Génesis 6:9 - La'aqtaqa Ñim Lo'onatac 'Enauacna 2013

⁹ Qaq 'era da na'aqtaguec so Noé. So Noé ỹataqta no'on da lataxac, qataq ỹataqta ỹalaxaleguet Ñim Lo'onatac 'Enauacna. Co'ollaq ỹalectaigui so shiỹaxauapi, qaq nachesota somaye da ỹo'ottac nam 'eetapeguec Ñim Lo'onatac 'Enauacna.

Génesis 6:9 Referans Kwoze

Lucas 1:6

Aso Elisabet qataq so Zacarías ỹataqta no'o'n da lataxa'c qataq ỹataqta ỹalaxareguet 'enauac na lamaxasoxonaxacpi Ñim Lo'onatac 'Enauacna.

Hebreos 11:7

So Noé huo'o da lpi'iỹaxac co'ollaxa Ñim Lo'onatac 'Enauacna, qaq ỹoqo'oye Ñimaye da'aqtaxanem co'ollaxa cam saxanaxa da yo'oq, nache somaye ỹalaq qataq ỹa'ara't aso nnotaxaqui late'erai maye quiguingui na 'etaxat, da yaqto' ishet da nca'alec so llalaqpi. Qaq souaxat da so Noé huo'o da lpi'iỹaxac Ñim Lo'onatac 'Enauacna, nache somaye ỹaconeguet da lqouagaxanaqtaic Ñimaye maye ỹami' cam ỹa'amaqten Ñimaye. Nataqa'en chegoqchigui da lpi'iỹaxac Ñim Lo'onatac 'Enauacna so Noé da ỹo'oteguet na shiỹaxauapi maye huetalec ana 'alhua da qaỹauo'o ca nhuaxanaguec.

2 Pedro 2:5

Nataqa'en Ñimaye saishet da ichoxonnai' so shiỹaxauapi 'etaxaloxoicpi so na'a'q maye huetaigui so Noé. Nachaqrata da namaq co'ollaxa so auot, nache npaxaasheguem naqa'en ana 'alhua, nache 'enauac ileu somayepi. Qaq chaqsota so Noé nca'alaxatec, som 'eetega co'ollaxa so shiỹaxauapi da ỹo'ot ca ỹaỹamaqchiguiñi. Qaq so Noé huo'oi soua lỹa't siete lca'alaxau'.

Génesis 7:1

Qaq ime, nache Ñim Nataxala' 'enapega so Noé, 'eeta': «'Aunoxonoigui añi notaxaqui, 'arỹatreuo 'enauaque naua 'aỹa'alqa, cha'aye nache 'amta da qoqueelec nam sheetapeguecpi, saishet da qoneta'am nam 'aualecta'aguet shiỹaxauapi.

Génesis 5:24

Qaq cha'aye so Enoc, ỹataqta queteleguete naua 'eetapegueeque Ñim Lo'onatac 'Enauacna, nache huo'o so na'a'q da choche qaiqattac, cha'aye Ñim Lo'onatac 'Enauacna, ỹauec somaye.

Gálatas 3:11

Qaica ca ỹaỹamaxareeta Ñim Lo'onatac 'Enauacna da ỹachegoxotchigui da ỹalaxalec na namaxasoxonaxacpi. Cha'aye naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna 'eeta': «Cam ỹaỹamaxareeta Ñim Lo'onatac 'Enauacna, camaye nacheca ca huo'o da lpi'iỹaxac, qaq camaye, da nachaalataxac chochaq tatec.»

Génesis 17:1

Qaq so Abram mashe ivi' co'ollaxa soua noventa y nueve vi'iye da nachaalataxac, co'ollaq Ñim Nataxala' nachaxana somaye, nache 'enapega, 'eeta': «Aỹem, nachaỹem Ỹo'onatac 'Enauacna, maye Qaica ca Seqalanapec, saisheto' qome da 'aushepaxanaqchet da 'anachaalataxac da aỹem qoueto'ot,

Génesis 5:22

Qaq so Enoc, qalaq ỹataqta queteleguete co'ollaxa naua 'eetapegueeque Ñim Lo'onatac 'Enauacna. Qaq co'ollaq ime da ñiguiñi so llalec Matusalén, nache somaye qaltaq queuoiguilo soua trescientos vi'iye da nachaalataxac, nache huo'o so dalaxaicpi llalaqpi, ỹalleppi qataq 'alpi.

Ezequiel 14:14

Qaq que'eca 'alhua, taxa da netraña soua Noé, Daniel qataq so Job, nache se'esoua tres, nachesouate' taxa da nca'alde'c, souaxat da ỹo'ottrac co'ollaxa da nalochiguiñi lataxac. Qaq 'era da ỹa'aqtac Aỹem Nataxala'.

Da na'aqtaguec so Job 1:1

Qaq ye 'alhua maye le'enaxat Uz, nache naña so ỹale le'enaxat Job, somaye no'on da lataxac, qataq qaica ca ỹasouaxat, qataq ỹataqta ỹalaxaguet Ñim Lo'onatac 'Enauacna, qataq ỹataqta saishet da huo'otaq huo'o ca ỹo'otec ca sa ỹaỹamaxañi.

Génesis 2:4

Qaq 'era da na'aqtaguec co'ollaq Ñim Lo'onatac 'Enauacna, ỹo'ot na piguem qataq ana 'alhua. Qaq Ñim Nataxala' co'ollaq ỹo'ottac na piguem qataq ana 'alhua,

Eclesiastés 7:20

Qalaxaye ỹoqta 'eesa da qaica ca ỹale ana'ana 'alhua, da na'aictaxa da no'on da lataxac qataq ỹo'ottac ca ỹaỹamaqchiguiñi da qaica ca lasouaxashet.

Hechos 10:22

Nache soomaye 'ena'apo': –Qomi' lamaxa'she ñi huataxanaq lta'a, le'enaxat Cornelio. Ñimaye no'on da lataxac qataq ỹataqta ỹalaxaguet Ñim Lo'onatac 'Enauacna. Ỹoqo'oye 'enauac na judiopi ỹataqta huo'o naq 'enec naqa'en qataq lauotaxat. Qaq huo'o so chegaqasheguem lamaxashec Ñim Lo'onatac 'Enauacna 'enapega da 'am namaxasoxona, da yaqto' 'anqo'ona ye lma', nache ñimaye ishet da na'axaỹaxana cam 'ara'aqtaxanaxac.

Ezequiel 14:20

nache taxa da netraña que'eca 'alhua se'esoua ỹale't Noé, Daniel qataq so Job, nache saishet taxa da nca'alec ca llalaqpi ỹalleppi qataq aca llalpi 'alpi, qaq nachesouate' taxa soomaye da nca'aldec, souaxat da ỹo'ottrac co'ollaxa da nalochiguiñi lataxac. Qaq Aỹem Nataxala', maiche Aỹem da san da ỹa'aqtac.

Da na'aqtaguec so Job 1:8

Nache Ñim Nataxala' inato' somaye, 'eeta': «¿Peta'a 'auauatton ca ỹamaxashec Job? Camaye ỹataqta qaica ca 'ena'am nam huetalec ana 'alhua, da ỹataqta Aỹem ỹalaxaguet, qataq no'on da lataxac qataq qaica ca ỹasouaxat, qataq saishet da huo'otaq huo'o ca ỹo'otec ca sa ỹaỹamaxañi.»

Romanos 1:17

Cha'aye de'era no'on na'axaỹaxac, qomi' ỹachaxanalo da nalochiguiñi lataxac Ñim Lo'onatac 'Enauacna da ỹaconeguet ca ỹa'amaqten So Jesús. Cha'aye nache 'enapec ana nere maye huetalec na la'aqtacpi Ñim Lo'onatac 'Enauacna maye 'eeta': «Nam ỹaconeguet Ñim Lo'onatac 'Enauacna qataq huo'o da lpi'iỹaxac, nache huo'o da lca'alaxa chochaq tatec.»

Lucas 23:50

Qaq huo'o so ỹale ỹataqta no'on da lataxac, qataq soxoraic, le'enaxat da José, lma' ye nỹecpiolec le'enaxat Arimatea maye huaigui ye 'alhua Judea. Somaye nache ỹalectaigui na 'amaqtaqaicpi maye loicnatac na lataxaguesat.

Lucas 2:25

Qaq se'eso na'a'q hueta'a ye nỹecpi le'enaxat Jerusalén so ỹale le'enaxat Simeón. Somaye ỹataqta no'on da lataxac qataq ỹalaxaguet Ñim Lo'onatac 'Enauacna. Somaye iuattaique da Ñim Lo'onatac 'Enauacna nca'alaxatec na Israel le'ecpi. Qaq So Saqcha'a Na'añaxac Qui'itta, nache hueta'aguet somaye.

Habacuc 2:4

Qaq nam qauemaicpi namayepi ỹataqta na'amqaanaxaicpi, qalaxaye nam no'on da lataxac qalaq nache nca'altauec qome souaxat da lpi'iỹaxac.

Proverbios 4:18

Da nqa'aicỹaxac nam no'on da lataxac, qalaq 'eeta'am na le'eraxa ca dalaxaic na'a'q, damaye nache nquictauec na le'eraxa, choche ivitta'a da ỹataqta yo'oqchiguiñi.

Salmos 37:37

Ñaq 'aumeten qome ca nalochiguiñi qataq no'on da lataxac, cha'aye no'on ca taỹa'a ca huo'o da l-lagaxayec.

2 Crónicas 15:17

Qaq na'aictaxa da saishet da imauec da qanlaxaañi so qaỹoqotcheguemec atamnaqa'pi maye naña ye Israel, qalaxaye so Asa, nache saishet da ỹaxanec da pe'etega Ñim Nataxala'.

Génesis 48:15

Qaq huaña nache ỹanem da no'on la'aqtac so José, 'eeta': «Ñim Lo'onatac 'Enauacna ñim lalaxaret soua ita'al Abraham qataq so Isaac; Ñim aỹem nteltega chegoqchiguiña so na'a'q co'ollaq sañiguiñi,

Da na'aqtaguec so Job 12:4

Qaq na'aictoxo' da qaica ca sasouaxat qataq ayem qui'itta, qataq caillaye da seỹaxana Ñim Lo'onatac 'Enauacna qalaq aỹem ỹasateguet, qaq nagui na sheetega ñauochaxauapi, qalaq nda'a't da aỹem ne'eetapigui.

1 Reyes 3:6

Nache so Salomón 'enapeco': «'Am, ỹataqta 'arauotaxat co'ollaxa so 'aramaxashec David, maye ita'a, cha'aye somaye ỹataqta 'eesa da 'am ỹalaxaguet, qataq ỹaỹamaqchiguiñi da lataxac, qataq nalochiguiñi da lquiyaqteỹaxac. Qaq ỹoqo'oye ỹataqta 'auauotec somaye, nache 'aỹa'anem ne'ena 'oonolec nam llalaqpi somaye, da talec 'anqa'en añi nso'onaxaqui da nta'a.

2 Crónicas 25:2

Qaq nam ỹo'otpi so Amasías ỹataqta ỹaỹamaxareeta Ñim Nataxala', qalaxaye somaye saishet da ỹoqta no'on da lquiyaqteỹaxac.

Génesis 10:1

Qaq 'ana ana le'enaxat lmalate som chegoxoguetpi soua llalqa so Noé: Sem, Cam qataq so Jafet, maye co'ollaq ime so auot lta'araic, nache soomaye huo'o so llalaqpi.

Génesis 5:1

Qaq 'ana, ana nere maye nanettalec na le'enaxatpi so llalaqpi so Adán. Co'ollaq Ñim Lo'onatac 'Enauacna ỹo'ot so shiỹaxaua, nache ỹe'enaxatchigui da maiche lataxac Ñimaye:

Génesis 6:10

Qaq so Noé huo'oi co'ollaxa soua tres llalqa, qaq nachesoua so Sem, Cam qataq Jafet.

Deuteronómio 18:13

Qaq ỹoqo'oye iuen da ỹataqta ỹaỹamaqchiguiñi da qarataxaqui da qami' ỹalletaguilo Ñim Nataxala' maye Qanatamnaxala'ai.

2 Samuel 22:24

Ñimaye aỹem ỹauaachigui da ỹaỹamaqchiguiñi da ỹataxac, qataq sevita'aguet da so'ot ca qauem.

Salmos 37:39

Da lca'alaxa na ỹalleppi maye no'on da lataxac, chegoqo'ot Ñim Nataxala', Ñim lle'eguenaxala' da huo'o da lqalaic.