Génesis 50:11 - La'aqtaqa Ñim Lo'onatac 'Enauacna 2013

¹¹ Nache nam cananeopi maye netalec yi'iye 'alhua co'ollaq ila'a de'era qaỹo'ot nasouaxac, nache 'enapeco': Na Egipto le'ecpi huo'o da lasouaxac ỹataqta daquicota. Ỹoqo'oye qaỹamata'ac yi'iye 'alhua da le'enaxat Egipto le'ecpi laquicoqo'. Yemaye pa'aigue da nala' lliguisheguem ye Jordán.

Génesis 50:11 Referans Kwoze

Génesis 24:6

Nache so Abraham, 'enapeco': «¡'A'i, saishet qome da 'auauec ñi ỹalec!

1 Samuel 6:18

Qaq ye lcate' soua ne'enaqtal chegoxonaxal maye chegoqraigui na oro, qalaq nache 'eeta'ama ye lcate' ye qalochiguiñi huaqta'a't nỹecpi maye ỹotta'a't naua nañalo maye lma' soua cinco lataxala'ate so filisteopi, nataqa'en so huaqta'a't nỹecpi maye sa nsattec so lpaqtaxat, qataq so lauoreuapi nma'piolec. Qaq so coma' lta'araic maye qaỹachalec co'ollaxa aso laỹe' da naỹamaxataxac Ñim Nataxala', nache ivitta'a nagui da ñaq netalec ye no'onaxa maye lalamaxat so Josué, maye huaña ye Bet Semes.

Deuteronómio 11:30

Qaq ñi'iñiua qasoxonaxal ñiimaye nera'atague da le'ego ye tala Jordán, pa'aira'ague da avit ye na'alhua ye cananeopi, maye nalotta ye Gilgal qataq huaqta'ai' ye More.

Deuteronómio 3:27

Qalaxaye 'asheguema qome na pa'asheguem añi qasoxonaxa Pisga, qaq nache 'auallelec ye pa'aigue da sheu', la'añaxa, nala' lliguisheguem qataq da avit, qalaxaye saishet da 'aua'axasoxoolec qome ye tala Jordán.

Deuteronómio 3:25

Qaq ỹoqo'oye 'Am ñachoxonnot, da aỹem 'auasheetem da sa'axasoxoolec ye tala Jordán, da saitague da le'ego yaqto' semeten da lyac ye 'alhua maye huaña aye qasoxonaxapi, qataq ye Líbano.»

Génesis 50:10

Qaq somayepi co'ollaq ivita ye no'onaxa maye lalamaxat so Atad maye pa'aigue da nala' lliguisheguem ye tala Jordán, qaq huaña yemaye nache qaỹo'ot so lta'araic nasouaxac qataq noinaxac. Qaq huaña yemaye, nache so José ỹo'ot so lasouaxac, ivittrec soua siete na'axa'te souaxat so lta'a.

Génesis 34:30

Qaq huaña nache so Jacob 'enapego' so Simeón, qataq so Leví, 'eeta': «Qami' aỹem qauo'ochec da lta'araic qauem. Cha'aye nagui na lma' ne'ena 'alhua, nam cananeopi, qataq na ferezeopi, aỹem nquiỹa qome. Qaq namayepi ishet da laỹona't qome da yaqto' aỹem iloquiaxan, qaq nam ñalleppi ye saq 'amaqtaq, nache namayepi aỹem ỹalauat qome, qataq na ỹalaqpi.»

Génesis 13:7

cha'aye som ilotague'pi aso lalopi so Abram deloctague' co'ollaxa som ilotague' aso lalopi so Lot. Qataq da lỹa, ye se'eso na'a'q som cananeopi, qataq so ferezeopi, ñaq netalec co'ollaxa yi'iye 'alhua.

Génesis 50:12

Qaq soua llalqa so Jacob ỹataqta ipactelec co'ollaxa 'enauac nam lquiquiaxacpi so lta'a.