Génesis 6:16 - La'aqtaqa Ñim Lo'onatac 'Enauacna 2013

¹⁶ 'Auauota'a tres qome caua nỹaqa ỹashiquitcheregue'm, qataq 'auauo'o ca nalloxoqui ca pa'atcheguem nỹec, qataq 'auauo'o ca 'oonolec lasom naua'a 'anqa'en na laỹe.

Génesis 6:16 Referans Kwoze

Ezequiel 41:16

Qaq so ñegueuopi, qataq so nalloxoquipi, qataq so ndaqa'piolec maye coleesopa soua tres nỹaqa, qalaq imauec da qalapaxalec na 'epaq.

Génesis 8:6

Qaq co'ollaq inoxoorec soua cuarenta na'axa'te, nache so Noé ỹauatoigui so nalloxoqui asom lo'onata notaxaqui,

Génesis 7:16

Qaq ipacchigui dam ỹamaxalec co'ollaxa Ñim Lo'onatac 'Enauacna so Noé, da ỹale qataq 'alo, som ỹotta'a't shiguiỹacpi maye inoxonoigui aso notaxaqui. Ime co'ollaxa, nache Ñim Nataxala' ỹapogui so lasom aso notaxaqui.

Lucas 13:25

Cha'aye que'eca lma' ca nỹec, da ime da ñesheguem, nache ỹapogui ca lasom ca lma', nache qami' maye qapa'aitauec qauỹaxañiitapegueua'a que'eca lasom. Qaq qoñiita': «'Am Qarataxala', qomi' 'anauategueta.» Qalaxaye camaye ỹasat, 'eeta': «Aque', sa saỹaten ca qauachegoqoita'ague.»

Ezequiel 42:3

Qaq da 'oonolec laỹe maye pa'aỹa'aguet so qasoxoc maye pa'aỹauo, qalaq ivi' diez metros ye lcateueegue, qaq so lỹa laỹe qalaq pa'aỹa'aguet so pa'aỹauec qasoxoc maye lo'oxonaxat na coma'. Qaq ñi 'oonolec soomaye qalaq tres naua nỹecolqa ỹashiquitcheguem.

2 Reyes 9:30

Qaq co'ollaq ime de'era, nache so Jehú, taỹa ye Jezrel. Qaq aso Jezabel co'ollaq la'axaỹaxac de'era, nache asomaye ỹa'ame'n naua la'ai'tel, qataq ỹo'ot so llo'oxoraxat na laue, ime nache dalletaviigui so nalloxoqui so nỹec.

2 Samuel 6:16

Qaq co'ollaq qaiviraxateua'a so huaqta'a't nỹecpi maye lalamaxat so David aso arca maye laỹe' soua lqataxaco Ñim Nataxala', nache aso Mical maye llale so Saúl dalletauec co'ollaxa, nache ỹalletauga so nta'a David da parenaxaatac, qataq dasotto'ot Ñim Nataxala', nache asomaye ỹataqta da'aguelec somaye.

Génesis 6:15

Qaq qom 'auo'ot aca 'annotaxaqui, nache acamaye 'enaua naua laloqnaqa'ate: ciento treinta y cinco metros ye lalogaxa, qataq veintidós metros y medio ye lcateueegue, qataq trece metros y medio ye lshequitcheguemegue.

Génesis 6:17

Cha'aye Aỹem ñamaq qome ca auot da ipaxaalec ana 'alhua, nache nlaxaañi qome 'enauac nam huo'o da lca'alaxa maye netalec 'enauac na pa'aiguelo ana 'alhua. Qaq 'enauac qome nam huetalec ana 'alhua ileu.