Génesis 6:22 - La'aqtaqa Ñim Lo'onatac 'Enauacna 2013

²² Qaq so Noé ỹo'ot co'ollaxa 'enauac nam ỹamaxalec Ñim Lo'onatac 'Enauacna.

Génesis 6:22 Referans Kwoze

Juan 15:14

Qaq qami' nacheqami' ñauochaxau', da qauo'oche dam qami' samaxaleguete.

Éxodo 40:16

Nache so Moisés ipacchigui da ỹo'ot 'enauac dam ỹamaxalec Ñim Nataxala'.

Juan 2:5

Qalaxaye asomaye 'enapega som huetapecpi, 'eeta': –Qauo'oche qome 'enauac cam 'enapec Damaye.

Génesis 7:5

Qaq so Noé, ỹo'ot co'ollaxa 'enauac nam ỹamaxalecpi Ñim Nataxala'.

Deuteronómio 12:32

Qaq ỹoqo'oye qauloitelec qome 'enauac nam qami' samaxaleguete, saishet da huo'o ca qanqotchiñiiuec, huo'otaq da qanqacheeua'a.

Génesis 7:16

Qaq ipacchigui dam ỹamaxalec co'ollaxa Ñim Lo'onatac 'Enauacna so Noé, da ỹale qataq 'alo, som ỹotta'a't shiguiỹacpi maye inoxonoigui aso notaxaqui. Ime co'ollaxa, nache Ñim Nataxala' ỹapogui so lasom aso notaxaqui.

Éxodo 40:23

Ime, nache ỹachalec somaye aso nauolepi, ỹauaachigui naqa'en Ñim Nataxala', qaq ipacchigui da lamaxasoxonaxac Ñim Nataxala'.

Génesis 7:9

lỹateuo co'ollaxa so Noé da inoxonoigui aso notaxaqui, dosta'ape, ỹale qataq 'alo. Qaq ipacchigui da ỹamaxalec co'ollaxa Ñim Lo'onatac 'Enauacna.

Éxodo 40:27

Qataq ỹavigaxat so nchenaxanaxat maye ama da laitaỹaxac, qaq ipacchigui da lamaxasoxonaxac Ñim Nataxala'.

Éxodo 40:25

Ime, qaq ỹegueua'a aso ima'a't ncoỹaraxanaxaquipi, ỹauaachigui naqa'en Ñim Nataxala', qaq nache ipacchigui da lamaxasoxonaxac Ñimaye.

Génesis 17:23

Qaq nacheso se'eso na'a'q, da so Abraham ỹauo'o so na'anaxat na lo'oc so llalec Ismael, qaq nataqa'en ỹauo'o so na'anaxat na lo'oc 'enauac so l-latacpi maye lañoqo' so lma', qataq som lsheenaxanaxatpi somaye. Qataq 'enauac so ỹalleppi maye netaña so lma' qataq do'onataxaatacot, nataqa'en ỹauo'o so la'anaxat na lo'oc, nache ipacchigui dam ỹamaxalec co'ollaxa Ñim Lo'onatac 'Enauacna.

Éxodo 40:32

Qaq soomaye nache ỹataqta nỹote' naxa da ivita da pa'aroigui so npe'l, qataq naxa da tareua'a aso nca'atoxonaxalate. Qaq nache ipacchiguilo da lamaxasoxonaxac Ñim Nataxala' maye ỹamaxalec co'ollaxa so Moisés.

Éxodo 40:21

Ime, nache iroua'a so pa'auo so npe'l, qataq ỹaviguisheguem so lapoxot, da yaqto' ỹapoua'a aso arca maye laỹe' soua nqataxaco, huaña nache ipacchigui da la'aqtac Ñim Nataxala'.

Éxodo 40:19

Ime, nache ỹaueguelec so lapo' so npe'l, maye huaña da qanauane' Ñim Nataxala'. Qataq npa'axanasheguem so lỹa lapoxot na pa'asheguem somaye, nache ỹataqta ipacchigui da ỹamaxalec co'ollaxa Ñim Nataxala'.

Éxodo 7:6

Nache so Moisés qataq so Aarón ỹo'o't 'enauac nam ỹamaxaleguete Ñim Nataxala'.

Mateo 2:21

Nache so José ñesheguem, nache ỹauec so nogotolec qataq aso late'e da nqo'oora ye na'alhua na Israel le'ecpi.