nache huaña qome da saconeguet aca qarachetaqtaxanaqche maye ama da laitaỹaxac.

Levítico 1:13

Ime, nache que'eca ỹaneuo ca lachetaqtaxanaxat, camaye nacheca ca iỹo ca lauel le'ecpi, qataq caua lapia'ate que'eca shiguiỹac, ỹauota'a ca 'etaxat, qaq ca ntaxaỹaxanaxanec nache ỹavigaxat 'enauac camaye ỹachalec añi nca'atoxonaxalate, cha'aye nachetaqtaxanaxat maye qaỹavigaxat, yaqto' da ama laitaỹaxac ỹamaateguet Ñim Nataxala'.

Eclesiastés 7:20

Qalaxaye ỹoqta 'eesa da qaica ca ỹale ana'ana 'alhua, da na'aictaxa da no'on da lataxac qataq ỹo'ottac ca ỹaỹamaqchiguiñi da qaica ca lasouaxashet.

Levítico 1:9

Ime, nache que'eca ỹaneuo ca lachetaqtaxanaxat qaỹavigaxatta, camaye nacheca ca iỹo ca lauel le'ecpi qataq caua lapia'ate que'eca shiguiỹac, ỹauota'a ca 'etaxat, qaq ca ntaxaỹaxanaxanec ỹavigaxat 'enauac camaye, ỹachalec añi nca'atoxonaxalate. Cha'aye nachetaqtaxanaxat maye qaỹavigaxat, yaqto' da ama laitaỹaxac ỹamaateguet Ñim Nataxala'.

Génesis 3:17

Qataq 'enapega so ỹale, 'eeta': «Qaq souaxat da 'aualaxaguet ara 'arhua, da qollec aso ala ara qo'oipaq maye sheetega co'ollaxa da saishet da qollec, nache nagui ana 'alhua talec qome da qauem, souaxat 'am. Qataq ỹataqta huo'o qome da 'anque'eenaxac da 'auo'onataxan, da yaqto' 'auachiguiñi ca qollec, 'enauaque naua na'axa'te da 'anachaalataxac.

Juan 3:6

Ca chegoqchigui da lañoxoc ca yo'oqchigui shiỹaxaua, camaye ipacchigui da choche shiỹaxaua. Qalaxaye ca chegoqchigui da lañoxoc So Saqcha'a La'añaxac Ñim Lo'onatac 'Enauacna, camaye ỹaatañi da achaalataxac maye chegoqo'ot Somaye.

Isaías 53:6

'Enauac da shenaqta seqataq co'ollaxa shenaqta'am aca qagueta, nache ñi 'oonolec da shenaqta quetague' ca maiche nqa'aic, qalaxaye Ñim Nataxala' ỹache naqa'en som lamaxashec 'enauac na qarasouaxashetpi.

Salmos 58:3

Cha'aye na qauemaicpi nale'ena da lle'etaxaloxo co'ollaq ñaq huetauo, qataq na tenataxanaxaicpi nale'ena da dasheuec co'ollaq ñaq saxanaxa da ñiguiñi.

Salmos 51:5

Cha'aye saỹateeta da qauem da ỹañoxoc, nale'ena da aỹem 'etaxaloxoic, co'ollaq ñaq sootaigui na lauel aso ỹate'e.

1 Juan 5:19

Saỹatenaqta da qomi' lalamaqa'ate Ñim Lo'onatac 'Enauacna. Qaq nam laỹepi shiỹaxauapi maye huetalec ana 'alhua qalaq 'enauac hueto'ot da la'añaxac so pa'aguenataxanaxaic.

Romanos 1:21

cha'aye namayepi ỹaỹaten da huo'o Ñim Lo'onatac 'Enauacna, qalaxaye saishet da huo'o ca 'enec naqa'en qataq saishet da ỹami' ca na'achecỹaxac. Nachaqrata da iuennatega dam qaica ca naigui qataq da ỹo'ot ca qauem.

Jeremías 18:12

Qaq namayepi qome 'am 'enapega, 'eeta': «¡Saishet qome da qomi' 'aume'egueta! Cha'aye qomi' saỹamaxarenaqta da so'otaqtac ca maiche shenaqtapeguec, qataq nache qolaqto'ot qome da so'otaqta'ape naua qauema lhuennataxaco da qarquiyaqteỹaxac.»

Proverbios 20:9

Qaq ỹoqo'oye qaica ca 'enapec: «Aỹem qui'itta añi iquiyaqte, qataq aỹem qui'itta qaica ca ỹasouaxashet.»

Da na'aqtaguec so Job 14:4

Cha'aye, ¿negue't ca ishet da nqatec ca qui'itta, da ỹachegoxotaigui ca nshepaxan? ¡Qomye, qaica!

Levítico 1:17

Ime, nache inoxongui na laiñi, ỹauattchiguilo naqa'en naua laua't que'eca qoto', nache ca ntaxaỹaxanaxanec ỹachalec ca 'epaqpi maye 'ettaigui huetalec añi nca'atoxonaxalate. Cha'aye nachetaqtaxanaxat maye qaỹavigaxat, yaqto' da ama laitaỹaxac ỹamaateguet Ñim Nataxala'.»

Éxodo 29:25

Qaq da ime da ỹaayeshegue'm, nache 'auavigaxat, 'auachalec aca nca'atoxonaxalate, qataq lỹateuaq ca nachetaqtaxanaxat maye qaỹavigaxatta, yaqto' da ama laitaỹaxac ỹamaateguet Ñim Nataxala'.

Éxodo 29:18

Qaq 'enauac camaye 'auavigaxat, 'auachalec aca nca'atoxonaxalate da nachetaqtaxanaxat maye qaỹavigaxatta, yaqto' da ama laitaỹaxac ỹamaateguet Ñim Nataxala'.

Génesis 6:17

Cha'aye Aỹem ñamaq qome ca auot da ipaxaalec ana 'alhua, nache nlaxaañi qome 'enauac nam huo'o da lca'alaxa maye netalec 'enauac na pa'aiguelo ana 'alhua. Qaq 'enauac qome nam huetalec ana 'alhua ileu.

Jeremías 8:6

Aỹem ña'axaỹaxaatañi co'ollaxa, qalaxaye saishet da huo'o ca sa'axaỹa da ntogottac souaxat na qauem maye ỹo'otpi, qataq cam huesota da, 'enapec: ¿Negue't cam so'ot co'ollaxa? Nda'a't dam layaqchec da llecỹaxac 'eeta'am ca caaỹo maye sancherapec da huetaigui ca alaataxac.

Isaías 65:6

Qalaxaye de'era 'enauac mashe settañi, nache saishet qome da choche ñe'emaxat nacherata da sanem dam naigui nam ỹo'ottpi,

Isaías 48:8

'Am saishet co'ollaxa da 'aua'aqteguelec namayepi da qaỹa'axattac, qataq saishet da 'auauatton, cha'aye nache 'eetai' naxa da saishet da 'aua'aqa. Qaq Aỹem mashe saỹateetac da saishet da 'aualaq, cha'aye nache chegoqta'a co'ollaq 'auañiguiñi da 'am qailonec da saishet da 'aualaq.

Isaías 47:15

Qaq 'era da 'eetec qome nam shiỹaxauapi maye 'iyaxaic lo'opi, nam qalota naxa da 'ana'aqtaxaategue' dam chegoqta'ague da 'anachaalataxac, ñi 'oonolec namayepi maiche ỹo'ot qome ca llecỹaxac, qaq nache qaica qome ca 'am nca'alaxatec.

Isaías 47:12

Qaq nache qoqueto'ot qome da 'aye'eyaqnataxanaxac qataq dam 'araconaxanaxac maye 'anapaxagueetega co'ollaq ñaq 'am qa'añole, shapegueto' da huo'o ca naigui, qataq shapegueto' da 'auañoxot na shiỹaxauapi da 'am ñi'iỹa.

Levítico 26:31

Qataq nlachiguiñi ñaqa'en ca qaralamaxache huaqta'a't nỹecpi, qataq dolachigui ñaqa'en ca qanatamnaqa'aipi, qataq sevira'a da saishet da sesheteguet da laitaỹaxac aca qarachetaqtaxanaqche maye samaateguet co'ollaxa.

Génesis 5:29

som ỹanagui da le'enaxat Noé, cha'aye 'enapeco': «Ñim Nataxala', talec naqa'en ana 'alhua dam qauem, qataq ỹataqta qapa'atta naqa'en da qaro'onataxanaxac da so'onataxanaqteguelec, qalaxaye ne'ena nogotolec, namaye nachena na ỹo'ot qome cam qanmataxac.»

Génesis 4:12

Qaq na'aictoxo' da 'auo'onataxaalec na 'alhua, qalaxaye qaica qome ca ala ca 'añiguishec. Qataq chochaq tatec qome da 'aucoleeteguelec ana 'alhua, nache saishet da 'anmatec.»

Génesis 6:7

Nache 'enapeco': «Sapalaxat qome na shiỹaxauapi maye ỹo'onatacpi maye netalec ana 'alhua, qataq nataqa'en na shiguiỹacpi nlopi, qataq na shiguiỹacpi maye hualectapigui', qataq na maỹopi. ¡Aỹem ỹataqta huo'o da ñequi'ic souaxat da so'ot co'ollaxa namayepi!»

Génesis 6:13

nache 'enapego' so Noé, 'eeta': «Mashe iuennataxac da imeuo ñaqa'en 'enauac na shiỹaxauapi. Cha'aye souaxat na lasouaxashetpi namayepi, nache ana 'alhua ỹataqta qalota da loquiaxac, qaq ỹoqo'oye ñelaxaañi qome namayepi, qataq 'enauac ana 'alhua.

Levítico 4:31

Ime, nache nqat 'enauac ca lcheta, ỹe'enaxatchigui da lataxac da nqat ca lcheta aca nachetaqtaxanaqte maye qanhuaachigui. Qaq ca ntaxaỹaxanaxanec, nache ỹavigaxat, ỹachalec añi nca'atoxonaxalate, yaqto' da ama laitaỹaxac ỹamaateguet Ñim Nataxala'. Qaq da nache 'eetec de'era ca ntaxaỹaxanaxanec, nache qaỹapalaxat ca npe'enaxac que'eca shiỹaxaua.

Levítico 8:28

Ime, nache so Moisés ỹacona 'enauac aso nasoqta'api soomaye, nache npa'axatcheguem da ỹachalec aso nca'atoxonaxalate maye huetalec so lỹa shiguiỹac maye nachetaqtaxanaxat qaỹavigaxatta. Cha'aye nachetaqtaxanaxat da huo'o ca qoỹanagui da lo'onataxanaxac, yaqto' da ama laitaỹaxac ỹamaateguet Ñim Nataxala'.

Números 15:3

nache qaỹa'añeeuo qome aca qarachetaqtaxanaxache huaca, huo'otaq qagueta da qaỹavigaxat da qoỹanot Ñim Nataxala', huo'otaq ca lỹa nachetaqtaxanaxat maye qaỹavigaxatta, qataq da qaipacchigui ca qoỹan na'aqtac, qataq ca maiche qoỹaneuo, qataq ca nachetaqtaxanaxat maye ama da laitaỹaxac, da yaqto' ỹamaateguet Ñim Nataxala',

1 Samuel 26:19

Qaq ỹoqo'oye 'am ỹataxala', 'am ñachoxonnot da 'ana'axaỹaxana ne'ena 'aramaxashec. Da nacheñi Ñim Nataxala' ñim ỹo'ot da aỹem 'auataỹa'aguet, qaq no'on da Ñimaye ỹaconeguet qome aca ỹachetaqtaxanaqte, qalaxaye da maiche chegoqchigui na ỹalleppi damaye, nache Ñim Nataxala' ỹasaxalec qome ca nhuaxanaguec namayepi. Cha'aye nachena na aỹem ỹo'orauec nagui, da yaqto' saishet da sootalec ne'ena 'alhua maye lalamaxat Ñimaye, qataq 'eco' da aỹem ỹamaqtalec da ñatamnot na laỹepi atamnaxala'pi.

Salmos 58:4

Cha'aye na lshenataxanaxa namayepi 'eeta'am na na'araxanaq, qataq 'eeta'am na na'araxanaq maye ỹe'enaxat da sa hua'aqa,