Génesis 6:2 - La'aqtaqa Ñim Lo'onatac 'Enauacna 2013

² nache som llalaqpi Ñim Lo'onatac 'Enauacna, ila'a co'ollaxa da se'eso 'alpi ỹataqta 'onaxaipi, nache lca'agui asomayepi, nache huaroneguet anam ỹataqta lauela.

Génesis 6:2 Referans Kwoze

1 Juan 2:16

Nam lataxacpi maye ỹachaxaatac na shiỹaxauapi maye huetalec ana 'alhua, saishet da chegoqo'ot Ñim Lo'onatac 'Enauacna, namayepi chegoqo'ot nam 'etaxaloxoicpi maye huetalec ana 'alhua. 'Ena nam lataxacpi maye ỹachaxaatac ana 'alhua: na qauem nqopitaxanaqtaiguesat, da nyaxayec da qaỹaconeguet cam qailota'a, qataq da nsallaxa maye chegaqaigui da ño'oxonnaxac ca shiỹaxaua.

2 Pedro 2:14

Ne'ena ỹalleppi saishet da choche ilota'a aca 'alo da huo'otaq sa iyaqa'a da hue'eguet, qataq saishet da nasamiisop da ỹo'ottac na qauem. Qataq ỹatenachettac nam saxanaxa da da'añi da lpi'iỹaxac So Cristo, qataq ỹataqta saishet da nqalat da datenataxan da yaqto' nqat aca anom. Ne'ena shiỹaxauapi namayepi Ñim Lo'onatac 'Enauacna ỹauo'o ca nhuaxanaguec qome; ¡qaq damaye ỹataqta saishet da qaiqoleguet!

Esdras 9:12

Nataqa'en qomi' 'auqattegalo caillaye da saishet da sashenaqtem na qoyalpi da huaroneguet na llalaqpi ne'ena shiỹaxauapi, qataq na llalpi 'alpi da huaroneguet na qoyalaqpi. Qataq saishet da setauanaq ne'ena shiỹaxauapi da yaqto' huo'o da l-lagaxayec qataq da lsallaxa. Yaqto' nache 'eetai' da qomi' 'añaxaiqa, qataq saconaqtaigui da alaỹaxac 'enauac na huetalec ne'ena 'alhuapi, qataq da ca qomi' chegoxogueta nache 'eetai' qome da lalamaxat 'enauac ne'ena 'alhua.

2 Samuel 11:2

Qaq so mashe avit, nache ñisheguem so David, chegoqtelec so lmala', nache somaye queuotapeguelec na pa'asheguem so lma' lta'araic. Qaq huaña co'ollaxa nache ila'a aso 'alo nacheltac, qaq asomaye ỹataqta 'onaxai.

Deuteronómio 14:1

Ñim Nataxala' maye Qanatamnaxala'ai, Ñimaye qami' llalqa. Qaq ỹoqo'oye da huo'o ca ileu, nache saishet da huo'o ca ipelec na lo'oc, qataq saishet da huo'o ca namarec na lqaic souaxat ca lasouaxac.

Éxodo 34:16

huo'otaq da ỹaronaxanaxan ca llalpi, nache ỹaronaxaneguet ca qaỹa'alquipi, qaq aca llalpi yemayepi da huo'otaq nquisheshe da natamnot na natamnaxala'pi, nache acamayepi ishet da nquisheshaxanaxan ca qaỹa'alquipi da huo'otaq ỹo'ot de'era quishishaxac maye ỹo'ottac acamayepi.

Génesis 27:46

Qaq ime, nache aso Rebeca 'enapega so Isaac, 'eeta': «Aỹem mashe ỹataqta ñasamñi souaxat ñeua hitiita maye huaronegueta ñi Esaú. Qaq ñi Jacob da huo'otaq huaroneguet aca hitiita da 'eeta'ama ñiimaye, anam hueta'a ne'ena Canaán, qaq no'on da seleu.»

Génesis 24:3

nache 'aỹa'anot ca 'ara'aqtac Ñim Nataxala' maye lo'onatac na piguem qataq ana 'alhua, da yaqto' saishet da 'auashenem ñi ỹalec Isaac, da huaroneguet aca 'alo maye lma' na 'alhua Canaán, maye soota'a nagui,

Génesis 4:26

Qaq nataqa'en so Set, huo'o co'ollaxa so llalec, nache ỹanagui da le'enaxat Enós. Qaq nacheso so chegoqchigui da qaỹo'oxoren da le'enaxat Ñim Nataxala'.

Génesis 3:6

Nache aso 'alo ila'a co'ollaxa da ana ala asa'aso qo'oipaq ỹataqta 'onaxai, nache huo'o da lyaxa da chec, qataq da lyaxa da huo'o da lauattonaxanaxac. Nache nqat aso 'oonole ala asomaye nache chec, qaq ime nache ỹanem so lhua, nache somaye nataqa'en chec.

2 Corintios 6:18

Yaqto' Nachaỹem maye Aỹem Qarta'ai. Qaq qami', qalaq qami' ỹalqa qataq qami' ỹalel. Qaq 'era dam shenapec, Aỹem Nataxala' maye qaica ca seqalanapec.»

1 Corintios 7:39

Aca 'alo mashe huaron, acamaye ncoñetta'aguet ca lhua qom ña nca'altauec camaye. Qalaxaye ca lhua da huo'otaq mashe ileu, nache acamaye ỹataqta huesochiguiñi da huo'otaq huaroneguet ca lỹa ỹale maye la'amqaanataxanaxaua.

Malaquías 2:15

Qaq ¿Saisheto' peta'a da ỹo'ot Ñim Nataxala' dam 'oonolec no'ocỹaxac qataq dam saq cha'a nca'alaxa? Qaq ¿ta'ainco' da 'oonolec? Cha'aye Ñimaye nmittaique da 'enauac nam nhuo' le'ecpi ỹataqta ñañanot Ñimaye. Qaq ỹoqo'oye qanchelỹa'a qome da maiche qarca'alaqai, qataq saishet da qoquiỹa'ai anam qarhuaipi co'ollaq ñaq qami' nsoxoppi.

Malaquías 2:11

Na Judá le'ecpi, saỹalaxaguet Ñim Lo'onatac 'Enauacna, qataq ỹo'ot nam ỹataqta qaiqaiga da huaña na Jerusalén, maye hueta'a na Israel. Na Judá le'ecpi, qalaq saipaguelec dam qui'itta lataxac añi atamnaxaqui maye lauotaqte Ñim Nataxala', qataq nam ỹalleppi na Judá huaroneguet na 'alpi maye natameetacot na atamnaxala'pi maye saq'en.

Isaías 63:16

¡'Am Nataxala', nache 'am maye 'am qarta'a! Na'aictaxa so Abraham da saishet da qomi' ỹauatto'n, qataq so Israel da saishet da qomi' ntooneque, qalaxaye 'am Nataxala', nache 'am maye 'am qarta'a, qataq nache 'eetai' co'ollaxa da 'am qarca'alaxaqui.

Da na'aqtaguec so Job 31:1

Aỹem maiche iuennataxa co'ollaxa da ne'enaua ỹa'ai'te, saishet da iloguilo ñaqa'en aca 'alo maye saxanaxa da huaron.

Génesis 6:1

Qaq so shiỹaxauapi co'ollaq mashe naleguete naua 'aleu' ana 'alhua, qataq mashe huo'o so llalpi 'alpi,

Génesis 6:3

Qalaxaye Ñim Nataxala' 'enapeco': «Saishet da sa'aqta'a ca shiỹaxaua da nache 'eetai' da nca'altauec, cha'aye camaye choche lapat. Qaq ỹoqo'oye sanem qome da ivi' caua ciento veinte vi'iye da nachaalataxac.»

Génesis 12:11

Qaq co'ollaq mashe nayeetaua'a ye Egipto, nache so Abram 'enapega aso lhua Saraí, 'eeta': «Aỹem saỹateeta da ỹataqta 'am 'onaxai,

Génesis 26:35

Qaq se'esoua dos 'alo, soomaye ỹataqta ỹo'ot da nqui'ic so Isaac qataq aso Rebeca.

Da na'aqtaguec so Job 1:6

Qaq huo'o so na'a'q da nachaateua'a Ñim Nataxala' som lamaxashecpi piguem le'ecpi, nache nataqa'en nachatteuo so Pa'aguenataxanaxaic, da ỹalectoigui somayepi.