Génesis 7:18 - La'aqtaqa Ñim Lo'onatac 'Enauacna 2013

¹⁸ Qaq so 'etaxat nache nquictasheguem co'ollaxa, qaq aso notaxaqui nache huaỹoxootapigui'.

Génesis 7:18 Referans Kwoze

Éxodo 14:28

Qaq co'ollaq qaltaq ỹe'eguelaxa't so 'etaxat aso auaxai, nache imoolec aso naigonapi, caipi, qataq 'enauac so nalleppi so faraón maye tangui aso auaxai da icaatac so Israel le'ecpi. Nache somayepi qaica da 'oonolec ca no'onañi da nca'altauec.

Salmos 104:26

Qaq ayemaye nache quetangui naxa ana notaxaquipi da qanayiguingui na 'etaxat, qataq nache huetangui so shiguiỹac lta'araic le'enaxat Leviatán, maye 'auo'ot co'ollaxa da yaqto' da'aistapiguingui ayemaye.

Salmos 69:15

Saishet qome da aỹem 'aua'aqta'a da aỹem ỹaỹoxonaqchet na la'auataxa na 'etaxat, qataq saishet da sangui 'anqa'en ana qaỹoqchiguingui lle'eguelaxaso, ten qom nache aỹem ỹapogoña.

Da na'aqtaguec so Job 22:16

Qalaxaye somayepi saqaỹaloq co'ollaxa da ileu, 'eeta'am ca ỹache na la'auataxa so tala da mpaxaasheguem.

Génesis 7:17

Qaq se'eso auot lta'araic, iviraxattrec soua cuarenta na'axa'te da anactac, tateguelec ana 'alhua. Qaq co'ollaq nquictasheguem so 'etaxat, nache aso notaxaqui nyiisheguem, nache huaỹoxootapigui'.

Génesis 7:19

Qaq souaxat da nquittasheguem so 'etaxat, nache ivitta'a da imoolec naqa'en aso qaỹoqotcheguemec qasoxonaxapi.