Génesis 6:3 - La'aqtaqa Ñim Lo'onatac 'Enauacna 2013

³ Qalaxaye Ñim Nataxala' 'enapeco': «Saishet da sa'aqta'a ca shiỹaxaua da nache 'eetai' da nca'altauec, cha'aye camaye choche lapat. Qaq ỹoqo'oye sanem qome da ivi' caua ciento veinte vi'iye da nachaalataxac.»

Génesis 6:3 Referans Kwoze

Nehemías 9:30

Qataq qaỹoqteguelo soua vi'iye da 'anhualaxaueetague' somayepi, qataq 'auachegoxotchigui da lta'araic 'ara'añaxac, qataq so 'ara'aqtaxanaxanecpi da 'anhuoxoqtega somayepi qalaxaye ỹoqta 'am sana'axaỹaxana, ỹoqo'oye qaltaq 'aỹa'aneguet da lhuaqỹaxac so npa'aguenaxauapi, maye lma' yi'iye 'alhua.

Jeremías 11:11

Qaq ỹoqo'oye Aỹem ñamaxa qome namayepi cam qauem nache saishet qome da huo'o ca ỹet. Qaq na'aictaxa da ỹa'alaqtagui da Aỹem iỹaxaatacot da setauan, qalaxaye saishet qome da sa'axaỹa namayepi. Qaq 'era da ỹa'aqtac, Aỹem Nataxala'.

Isaías 63:10

Qalaxaye namayepi sa ỹalaxaguet co'ollaxa Ñim Nataxala', qataq inogoqchet Ñim qui'itta Nataxala', qaq ỹoqo'oye Ñimaye ỹe'eguelaxa da mpa'aguene' namayepi nache delogui'.

Salmos 78:39

Cha'aye Ñim Lo'onatac 'Enauacna tachigui lauel naxa da namayepi choche shiỹaxauapi, qataq 'eeta'am na la'at da jec nache saishet da ñe'eguelaq.

Hechos 7:51

Qaq ñaq queta da ltaxaỹaxac so Esteban, 'eeta': –Qami' nache 'eetai' da ỹataqta sa qaualaqai, qataq da qana'axaỹaxanaxaqui qataq naua qarquiyaqchilli' 'eeta'am ca saxanaxa da ỹauatton Ñim Lo'onatac 'Enauacna. Qataq nache 'eetai' da qanpa'aguiñiitague' So Saqcha'a Na'añaxac Qui'itta qoñiita'am som hua'au qarta'ailpi.

Números 11:17

Nache aỹem, senotec qome da 'am ña'aqtaxane', nache sanem camayepi ca laỹolec da na'añaxac maye 'am sanem co'ollaxa, yaqto' 'am itauan da 'auaueca'aguet ne'ena shiỹaxauapi yaqto' saishet da 'andotec.

1 Ts 5:19

Saishet da qaualamache da lo'onataxanaxac So Saqcha'a Na'añaxac Qui'itta.

Juan 3:6

Ca chegoqchigui da lañoxoc ca yo'oqchigui shiỹaxaua, camaye ipacchigui da choche shiỹaxaua. Qalaxaye ca chegoqchigui da lañoxoc So Saqcha'a La'añaxac Ñim Lo'onatac 'Enauacna, camaye ỹaatañi da achaalataxac maye chegoqo'ot Somaye.

Isaías 5:4

¿Negue't ca lỹa ishet da so'ot na ỹanaxanaqa' uva lma'? ¿Peta'a huo'o ca lỹa maye saxanaxa da so'otec namaye? Aỹem seuatta'a co'ollaxa da huo'o aca ỹataqta ama ala ana uva, qalaxaye ¿ta'ainco' da ỹataqta ñe'eua aso ala ana uva?

Jeremías 11:7

Aỹem co'ollaq ñeqateeguesop ye Egipto, som hua'au qarta'ailpi, nache seqattelec da Aỹem ỹalaxaguet, qaq nache chegoqchiguiña nache ivitta'a nagui da ñaq shecto'ot da seqattega.

Génesis 6:2

nache som llalaqpi Ñim Lo'onatac 'Enauacna, ila'a co'ollaxa da se'eso 'alpi ỹataqta 'onaxaipi, nache lca'agui asomayepi, nache huaroneguet anam ỹataqta lauela.

Isaías 57:16

Qaq saishet qome da nache shecto'ot da sheetega huo'o ca lasouaxashet na ỹalamaxat nhuo' le'ecpi, qataq saishet qome da nache 'eetai' da senotac, cha'aye da sheetec de'era nache nam shiỹaxauapi maye so'ot co'ollaxa ishet da deqat da na'añaxataxac da aỹem nachatto'ot.

Salmos 90:10

Da qanachaalataxac qalaq ivi' naua setenta vi'iye. Qaq na ỹoqta 'añaxaicpi qalaq ivi't naua ochenta vi'iye, qalaxaye da ño'oxonnaxac ca shiỹaxaua da qaỹoqtec da nachaalataxac, damaye ỹataqta qapa'atta qataq ỹauo'o da ndaxac qataq da no'onataxanaxac. Naua vi'iye sa qaỹaloq da imereuo, nache 'eeta'ama qomi'.