Génesis 6:5 - La'aqtaqa Ñim Lo'onatac 'Enauacna 2013

⁵ Qaq Ñim Nataxala' ila'a co'ollaxa da so shiỹaxauapi ana 'alhua ỹapacauec da ỹo'ottac na qauem, qataq da nache lhuennataxac da ỹo'ottac na qauem,

Génesis 6:5 Referans Kwoze

Jeremías 4:14

'Am Jerusalén, ñaq 'auỹoueeguesop na qauem añi 'arquiyaqte, yaqto' 'anca'alec. ¿Chaq laguio', qaq 'axanec na qauem nhuennataxacpi maye huetaigui na 'arqaic?

Jeremías 17:9

Qaica ca ỹactec da tenataxanaxaic qataq qauemaic da, 'eeta'am añi lquiyaqte ca shiỹaxaua. ¿Qaq negue't ca ishet da ỹaỹaten?

Eclesiastés 9:3

Qaq huo'o dam ỹactec da qauem maye huetaigui 'enauac nam qaỹo'otpi ana'ana 'alhua: da 'enauac 'eeta'a't da 'oonolec ye taỹa'a loga't. Qataq dam lquiyaqteỹaxac ca shiỹaxaua nlaqchigui na qauem, qataq dam 'oopashaxac nache huetaigui ye lhuennataxa 'enauaque naua na'axa'te da nachaalataxac, qaq da ivita ye loga't, nache tauga ye huetaña na leuaxaicpi.

Eclesiastés 7:29

Qaq nachaqrata da selalec da Ñim Lo'onatac 'Enauacna, ỹo'ot co'ollaxa da nalochiguiñi da lataxac so shiỹaxaua, qalaxaye maicheso da nmitaique da na'axat dam nachaalataxac.

Génesis 8:21

Qaq co'ollaq ivirot Ñim Nataxala', dam ỹataqta ama laitaỹaxac, nache 'enapeco': «Saishet qome da qaltaq she'eguelaxalec da sasaxalec ca qauem ỹa'aqtac ana 'alhua, souaxat nam qauem maye ỹo'otpi na shiỹaxauapi, cha'aye namayepi nache nacta'ai' co'ollaxa da iuennatega da ỹo'ot da qauem. Qataq nataqa'en saishet qome da qaltaq she'eguelaxa da ñelaxaañi 'enauac na shiguiỹacpi, da 'eeta'am de'era so'ot nagui.

Salmos 53:2

Qaq Ñim Lo'onatac 'Enauacna maye neto'ot na piguem namataña na shiỹaxauapi, cha'aye huotaique da ila'a da huo'o ca ỹaanataxanaxaic da nmittaique Ñimaye.

Tito 3:3

Cha'aye nataqa'en qomi' co'ollaxa soua hua'au' na'axa'te, qomi' qaica ca saỹaanaqpec qataq qomi' qauemaiqa, sesomaqtac qataq qomi' l-lataqa na ỹotta'a't qarqopitaxanaqtaicpi. Souaqtaigui na qauemsat qataq da nquiỹaxanaqtaic qataq seviraqta'a da ñepa'aguenaqta'a't.

Ezequiel 8:9

Nache Ñim Lo'onatac 'Enauacna aỹem 'enapega, 'eeta': «'Apa'auo qome yaqto' 'aumeten nam ỹataqta qaiqaiga maye qaỹo'ottac yemaye.»

Génesis 13:13

yem hueta'a som shiỹaxauapi maye 'enauac da qauemaicpi, qataq ỹo'ottac nam ỹataqta qauem 'onataxacpi, maye ỹataqta deqaiga Ñim Nataxala'.

Ezequiel 8:12

Ime, nache aỹem 'enapega, 'eeta': «¿'Aulota'a peta'a nam ỹoxottañi da ỹo'ottac nam nqueroxonecpi maye lataxala'pi na Israel le'ecpi, da ñi 'oonolec namayepi huo'o na maiche lma'piolec naqa'en na lqolacpi? Namayepi ipettega da sa sela'a, qataq da mashe sheca'ai ne'ena 'alhua.»

Proverbios 6:18

qataq nhuennataxac maye lapaxañi da ỹo'ot na ñe'etaxaloxosat, qataq napia'ate maye nqalgoqta'a da ỹo'ot ca qauem,

Deuteronómio 29:19

Qaq qom ime da qana'axaỹaxañiitega ne'ena qoỹan na'aqtacpi, nache da huo'o ca 'oonolec da qoñiita da ipi'itaxaatega da no'on da lataxac, nache 'eeta': 'Enauac na so'otpi ỹaỹamaqchiguiñi, na'aictaxa da so'ot nam maiche sheetapeguecpi nache camaye nacheca ca qami' ỹasouaxa't qome.

Da na'aqtaguec so Job 15:16

¡Qaq ỹoqo'oye nataqa'en saishet da sa npi'itaxana na shiỹaxauapi maye ỹataqta qauem qataq qaiqaiga da lataxac, maye da ỹo'ottac na saỹaỹamaxañesat qalaq 'eeta'am da nỹomigui na 'etaxat!

Mateo 24:37

Qaq Aỹem Shiỹaxaua Llalec qom qaltaq ñe'eguelaq, nache na shiỹaxauapi 'eeta'am qome da lataxac so na'a'q maye huetaigui co'ollaxa so Noé,

Lucas 17:26

Qaq Aỹem Shiỹaxaua Llalec qom ñe'eguelaq, nache na shiỹaxauapi da lataxac, 'eeta'am co'ollaq so na'a'q maye huetaigui so Noé.

1 Pedro 3:20

Som saqcha'a nca'alaxapi maye sa ỹalaxaguet Ñim Lo'onatac 'Enauacna so na'a'q maye huetaigui co'ollaxa so Noé. Ñim Lo'onatac 'Enauacna ỹataqta huo'o da lhualaxavic da iuatta'a somayepi da naralaxat da lhuennataxac co'ollaq ñaq ỹo'ottac so Noé aso nnotaxaqui maye quiguingui na 'etaxat, qalaxaye somayepi saishet da ỹo'ot damaye. Qaq ỹoqo'oye saq 'amaqtaq so huenotoigui aso notaxaqui da yaqto' nca'aleeguesop so 'etaxat maye ipaxaalec ana 'alhua, qaq nacheso se'eso 'etaxat so ỹauec se'esoua ocho shiỹaxau' da ỹanaña so ỹataqta ỹaỹamaqchiguiñi.

Da na'aqtaguec so Job 22:15

¿Qalqo' 'anshetaique peta'a da qoquegue so togoshec nqa'aic, maye quetague' co'ollaxa na qauemaicpi?