Génesis 7:16 - La'aqtaqa Ñim Lo'onatac 'Enauacna 2013

¹⁶ Qaq ipacchigui dam ỹamaxalec co'ollaxa Ñim Lo'onatac 'Enauacna so Noé, da ỹale qataq 'alo, som ỹotta'a't shiguiỹacpi maye inoxonoigui aso notaxaqui. Ime co'ollaxa, nache Ñim Nataxala' ỹapogui so lasom aso notaxaqui.

Génesis 7:16 Referans Kwoze

Lucas 13:25

Cha'aye que'eca lma' ca nỹec, da ime da ñesheguem, nache ỹapogui ca lasom ca lma', nache qami' maye qapa'aitauec qauỹaxañiitapegueua'a que'eca lasom. Qaq qoñiita': «'Am Qarataxala', qomi' 'anauategueta.» Qalaxaye camaye ỹasat, 'eeta': «Aque', sa saỹaten ca qauachegoqoita'ague.»

Mateo 25:10

Qalaxaye co'ollaq se'esoua cinco qa'añole maye qaica ca naỹamaxataxa'c, co'ollaq je'c da desheenaxaraique ca lcoỹaraxanaxa't, nache nvi' so auonaxaua. Nache soua qa'añel maye lhuotte' lỹatreuo somaye da pa'areua'a ca naronaxac. Qaq ime, nache qaỹapogui so lasom.

1 Pedro 1:5

Qami' huo'o da qarpi'iỹaxaqui Ñim Lo'onatac 'Enauacna, qaq ỹoqo'oye Ñimaye qami' npaxattaleguete, ỹauota'a da la'añaxac, yaqto' qami' ishet da qanca'alliiuec, ipacchigui dam lapaqtañi 'eetapeguec cam pa'atec na'a'q.

Salmos 46:2

Qaq ỹoqo'oye saishet da sho'oqtac, na'aictaxa da cholaxan ana 'alhua, qataq da hualolaguiñi ana qasoxonaxapi da tangui na laiñi aso auaxai,

Deuteronómio 33:27

Ñim Lo'onatac 'Enauacna maye nache 'eetai' da 'aye'eguenaxala', qataq Ñim nache 'eetai' da 'am nlletañi, qataq 'am dataueeguesop naqa'en na 'ampa'aguenaxauapi, qataq 'am ỹamaxalec co'ollaxa da 'aulaxachigui namayepi.

Proverbios 3:23

Yaqto' qaica ca tatapigui 'arhuel da qoquetague' ca nqa'aic, qataq saishet da 'auquia'aqañi.

Génesis 7:15

Qaq 'enauac se'eso shiguiỹacpi lỹateuo co'ollaxa so Noé da inoxonoigui aso notaxaqui, dostega't somayepi.

Génesis 7:17

Qaq se'eso auot lta'araic, iviraxattrec soua cuarenta na'axa'te da anactac, tateguelec ana 'alhua. Qaq co'ollaq nquictasheguem so 'etaxat, nache aso notaxaqui nyiisheguem, nache huaỹoxootapigui'.

Génesis 7:5

Qaq so Noé, ỹo'ot co'ollaxa 'enauac nam ỹamaxalecpi Ñim Nataxala'.

Génesis 7:9

lỹateuo co'ollaxa so Noé da inoxonoigui aso notaxaqui, dosta'ape, ỹale qataq 'alo. Qaq ipacchigui da ỹamaxalec co'ollaxa Ñim Lo'onatac 'Enauacna.

Da na'aqtaguec so Job 12:14

Ca nlaxaañi Ñimaye, nache qaica ca ishet da no'oxoosheguem, nache 'ena'am da huo'o ca ỹapoua'a, nache qaica ca ishet da ỹauateua'a.