Génesis 8:2 - La'aqtaqa Ñim Lo'onatac 'Enauacna 2013

² qataq napogui na lliguisheguempi so 'etaxat maye chegaqangui aso qaỹoqchiguingui auaxai, qataq nataqa'en napogui na llecpi na 'etaxat na piguem. Qaq co'ollaq vi'iiguet so auot,

Génesis 8:2 Referans Kwoze

Génesis 7:11

huetoigui so na'a'q diecisiete so ca'agoxoic dos, co'ollaq so Noé mashe ivi' soua seiscientos vi'iye da nachaalataxac, qaq nache huetoigui se'eso na'a'q da nachepiaxatasheguem na 'etaxat maye pa'atañi, qataq nauatec na llecpi na 'etaxat na piguem.

Proverbios 8:28

Qataq co'ollaq ỹo'ottac na lo'oc na piguem, qataq ỹaỹamaxattapiguiñi na qaỹoqchiguingui laponqa' na 'etaxat aso auaxai,

Mateo 8:9

Cha'aye aỹem saỹaten da nalaxayec qataq da namaxasoxonaxac. Da huo'o ca shenapega 'oonolec na ñalleppi da nqo'ona ca lauanec, nache camaye jec. Qataq da shenapega ca lỹa da sheeta' 'auanac, nache camaye anac, qataq da samaq ca ỹamaxashec da huo'o ca ỹo'ot, nache camaye ỹalaq da huo'o ca ỹo'ot.

Jonás 2:3

Aỹem 'auasaxaña na ỹataqta qaỹoqchiguiña na laiñi ana auaxai, nache ana lle'eguelaxaso na 'etaxat aỹem coleesop, qataq ana lapaxa na 'etaxat aỹem nlectapeguelec.

Da na'aqtaguec so Job 38:37

¿Negue't ca ỹaanaxanaxaic, da ỹaỹaten da naloqten ye lcata na lo'oc na piguem? ¿Negue't ca ishet da iqui'itaxatchigui namaye da yaqto' ncoyiñi na auot,

Génesis 7:4

Cha'aye qom inoxoorec caua siete na'axa'te, nache anac ñaqa'en ca auot, maye huaiguilo caua cuarenta na'axa'te qataq cuarenta pe' da anactac camaye. ¡Sapalaxat qome 'enauac nam huo'o da lca'alaxa maye ỹo'onatacpi, nam netalec ana 'alhua!»

Génesis 7:12

Qaq cuarenta na'axa'te, qataq cuarenta pe' da anactac so auot da tateguelec ana 'alhua.

Da na'aqtaguec so Job 38:16

¿Peta'a mashe 'aviraña ca chegoqchiguiña aso auaxai, qataq mashe 'aucoleeteguelec ca loga't na pa'aguiñi da 'anmittac?