Génesis 8:1 - La'aqtaqa Ñim Lo'onatac 'Enauacna 2013

¹ Qaq huaña, nache Ñim Lo'onatac 'Enauacna tachigui lauel so Noé, qataq 'enauac so shiguiỹacpi maye nqotta'ai' somaye aso notaxaqui. Nache ỹo'ot da so la'at ỹasheerelec ana 'alhua, nache so 'etaxat nquiguiñi,

Génesis 8:1 Referans Kwoze

Génesis 30:22

Qalaxaye Ñim Lo'onatac 'Enauacna, tachigui lauel aso Raquel, qaq hua'axaỹa so natamnaxac asomaye, nache ỹanem da lco'oxoc.

Génesis 19:29

Qaq 'era da 'eetec, Ñim Lo'onatac 'Enauacna, co'ollaq ilaxachigui som huaqta'a't nỹecpi maye nangui so ca'amegue, som netaña co'ollaxa so Lot. Qalaxaye tachigui lauel co'ollaxa so Abraham, nache nqateeguesop so Lot, yem 'alhua maye taỹa'a da qanlaxaañi.

Éxodo 2:24

Nache Ñimaye ỹoqocha'a de'era lachetataic somayepi, nache tachigui lauel so naỹamaxataxac co'ollaq naỹamaxate' so Abraham, Isaac qataq so Jacob.

Salmos 136:23

Ñim saishet da qomi' icoua'aisalo na'aictaxa da qomi' qaỹachetraiya', cha'aye da lauotaxanaqtaic chochaq tatec.

1 Samuel 1:19

Qaq so lỹa na'a'q nache no'ottrashegue'm, qaq co'ollaq ime da nqouagaxaueetracot Ñim Nataxala', nache ỹe'eguelaxara so lma't yem Ramá. Ime, nache so Elcana qaltaq lauatapiguiñi' aso lhua Ana, nache Ñim Nataxala' tachigui lauel da lashelaxanaxac asomaye.

Éxodo 14:21

Nache so Moisés ỹachaxaasheguem na lhuaq, naloqteetelec aso auaxai, nache Ñim Nataxala', anacot so la'at lta'araic maye chegaqa'ague da nala' lliguisheguem, da ỹasheerelec aso auaxai imauec se'eso pe. Huaña, nache ỹauategue se'eso ñegueta, deqaqattague naqa'en.

Salmos 106:4

Ñaq aỹem 'auennata'a qome 'Am Nataxala', qom ivita da 'anqouaguec na 'aralamaxat nhuo' le'ecpi. Ñaq aỹem 'auennata'a qom ivita ca na'a'q da 'auca'alaqtaxan.

Amós 8:7

Qaq Ñim Nataxala', ỹan da la'aqtac souaxat da la'amaqchec so Jacob, 'eeta': «Aỹem saishet qome da secoua'ai nam qauo'oche».

Habacuc 3:2

«'Am Nataxala', co'ollaq sa'axaỹa da 'ara'aqtac, nache ỹataqta lta'araic da icolanaxa. Ñaq 'auo'ot ne'enaua na'axa'te maye souaqtaiguilo, nam lta'araicpi maye 'auo'ot co'ollaxa soua hua'au' vi'iye. Qaq da nvi' da 'aralemataic, nache 'auennata'a qome da 'archoxonnataxanaxa.

Salmos 137:7

'Am Nataxala', ña 'auennata'a qome da 'eetec na Edom le'ecpi, cha'aye co'ollaq noxonec ye Jerusalén nache namayepi, 'eeta': «¡Qanlaxachiiñi, qanlaxachiiñi qome 'enauac nam lo'oxonaxala'pi!»

Salmos 132:1

'Am Nataxala', ñaq 'auennata'a qome so David, qataq 'enauac na nque'eenaxacpi.

Nehemías 13:31

Nataqa'en saỹamaxaañi da 'eetec da qoỹaneuo so norec lashec, da ipacchiguilo naua laloqo'ote, qataq da qoỹaneuo aso la'auaxana ala so nañiguishec. Ime, nache ñatamen, sheeta': 'Am Ñatamnaxala', aỹem 'auennata'a qome da aỹem 'aỹa'anem da 'archoxonnataxanaxa.

Nehemías 13:22

Nataqa'en shenapega so leviitapi da nqui'itaxatta, ime, nache naua'n soua laso'omi, yaqto' huo'o naq 'enec qanqa'en so na'a'q mataxaqui. Ime, nache ñatamen, sheeta': 'Am Ñatamnaxala', aỹem 'auennata'a qome souaxat da lta'araic 'arsoxoyec, qataq da 'archoxonnataxanaxa da sheeta.

Nehemías 13:29

Nache ñatamen, sheeta': 'Am Ñatamnaxala', saishet qome da 'acoua'ai de'era ỹo'ot so ntaxaỹaxanaxanecpi qataq so leviitapi, souaxat da qaica ca naigui naqa'en de'era lo'onataxanaxac so ntaxaỹaxanaxanec, qataq da 'eetec da 'am naỹamaxate' co'ollaxa.

Nehemías 13:14

Qaq co'ollaq ime, da so'ot de'era nache, sheeta': 'Am Ñatamnaxala', 'auennata'a qataq saishet qome da 'aucoua'ai na ỹaỹamaqchiguiñi maye so'otec añi atamnaxaqui maye 'aralamaqte, qataq da 'año'oxonnataguec.

Apocalipsis 18:5

Cha'aye ỹataqta qalota da lle'etaxaloxo, iviro'ot na piguem. ¡Qaq Ñim Lo'onatac 'Enauacna saishet da huo'o ca icoua'ai na lasouaxashetpi namayepi!

Apocalipsis 16:19

Nache se'eso qalagoxoñi 'alhua, somaye tres soua lpoxoỹaqa'ate naqa'en ye lta'araic nỹecpi ye Babilonia, qataq na hueta'a na lta'araic nỹecpi 'enauac ana 'alhua qalaq qalagoxoñi. Ñim Lo'onatac 'Enauacna saishet da icoua'ai ye nỹecpi ye Babilonia, nachaqrata da ỹauo'o so nhuaxanaguec ỹataqta qaica ca 'ena'am da lchec qataq imatalec da layeloxo.

Proverbios 25:23

Na quenaquiaxaic maye chegaqa'ague da sheu' ishet da anacot na auot, qataq naua qauema na'aqtaqa ỹo'o't da qauem da nasheguiỹaxac.

Da na'aqtaguec so Job 14:13

¡'Onaxaico' da aỹem 'oxooñi da huaña ca lma' na leuaxaicpi, nache ivitta'a da inoxonec da 'aralemataic, qaq da inoxonec damaye nache aỹem 'auennate!

Números 22:32

Qalaxaye so lamaxashec piguem le'ec Ñim Nataxala', 'enapega somaye, 'eeta': ¿Ta'ainco' ye ỹataqta tres da 'avi'eguelaxalec da 'auaxaatac añi 'arelo 'ashena? Ye aỹem nachaỹem sootangui na 'ec da 'am ñeqanaxat, cha'aye sa saỹamaxaren da 'icỹaxac.

Jonás 4:11

Qaq ta'ainectoxo' da saq ỹactec ñaqa'en da ichoxonnataxanaxa yem 'amaqtaqaic huaqta'a't nỹecpi ye Nínive, maye hueta'a ye shiỹaxauapi maye napactelec ca ciento veinte mil ye lcata, maye saỹaỹaten ca 'eetec da yaqto' nca'alec, qataq qalota ye hueta'a shiguiỹacpi.»

Salmos 36:6

Qataq da nalochiguiñi 'arataxac, 'eeta'am ana qaỹoqotcheguemec qasoxonaxapi, qataq naua 'alapaxayiñi lataxaco 'eeta'ama aso auaxai late'erai maye qaỹoqchiguingui. Qataq ỹataqta 'antela'a na shiỹaxauapi qataq na shiguiỹacpi 'Am Nataxala'.

Éxodo 15:10

Qalaxaye co'ollaq 'auquetetec na 'ara'at, nache aso auaxai qaltaq ỹe'eguelaxa't so 'etaxat. Nache iyiiñi somayepi 'eeta'am ca lcat quiguiñi huangui so qaica ca 'ena'am da la'auataxa.

Números 10:9

Qaq da qami' iloquiaxa'n ca qanpa'aguenaxauaipi da qoñiitalec ca qana'alhuai. Nache da qoqui da qanalaache', nache qaỹashiiyiguilo caua nasheerel, lỹateueegue' qanqa'en ca na'alaxac. Yaqto' Ñim Nataxala' ishet da iuennata'alo qami', nache qami' nca'alaxateeguesopa ca qanpa'aguenaxauaipi.

Da na'aqtaguec so Job 12:15

Ñimaye da nllañi na auot, nache huo'o da lqaxaỹaxa ana 'alhua, nache 'ena'am da anacot na auot, nache npaxaasheguem ana 'alhua.

Salmos 29:10

Ñim Nataxala' nacheñi ñi ilotague' na auot, Ñim Nataxala' nache 'eetai' da chochaq tatec da lo'onataxanaxac.

Salmos 105:42

Cha'aye Ñim Lo'onatac 'Enauacna saishet da icoua'ai som ỹan la'aqtac, maye ỹanem co'ollaxa so lamaxashec Abraham.

Isaías 44:27

Aỹem ishet da shenapega da deqaqa aso auaxai océano, qataq 'em ñaqa'en nam talapi maye taỹapegueua'a asomaye.

Nahúm 1:4

Qaq da ỹarenapega aso auaxai nache asomaye deqaxaỹañi, qataq deqaqa naqa'en 'enauac na talapi. Qaq na no'onaxapi ye Basán qataq añi qasoxonaxa Carmelo qalaq deqaqa, qataq deqaqa ana lauoxopi maye hualec na no'onaxapi ye Líbano.

Génesis 9:10

qataq 'enauac nam shiguiỹacpi maye qami' hueta'agueta, nam chegaqaigui añi notaxaqui: maỹopi, na shiguiỹacpi nlopi, qataq nam huauec, qataq 'enauac nam shiguiỹacpi maye huetalec ana 'alhua.

Salmos 115:12

Ñim Nataxala' qomi' iuennata'alo nache qomi' ichoxore'n qome, qataq ichoxoren qome na Israel le'ecpi, qataq ichoxoren qome cam chegoxoguetpi so Aarón.

Jeremías 50:38

Qaq 'enauac ana npaxaatasheguem na le'ec 'etaxat maye hueta'a yemaye qalaq deqaqa qome. Cha'aye yi'iye 'alhua Babilonia yemaye hueta'a na nqolacpi maye ỹataqta qaiqaiga, qaq nachena nam ỹasouaxat da deqat da ntoonaxac yemayepi.

Zacarías 10:11

Qataq ỹa'axasoxongui qome aye auaxai ye Egipto, qaq Aỹem ñepaxateguet ana lapaxa. Qataq seqaxaỹaxat qome aso tala Nilo, nache selaxachigui da na'amqaanaxac ye Asiria, qataq nache tachiguiña ñaqa'en da la'añaxac ye Egipto.