Génesis 50:10 - La'aqtaqa Ñim Lo'onatac 'Enauacna 2013

¹⁰ Qaq somayepi co'ollaq ivita ye no'onaxa maye lalamaxat so Atad maye pa'aigue da nala' lliguisheguem ye tala Jordán, qaq huaña yemaye nache qaỹo'ot so lta'araic nasouaxac qataq noinaxac. Qaq huaña yemaye, nache so José ỹo'ot so lasouaxac, ivittrec soua siete na'axa'te souaxat so lta'a.

Génesis 50:10 Referans Kwoze

Hechos 8:2

Qaq huo'o som ỹalleppi maye ỹo'oxoreetac Ñim Lo'onatac 'Enauacna som ilayiñi co'ollaxa so Esteban. Somayepi ỹataqta nỹeetapeguelec somaye.

Da na'aqtaguec so Job 2:13

Ime, nache soomaye nso'onanguilo so alo da huaqtra'ai' so Job, nache iviraxattrec soua siete na'axa'te, qataq soua siete pe', da huetra'aguet, qalaxaye ỹataqta qaica ca la'aqta'c soomaye, cha'aye ilotra'a da ỹataqta lta'araic nqui'ic so Job.

2 Samuel 1:17

Nache so David, ỹo'on so lo'onec nỹeetaueegue, souaxat da l-leuaxa so Saúl qataq so llalec Jonatán,

1 Samuel 31:13

Qaq ime nache qalaỹona't so lpi'inecpi, nache huo'oto qanqa'en aso qo'oipaq da qailalyiñi. Qaq co'ollaq ime de'era, nache siete na'axa'te da nqouaqchet somayepi, souaxat de'era lasouaxac.

Deuteronómio 34:8

Nache so Israel le'ecpi nỹeetapeguelec co'ollaxa so Moisés soua treinta na'axa'te huaña ye ca'amapega't 'alhua ye Moab, nache qaipacchigui da lataxac da nasouaxac.

Deuteronómio 1:1

Qaq 'era da la'aqtac co'ollaxa so Moisés da 'enapega so Israel le'ecpi, huaña ye toolec 'alhua ye Arabá, yem pa'aigue da nala' lliguisheguem ye Jordán maye nalotta aso Auaxai Togaxarai, qataq sa qaỹapeque ye huaqta'a't nỹecpi ye Parán, Tofel, Labán, Haserot qataq ye Dizahab.

Números 19:11

Qaq ca ipoteua'a ca camachaqca shiỹaxaua leuaxaic, camaye saishet da qui'itta da lataxac ivittrec caua siete na'axa'te.

Génesis 50:11

Nache nam cananeopi maye netalec yi'iye 'alhua co'ollaq ila'a de'era qaỹo'ot nasouaxac, nache 'enapeco': Na Egipto le'ecpi huo'o da lasouaxac ỹataqta daquicota. Ỹoqo'oye qaỹamata'ac yi'iye 'alhua da le'enaxat Egipto le'ecpi laquicoqo'. Yemaye pa'aigue da nala' lliguisheguem ye Jordán.

Génesis 50:4

Qaq co'ollaq ivildec soua na'axa'te maye nasouaxaqui', nache so José nqo'oneua'a da detaxaỹapegue' som netañapi ye lma' lta'araic so faraón da 'enapega, 'eeta': «Qom ỹoqta 'eesa da aỹem qauauochec, qaq no'on da aỹem qarqouaquic da qoñiỹapega ñi faraón,

Génesis 27:41

Qaq nache chegoqchiguiña co'ollaxa da so Esaú nquiỹa so Jacob, souaxat so nchoxonnataxanaxa maye so lta'a ỹanem somaye, nache deuennataxaataco', 'eeta': «Mashe saqaỹaloq da huo'o ca qarasouaxac souaxat ca l-leuaxa ñi ita'a. Qaq qom ime camaye, nache aỹem salauat qome ñi ỹaqaỹa Jacob.»

Génesis 50:3

Qaq ivi' soua cuarenta na'axa'te da qaicottapigui da lo'ocỹaxac, cha'aye nachesoua soua na'axa'te maye ivi't da qaỹo'ot de'era. Nache so Egipto le'ecpi ivi' soua setenta na'axa'te co'ollaxa da ỹo'ottac da lasouaxac souaxat so Israel.

Génesis 50:9

Nataqa'en so shiỹaxauapi maye huota'a aso nnaigonapi qataq so huota'a so lalo caipi, nnaictague' co'ollaxa so José. Qaq ỹataqta saqalota so shiỹaxauapi.

Números 20:29

Qaq so Israel le'ecpi co'ollaq ỹaỹaten da ileu so Aarón, nache ivittrec soua treinta na'axa'te da nỹeeteguelec.

2 Samuel 11:26

Qaq aso Betsabé co'ollaq ỹaỹaten so lhua Urías da ileu, nache asomaye ỹo'ot da lasouaxac souaxat somaye.

Eclesiastés 12:5

qataq nam qaỹoqotcheguemec 'alhuapi qañi'iỹa, qataq ca nqa'aic huo'o da lchec. Ana almendro dasovi qome, qaq acam shiiquioxoi ipataxañi qome, qataq ana qo'oipaq alcaparra qaica ca naigui qome. Cha'aye cam shiỹaxaua taỹa'a cam lma' maye chochaq tatec, qaq hueta'a qome ca nqa'aic da lapootega't cam nỹeelec da l-leuaxa camaye.

1 Crónicas 10:12

nache 'enauac so ỹalleppi maye 'añaxaicpi ñisheguem, da ỹe'eguena'a so lo'ocỹaxac so Saúl, qataq soua llalqa. Nache ira'a ye Jabés, yem huaña da ilayiñi ỹachetot aso qo'oipaq le'enaxat encina, maye naña ye Jabés, nache ỹo'ot so nqouaqchetaxac soua siete na'axa'te.