Génesis 8:12 - La'aqtaqa Ñim Lo'onatac 'Enauacna 2013

¹² Qaq so Noé, qaltaq iuata'a da inoxoorec soua lỹa't siete na'axa'te, nache qaltaq ỹamaq co'ollaxa so qoto'. Qalaxaye huaña nache so qoto' saishet da ỹe'eguelaq.

Génesis 8:12 Referans Kwoze

Isaías 30:18

Qalaxaye Ñim Nataxala' qami' iuatta'alo, da yaqto' qami' ichoxore'n, Ñimaye ỹataqta huo'o da lyaxa da qami' ỹachaxanalo da lsoxoyec, cha'aye Ñim Nataxala' ỹataqta no'on da lataxac. Qaq ỹataqta machiguiñi qome 'enauac nam pi'iỹa'a Ñimaye.

Isaías 26:8

Qomi' nataqa'en ñanomaqta da ỹataqta qolaqtegue so nqa'aic maye qomi' 'auachaxanalo chegoqchiguilo naua 'arqataxaco, 'Am Nataxala'. Da lhuennataxac añi qarquiyaqte qalaq huotaique da saishet da 'am secouaqa'ai.

Isaías 25:9

Qaq que'eca na'a'q qoỹenapec qome: «'Eñi Ñim Qanatamnaxala', Ñimaye sepi'iỹaqa'a nache Ñimaye qomi' nca'alaxatrec. Nache qaramachiguiñi qataq ñetonaqtapigui', cha'aye Ñimaye qomi' nca'alaxatrec.»

Génesis 8:10

Qaq so Noé, qaltaq iuata'a co'ollaxa da inoxoorec soua siete na'axa'te, nache qaltaq ỹachaxanec so qoto'.

Isaías 8:17

Qaq Ñim Nataxala' na'aictaxa da nqañoxocheesop na lauo' le'ecpi so Jacob, qalaxaye aỹem sa'amaqteetac Ñimaye, qataq sacheto'ot da ñaquitaxac.

Salmos 27:14

¡Qaq ỹoqo'oye ỹataqta 'aupi'iỹa'a qome Ñim Nataxala'! ¡Qataq ỹataqta 'ana'añaxat, saishet da 'auqalvi! ¡Aja', ỹataqta 'aupi'iỹa'a qome Ñim Nataxala'!

Habacuc 2:3

Qaq na'aictoxo' de'era 'arauanaqchec da ñaq qaỹoqta cam laloqo' da yo'oq, qalaxaye damaye ipacchigui qome. Qaq 'am ñaq 'auata'a qome damaye na'aictaxa da qaỹaloqta, cha'aye damaye ỹataqta ipacchigui qom ivita ca laloqo'.

Génesis 8:11

Qaq mashe napaltapiguiñi co'ollaq ivireuo so qoto', ỹachetauo aso laue aso qo'oipaq olivo ỹaatagui na nashep. Qaq huaña, nache so Noé ỹaỹaten da mashe 'emñi so 'etaxat ana 'alhua.

Jeremías 48:28

Qami' maye qoñiitaña na Moab, qoquiỹa'ai qome na huaqta'a't nỹecpi, nache qonqo'oñiỹa ana coma'pi da qoñiỹaña, qoñeeta'am na qoto'pi maye ỹanalec na lpata'cpi naua nashecchiyiñi laỹel ana coma'pi.