Génesis 6:7 - La'aqtaqa Ñim Lo'onatac 'Enauacna 2013

⁷ Nache 'enapeco': «Sapalaxat qome na shiỹaxauapi maye ỹo'onatacpi maye netalec ana 'alhua, qataq nataqa'en na shiguiỹacpi nlopi, qataq na shiguiỹacpi maye hualectapigui', qataq na maỹopi. ¡Aỹem ỹataqta huo'o da ñequi'ic souaxat da so'ot co'ollaxa namayepi!»

Génesis 6:7 Referans Kwoze

Sofonías 1:3

Selaxachigui qome na shiỹaxauapi, qataq na shiguiỹacpi, selaxachigui na maỹopi, qataq na nỹaqpi, qataq so'otec da nqalaatapigui' nam qauemaicpi, qataq imeuo ñaqa'en na shiỹaxauapi ana 'alhua.» Qaq 'era da la'aqtac Ñim Nataxala'.

Salmos 37:20

Qaq na qauemaicpi qalaq taỹa'a da imeuo, na npa'agueetague' Ñim Nataxala' qalaq taỹa'a da nlaguiñi, 'eeta'am na lmala'q.

Proverbios 16:4

'Enauac na lo'onatacpi Ñim Nataxala', huo'o da maiche lataxac naqa'en, nataqa'en ỹo'ot ca qauemaic da yaqto' taỹa'a ca na'a'q maye huetoigui ca nhuaxanaguecna.

Proverbios 10:27

Da huo'o naq 'enec qanqa'en Ñim Nataxala' ỹo'ot da logoraic da achaalataxac, qaq naua nachattaiguilo vi'iye ca qauemaic qalaq sa qaỹarec.

Oseas 4:3

Ỹoqo'oye ne'ena 'alhua huo'o qome da nasouaxac, nache qaica ca la'añaxac 'enauac nam netalecpi namaye, qataq nataqa'en ileu qome na huauec shiguiỹacpi, qataq na maỹopi maye hueto'ot na piguem, qataq na nỹaqpi maye huetangui aso auaxai.

Génesis 6:6

nache ỹataqta huo'o da nqui'ic souaxat da ỹo'ot co'ollaxa so shiỹaxaua.

Génesis 7:4

Cha'aye qom inoxoorec caua siete na'axa'te, nache anac ñaqa'en ca auot, maye huaiguilo caua cuarenta na'axa'te qataq cuarenta pe' da anactac camaye. ¡Sapalaxat qome 'enauac nam huo'o da lca'alaxa maye ỹo'onatacpi, nam netalec ana 'alhua!»

Génesis 7:21

Qaq 'era da 'eetec co'ollaxa, da ileu 'enauac so shiỹaxauapi maye netalec ana 'alhua, qataq so maỹopi, shiguiỹacpi nlopi, qataq so shiguiỹacpi maye huauec, qataq so hualectapigui'pi.

Génesis 8:21

Qaq co'ollaq ivirot Ñim Nataxala', dam ỹataqta ama laitaỹaxac, nache 'enapeco': «Saishet qome da qaltaq she'eguelaxalec da sasaxalec ca qauem ỹa'aqtac ana 'alhua, souaxat nam qauem maye ỹo'otpi na shiỹaxauapi, cha'aye namayepi nache nacta'ai' co'ollaxa da iuennatega da ỹo'ot da qauem. Qataq nataqa'en saishet qome da qaltaq she'eguelaxa da ñelaxaañi 'enauac na shiguiỹacpi, da 'eeta'am de'era so'ot nagui.

Deuteronómio 28:63

Qaq dam 'eetec co'ollaxa Ñim Nataxala' co'ollaq ỹaỹamaxareeta da 'am talec da no'on qataq 'anquictauec, qaq nache 'eetec Ñimaye da ỹaỹamaxareeta qome da 'am ilaxachigui, nache ỹo'ot da 'am sa qaiyacnapec qom 'am qanqateeguesop yem 'alhua maye qonetalec qome.

Deuteronómio 29:20

Qaq Ñim Nataxala' saishet qome da ỹapalaxat cam lasouaxashet que'eca shiỹaxaua, cha'aye Ñim Nataxala' ca'alaxanaxaic, nache 'eroigui qome da layeloxo nache talec naqa'en que'eca shiỹaxaua 'enauac ne'ena nhuaxanaguecpi cam shiỹaxaua maye nanettalec ana'ana nere, nache Ñim Nataxala' pal naqa'en ca le'enaxat camaye da huetalec ana 'alhua.

1 Samuel 15:11

«Ỹataqta huo'o da ñetogotaxac da sanagui da nta'a ñi Saúl, cha'aye ñimaye aỹem ca'ai qataq saỹalaxaguet na ỹamaxasoxonaxacpi.» Nache so Samuel ỹataqta qaica ca lamaic, nache imauec se'eso pe da nqouagaxaueetacot Ñim Nataxala'.

Amós 7:3

Huaña, nache Ñim Nataxala' huo'o da lchoxonnataxanaxa, nache 'eeta': ¡Aỹem saishet qome da sepaca'a da so'ot de'era!

Amós 7:6

Huaña nache Ñim Nataxala' huo'o da lchoxonnataxanaxa, nache 'eeta': ¡Nataqa'en de'era, saishet qome da sepaca'a da so'ot!

Sofonías 1:2

Qaq 'era da la'aqtac Ñim Nataxala': «Aỹem selaxachigui qome, 'enauac nam huetalec ana 'alhua.

Sofonías 1:18

Que'eca na'a'q maye huaigui ca layeloxo Ñim Nataxala', nache na shiỹaxauapi saishet qome da deca'alligui ana alom plata, huo'otaq ana oro, cha'aye na le'eraxa da lalemataic Ñim Nataxala' ỹavigaxatta qome 'enauac ne'ena 'alhua. ¡Nache nque'elaxatta qome da 'enauac na netalec ana 'alhua qailaxachigui!

Isaías 27:11

Qaq da deqaqa ana lcoue ana 'epaq nache huacac, huaña nache na 'alpi laỹona't nache dalonaxana da ỹo'ot ca l-le'. Cha'aye ne'ena nhuo' le'ecpi qaica ca laỹaanataxanaxac. Qaq ỹoqo'oye Ñim Lo'onatac namayepi saishet qome da ichoxoren, qataq saishet da ỹasaxalec da lchoxonnataxanaxa.