Génesis 7:11 - La'aqtaqa Ñim Lo'onatac 'Enauacna 2013

¹¹ huetoigui so na'a'q diecisiete so ca'agoxoic dos, co'ollaq so Noé mashe ivi' soua seiscientos vi'iye da nachaalataxac, qaq nache huetoigui se'eso na'a'q da nachepiaxatasheguem na 'etaxat maye pa'atañi, qataq nauatec na llecpi na 'etaxat na piguem.

Génesis 7:11 Referans Kwoze

Génesis 8:2

qataq napogui na lliguisheguempi so 'etaxat maye chegaqangui aso qaỹoqchiguingui auaxai, qataq nataqa'en napogui na llecpi na 'etaxat na piguem. Qaq co'ollaq vi'iiguet so auot,

Malaquías 3:10

Qandoiua'a qome ana qandiezmoi añim laỹe' anamaye, maye netaigui añi atamnaxaqui, qaq yaqto' huo'o qome na nallec ñi ima'. Ñaq Aỹem qavi'eguiñic qome de'era, yaqto' qauaỹachiñi da Aỹem seshet da sauatoigui nam lasompi na piguem, da yaqto' qami' secoreleguete da ichoxonnataxanaxa, nache ivita'a da chochaq huañi da qana'achecỹaxaqui.

Jeremías 51:16

Ñimaye da detaqa, nache ỹo'ot da dellimigui na 'etaxat na piguem, qataq naỹoxoosheguem naqa'en na lo'oc na piguem chegoqchiguiña naqa'en naua loga'te ana 'alhua, qataq ỹo'ot na nqashelgaxa da huetaigui naqa'en na auot qataq anacot na la'at ỹachegoxotchiguiña cam laponqa' namaye.

Jeremías 5:22

Qaq Aỹem Nataxala', shenapec: ¿Saishet peta'a da huo'o ca shenec qanqa'eñi? ¿Saishet peta'a da qaviloxolli da aỹem qauataito'ot? Aỹem so'ot co'ollaxa na delecpi da loga'tpi ñaqa'en ana auaxai, nam loga'tpi maye ana auaxai saishet da napacalec. Qaq na'aictaxa da dauaxan ana lapaxa qataq dellimigui qalaxaye saishet da napacalec yi'iye loga't.›

2 Reyes 7:19

Qataq so ltaua so nta'a co'ollaq ỹasateguet som la'aqtaxanaxanec Ñim Lo'onatac 'Enauacna, 'eeta': Qaq na'aictaxa taxa da Ñim Nataxala' ỹauatoigui ca lasom na piguem, qaq nache 'ena'am saishet da huo'o de'era qonapec. Qaq so Eliseo, 'enapeco': 'Am, 'auauaachigui qome de'era, qalaxaye saishet da 'avira'a da qollec.

Ezequiel 26:19

Qaq Aỹem Nataxala' shenapec: «Aỹem so'ot qome da ỹataqta 'anlachiguiñi, qoneta'am ca huaqta'a't nỹecpi maye qaica hueta'a. Aỹem so'ot qome da 'am ỹapolec na 'etaxat maye chegaqangui aso qaỹoqchiguingui auaxai,

Salmos 33:7

Ñimaye laỹona't co'ollaxa na 'etaxat aso auaxai, qataq ỹaỹamaxat ỹachangui asom qaỹoqchiguingui auaxai late'erai.

2 Reyes 7:2

Nache so ltaua so nta'a, ỹasategueto' so la'aqtaxanaxanec Ñim Lo'onatac 'Enauacna, 'eeta': Qaq na'aictaxa taxa da Ñim Nataxala' ỹauatoigui ca lasom na piguem, qaq nache 'ena'am saishet da huo'o de'era qonapec. Nache so Eliseo, 'enapeco': 'Am, 'auauaachigui qome de'era, qalaxaye saishet da 'avira'a da qollec.

Génesis 1:7

Nache Ñim Lo'onatac 'Enauacna ỹo'ot so pa'asheguem na'atchiguiñi maye iỹoracache na 'etaxat, nache huo'o na pa'atasheguem 'etaxat qataq huo'o na npa'atañi,

Mateo 24:38

da na shiỹaxauapi ỹo'ottac da lquia'axac, qataq nỹomtac, qataq huarootega't, choche ivitta'a so na'a'q da so Noé huenoxonoigui aso nnotaxaqui, ime nache npaxaasheguem ana 'alhua.

Isaías 24:19

Qaq ỹataqta cholaxan qome ana 'alhua, ỹataqta cholaxan nache ivitta'a da depoxoỹapega't.

Salmos 74:15

'Am 'auo'ot co'ollaxa na mpaxaatasheguem 'etaxat, qataq na talapi qataq deqaqa 'anqa'en na tala maye saq 'emapec.

Génesis 6:17

Cha'aye Aỹem ñamaq qome ca auot da ipaxaalec ana 'alhua, nache nlaxaañi qome 'enauac nam huo'o da lca'alaxa maye netalec 'enauac na pa'aiguelo ana 'alhua. Qaq 'enauac qome nam huetalec ana 'alhua ileu.

Da na'aqtaguec so Job 28:4

Huaña nache huetauga ca 'alhua qaỹoqtaique na shiỹaxauapi da nshettaique na lcat, decheenaxaatapeguelec na nañec, hueta'a ca qaica ca ishet da tateuga.

1 Ts 5:3

Cha'aye na shiỹaxauapi, qom 'eetega da 'enauac lactapiguiñi qataq saqca ca da, qataq saishet da ñe'etapigui', nache nvita namayepi ca nhuaxanaguec lta'araic, choche nque'elaxatta, 'eeta'am da nqui'ic aca 'alo hualaxai da ivita ye laloqo' da deco'o. Namayepi saishet da ỹet da nhuaxanaguec.

2 Pedro 3:6

Nataqa'en do'ogoxona na 'etaxat da ỹo'ot so lta'araic auot da yaqto' ilaxachigui na huetalec ana 'alhua se'eso na'a'q.

Génesis 7:6

Qaq co'ollaq ipaxaalec ana 'alhua, nache so Noé mashe ivi' soua seiscientos vi'iye da nachaalaxataxac.

Da na'aqtaguec so Job 12:15

Ñimaye da nllañi na auot, nache huo'o da lqaxaỹaxa ana 'alhua, nache 'ena'am da anacot na auot, nache npaxaasheguem ana 'alhua.

Da na'aqtaguec so Job 38:16

¿Peta'a mashe 'aviraña ca chegoqchiguiña aso auaxai, qataq mashe 'aucoleeteguelec ca loga't na pa'aguiñi da 'anmittac?

Proverbios 3:20

Qataq ỹauota'a dam laỹaanec co'ollaq iỹottecache na 'etaxat aso auaxai, qataq da 'eetec na lo'oc na piguem da chegaqaigui naqa'en na sheue.

Isaías 24:18

Qaq cam dataueeguesop ca lchec qalaq tangui qome aca nshere, qaq cam chegaqangui aca nshere qalaq tangui qome aca nqoina. Cha'aye nauatoigui qome na lasompi na piguem, nache naañi qome ca lta'araic auot nache cholaxan nam na'attalecpi ana 'alhua.

Génesis 8:14

Qaq so na'a'q veintisiete so lỹa ca'agoxoic, nache ana 'alhua mashe ỹoqta daqaqtelec.

Da na'aqtaguec so Job 38:37

¿Negue't ca ỹaanaxanaxaic, da ỹaỹaten da naloqten ye lcata na lo'oc na piguem? ¿Negue't ca ishet da iqui'itaxatchigui namaye da yaqto' ncoyiñi na auot,