Génesis 6:17 - La'aqtaqa Ñim Lo'onatac 'Enauacna 2013

¹⁷ Cha'aye Aỹem ñamaq qome ca auot da ipaxaalec ana 'alhua, nache nlaxaañi qome 'enauac nam huo'o da lca'alaxa maye netalec 'enauac na pa'aiguelo ana 'alhua. Qaq 'enauac qome nam huetalec ana 'alhua ileu.

Génesis 6:17 Referans Kwoze

2 Pedro 2:5

Nataqa'en Ñimaye saishet da ichoxonnai' so shiỹaxauapi 'etaxaloxoicpi so na'a'q maye huetaigui so Noé. Nachaqrata da namaq co'ollaxa so auot, nache npaxaasheguem naqa'en ana 'alhua, nache 'enauac ileu somayepi. Qaq chaqsota so Noé nca'alaxatec, som 'eetega co'ollaxa so shiỹaxauapi da ỹo'ot ca ỹaỹamaqchiguiñi. Qaq so Noé huo'oi soua lỹa't siete lca'alaxau'.

Génesis 7:4

Cha'aye qom inoxoorec caua siete na'axa'te, nache anac ñaqa'en ca auot, maye huaiguilo caua cuarenta na'axa'te qataq cuarenta pe' da anactac camaye. ¡Sapalaxat qome 'enauac nam huo'o da lca'alaxa maye ỹo'onatacpi, nam netalec ana 'alhua!»

1 Pedro 3:20

Som saqcha'a nca'alaxapi maye sa ỹalaxaguet Ñim Lo'onatac 'Enauacna so na'a'q maye huetaigui co'ollaxa so Noé. Ñim Lo'onatac 'Enauacna ỹataqta huo'o da lhualaxavic da iuatta'a somayepi da naralaxat da lhuennataxac co'ollaq ñaq ỹo'ottac so Noé aso nnotaxaqui maye quiguingui na 'etaxat, qalaxaye somayepi saishet da ỹo'ot damaye. Qaq ỹoqo'oye saq 'amaqtaq so huenotoigui aso notaxaqui da yaqto' nca'aleeguesop so 'etaxat maye ipaxaalec ana 'alhua, qaq nacheso se'eso 'etaxat so ỹauec se'esoua ocho shiỹaxau' da ỹanaña so ỹataqta ỹaỹamaqchiguiñi.

Hebreos 11:7

So Noé huo'o da lpi'iỹaxac co'ollaxa Ñim Lo'onatac 'Enauacna, qaq ỹoqo'oye Ñimaye da'aqtaxanem co'ollaxa cam saxanaxa da yo'oq, nache somaye ỹalaq qataq ỹa'ara't aso nnotaxaqui late'erai maye quiguingui na 'etaxat, da yaqto' ishet da nca'alec so llalaqpi. Qaq souaxat da so Noé huo'o da lpi'iỹaxac Ñim Lo'onatac 'Enauacna, nache somaye ỹaconeguet da lqouagaxanaqtaic Ñimaye maye ỹami' cam ỹa'amaqten Ñimaye. Nataqa'en chegoqchigui da lpi'iỹaxac Ñim Lo'onatac 'Enauacna so Noé da ỹo'oteguet na shiỹaxauapi maye huetalec ana 'alhua da qaỹauo'o ca nhuaxanaguec.

Salmos 107:34

qataq na no'on 'alhua nañigui naqa'en da toue lma', souaxat na qauem maye ỹo'ottac nam netalec ne'ena 'alhua.

Amós 9:6

Qaq Ñim Lo'onatac 'Enauacna ỹo'ot ye lanataqa' na piguem, qalaq nache na'attalec naqa'en ana 'alhua, qaq Ñimaye da iỹaxana na 'etaxat maye huetangui aso auaxai, nache huecorelec naqa'en ana 'alhua. Qaq Ñimaye, le'enaxat Nataxala'.

Salmos 29:10

Ñim Nataxala' nacheñi ñi ilotague' na auot, Ñim Nataxala' nache 'eetai' da chochaq tatec da lo'onataxanaxac.

Romanos 6:23

Cha'aye cam nachaqrata da ỹo'ottac da ñe'etaxaloxo, nache camaye ỹaconeguet ca nhuaxanaguec, qaq damaye nachera da nleuaxa. Qalaxaye Ñim Lo'onatac 'Enauacna qomi' ỹanema da qanme da nca'alaxa maye chochaq tatec chegoqchigui So Cristo Jesús maye Qarataxala'.

Romanos 5:21

Cha'aye dam 'eetec da ñe'etaxaloxo co'ollaq ỹataqta huo'o da la'añaxac da nachetac da nleuaxa, qaq nache 'eetec nataqa'en da la'añaxac da lqouagaxanaqtaic Ñim Lo'onatac 'Enauacna da ỹapalaxat na qarasouaxashetpi qataq qomi' ỹanema da achaalataxac maye qaica ca loga't, chegoqchigui naqa'en So Qarataxala' Jesucristo.

Lucas 17:27

Somayepi deque'etac qataq nỹomtac, qataq huarootega't qataq huetapegue' da laronaxac na llalpi, choche ivitta'a so na'a'q co'ollaq so Noé inoxonoigui aso nnotaxaqui maye quiguingui na 'etaxat. Nache anac so auot, huaña, nache ileu 'enauac somayepi.

Oseas 5:14

Cha'aye aỹem sheeta'am qome ca llon da seloquiaxan ye Efraín, qataq catai' llon llalec da seloquiaxan ye Judá, qaq nache aỹem qome da secolaxattac, ime nache ashec, nache sache qome ca ỹoxonec, nache qaica ca ishet da deuotaxanec.

Ezequiel 34:20

Qaq ỹoqo'oye Aỹem Nataxala', shenapec: Aỹem serolec qome da nalochiguiñi lataxac da ñimit ana chaxaraipi qaguetapi, qataq ana ỹapo'ota.

Ezequiel 34:11

Aỹem Nataxala', shenapec: Aỹem maiche souapegue' qome da selo'ogue ana ilopi qaguetapi.

Ezequiel 6:3

qoneta': Ñaq qana'axaỹaxañiỹa da la'aqtac Ñim Nataxala' qami' qasoxonaxapi na Israel, qami' lcomaraxalatepi, qami' talapi qataq qami' ca'ameguepi, Aỹem qami' ñamaxalo qome ca alaataxac, da yaqto' ilaxachigui nam qaỹoqotcheguemec atamnaqa'pi maye huaña da qaỹo'oxoren na ỹaqa'a atamnaxala'pi.

Ezequiel 5:8

Qaq ỹoqo'oye Aỹem Nataxala', sheeta': Aỹem nataqa'en 'am sataỹa'aguet, 'am Jerusalén, sacoolec da ñemit na 'arasouaxashetpi, ỹauaachigui ñaqa'en na ỹotta'a't shiỹaxauapi.

Isaías 54:9

«Qaq 'eeta'am co'ollaq sanem da ỹa'aqtac so Noé, da saishet da ỹe'eguelaxa da ipaxaalec na 'alhua ca auot lta'araic, qaq nache 'eetec nagui da san ỹa'aqtac da saishet da qaltaq she'eguelaxalec da 'am salemataỹa qataq saishet da she'eguelaxalec da 'am sareetalec.

Isaías 51:12

«Qaq Aỹem, nachaỹem da 'am sami' da 'ara'añaxac. ¿Qaq negue't qone' ca 'añe'etega? ¿Nachena peta'a nam shiỹaxauapi? ¿Nam shiỹaxauapi maye huo'o ca loga't, 'eeta'am ana huoue?

Da na'aqtaguec so Job 22:16

Qalaxaye somayepi saqaỹaloq co'ollaxa da ileu, 'eeta'am ca ỹache na la'auataxa so tala da mpaxaasheguem.

Deuteronómio 32:39

Ña qauloỹa nagui da nachaỹemta Atamnaxala', qaica ca lỹa atamnaxala' da aỹem 'eeta'am. Cha'aye Aỹem san da nca'alaxa qataq so'ot da nleuaxa, qataq so'ot ca nque'emaxa qataq ishet da ñataren. Qataq qaica ca ỹet da la'añaxa'c naua ihuaxaye.

Levítico 26:28

nache Aỹem nataqa'en qami' sataỹa'agueta qome, qataq qami' seroleguete da ỹayeloxo da ỹoltaq siete da qami' seuaxa'n souaxat da qaye'etaxalqoi,

Éxodo 14:17

Qaq aỹem sanem qome na Egipto le'ecpi da ỹataqta qaramchigui ye lauel, da yaqto' qami' icaaleguete, cha'aye nache chegoqchigui na faraón, qataq 'enauac na nalleppi maye netangui ana naigonapi, qataq na netalec na caipi da sachaxan da ỹa'añaxac.

Génesis 6:13

nache 'enapego' so Noé, 'eeta': «Mashe iuennataxac da imeuo ñaqa'en 'enauac na shiỹaxauapi. Cha'aye souaxat na lasouaxashetpi namayepi, nache ana 'alhua ỹataqta qalota da loquiaxac, qaq ỹoqo'oye ñelaxaañi qome namayepi, qataq 'enauac ana 'alhua.

Génesis 6:7

Nache 'enapeco': «Sapalaxat qome na shiỹaxauapi maye ỹo'onatacpi maye netalec ana 'alhua, qataq nataqa'en na shiguiỹacpi nlopi, qataq na shiguiỹacpi maye hualectapigui', qataq na maỹopi. ¡Aỹem ỹataqta huo'o da ñequi'ic souaxat da so'ot co'ollaxa namayepi!»

Mateo 24:39

Se'eso shiỹaxauapi saishet da ỹaỹaten da huaigui co'ollaq npaxaasheguem ana 'alhua, ỹoqo'oye ivira'a da 'ogaxaicpi. Qaq 'era da 'eetec Aỹem Shiỹaxaua Llalec qom qaltaq ñe'eguelaq.

Génesis 9:9

«Ñaq qauloichigui, Aỹem llapaxañi da ñaỹamaxataxac da qami' ñaỹamaxatto, qataq cam qaỹa'alquipi qome,

Génesis 7:17

Qaq se'eso auot lta'araic, iviraxattrec soua cuarenta na'axa'te da anactac, tateguelec ana 'alhua. Qaq co'ollaq nquictasheguem so 'etaxat, nache aso notaxaqui nyiisheguem, nache huaỹoxootapigui'.

Génesis 7:15

Qaq 'enauac se'eso shiguiỹacpi lỹateuo co'ollaxa so Noé da inoxonoigui aso notaxaqui, dostega't somayepi.

Génesis 2:7

Qaq huaña nache Ñim Nataxala', ỹo'ot so shiỹaxaua ỹachegoxotaigui na 'alhua. Ime, nache iquichichiguilo naua nmic lauaco, qataq ỹanem da lca'alaxa. Nache so shiỹaxaua huo'o da lca'alaxa.

Génesis 6:16

'Auauota'a tres qome caua nỹaqa ỹashiquitcheregue'm, qataq 'auauo'o ca nalloxoqui ca pa'atcheguem nỹec, qataq 'auauo'o ca 'oonolec lasom naua'a 'anqa'en na laỹe.