Génesis 6:18 - La'aqtaqa Ñim Lo'onatac 'Enauacna 2013

¹⁸ Qalaxaye Aỹem, 'am ñaỹamaxate' qome, qaq aca 'annotaxaqui inoxooroigui qome naua 'aỹa'alqa, 'arhua, 'aratel qataq 'am.

Génesis 6:18 Referans Kwoze

Hebreos 11:7

So Noé huo'o da lpi'iỹaxac co'ollaxa Ñim Lo'onatac 'Enauacna, qaq ỹoqo'oye Ñimaye da'aqtaxanem co'ollaxa cam saxanaxa da yo'oq, nache somaye ỹalaq qataq ỹa'ara't aso nnotaxaqui late'erai maye quiguingui na 'etaxat, da yaqto' ishet da nca'alec so llalaqpi. Qaq souaxat da so Noé huo'o da lpi'iỹaxac Ñim Lo'onatac 'Enauacna, nache somaye ỹaconeguet da lqouagaxanaqtaic Ñimaye maye ỹami' cam ỹa'amaqten Ñimaye. Nataqa'en chegoqchigui da lpi'iỹaxac Ñim Lo'onatac 'Enauacna so Noé da ỹo'oteguet na shiỹaxauapi maye huetalec ana 'alhua da qaỹauo'o ca nhuaxanaguec.

Génesis 7:7

Qaq huaña co'ollaxa nache inoxonoigui aso notaxaqui, lỹatreuo soua llalqa, lhua, qataq soua latel, da yaqto' naneltaxaareguet so auot lta'araic.

Génesis 17:7

Da ñaỹamaxataxac maye so'ot da 'am ñaỹamaxate', qataq cam 'am chegoxoguetpi, damaye saishet qome da imeuo. Qaq Aỹem nache Aỹem 'anatamnaxala' qome, qataq cam 'am chegoxoguetpi.

Génesis 7:13

Qaq nacheso se'eso na'a'q, da so Noé inoxonoigui aso notaxaqui, lỹatreuo soua llalqa, Sem, Cam qataq Jafet, qataq aso lhua, qataq soua tres latel.

Isaías 26:20

Qauesomiỹa qami' ỹalamaxat nhuo' le'ecpi, qa'aỹoiguilo naua qarma'achilli' nache qanapoila't, ñaq cara'acolec da qanqañoxochiiñi, nato' qom vi'iiguet da layeloxo Ñim Nataxala'.

2 Pedro 2:5

Nataqa'en Ñimaye saishet da ichoxonnai' so shiỹaxauapi 'etaxaloxoicpi so na'a'q maye huetaigui so Noé. Nachaqrata da namaq co'ollaxa so auot, nache npaxaasheguem naqa'en ana 'alhua, nache 'enauac ileu somayepi. Qaq chaqsota so Noé nca'alaxatec, som 'eetega co'ollaxa so shiỹaxauapi da ỹo'ot ca ỹaỹamaqchiguiñi. Qaq so Noé huo'oi soua lỹa't siete lca'alaxau'.

1 Pedro 3:20

Som saqcha'a nca'alaxapi maye sa ỹalaxaguet Ñim Lo'onatac 'Enauacna so na'a'q maye huetaigui co'ollaxa so Noé. Ñim Lo'onatac 'Enauacna ỹataqta huo'o da lhualaxavic da iuatta'a somayepi da naralaxat da lhuennataxac co'ollaq ñaq ỹo'ottac so Noé aso nnotaxaqui maye quiguingui na 'etaxat, qalaxaye somayepi saishet da ỹo'ot damaye. Qaq ỹoqo'oye saq 'amaqtaq so huenotoigui aso notaxaqui da yaqto' nca'aleeguesop so 'etaxat maye ipaxaalec ana 'alhua, qaq nacheso se'eso 'etaxat so ỹauec se'esoua ocho shiỹaxau' da ỹanaña so ỹataqta ỹaỹamaqchiguiñi.

Génesis 7:1

Qaq ime, nache Ñim Nataxala' 'enapega so Noé, 'eeta': «'Aunoxonoigui añi notaxaqui, 'arỹatreuo 'enauaque naua 'aỹa'alqa, cha'aye nache 'amta da qoqueelec nam sheetapeguecpi, saishet da qoneta'am nam 'aualecta'aguet shiỹaxauapi.

Génesis 17:21

Qalaxaye dam ñaỹamaxataxac nache 'eetai' qome da huetalec ca Isaac, cam llalec añi Sara maye ñiguiñi qom inoxonec na 'oonolec vi'i.

Génesis 17:4

«Qaq 'era da ñaỹamaxataxac da 'am ñaỹamaxate', 'eeta': 'Am, nache 'am qome da 'am lta'a ca ỹataqta qalota ỹotta'a't shiỹaxauapi,