Génesis 5:3 - La'aqtaqa Ñim Lo'onatac 'Enauacna 2013

³ Qaq so Adán mashe ivi' co'ollaxa soua ciento treinta vi'iye da nachaalataxac, co'ollaq ñiguiñi so llalec, som ỹanagui co'ollaxa da le'enaxat Set, qaq somaye ỹataqta 'eeta'am so lta'a.

Génesis 5:3 Referans Kwoze

Génesis 4:25

Qaq so Adán qaltaq ỹe'eguelaxalec da hue'eguet co'ollaxa aso lhua, nache asomaye huo'o so llalec, nache ỹanagui da le'enaxat Set, cha'aye 'enapeco': «Ñim Lo'onatac 'Enauacna, aỹem ỹanem na lỹa ỹalec da nmeneguet naqa'en so Abel, som ỹalauat so Caín.»

Efesios 2:3

Qaq nataqa'en 'enauac da shenaqta nache shenaqta'am namayepi soua hua'au' vi'iye, da qolaqtague' nam maiche shenaqtapeguecpi, qataq so'otaqtac dam lqopitaxanaqtaic da qarapachiỹaxac qataq nam maiche qarhuennataxacpi. Qaq ỹoqo'oye ỹataqta 'itchiguiñi da qomi' huetaleguete da qaica ca 'ena'am lchec lalemataic Ñim Lo'onatac 'Enauacna da shenaqta'am 'enauac nam laỹepi shiỹaxauapi.

1 Corintios 15:39

Nataqa'en saishet da 'enauac da 'eeta'a't da no'ocỹaxac. Cha'aye na shiỹaxauapi huo'o da maiche lalamaxat lataxac da lo'ocỹaxac. Nache 'ena'am na shiguiỹacpi, huo'otaq na huaỹotac, huo'otaq na 'etaxat le'ecpi. Namayepi saishet da 'eeta'a't da lo'ocỹaxac.

Romanos 5:12

Da hua'auchiguiñi nasouaxashet ana 'alhua chegoqchigui so Adán co'ollaq sa ỹalaq. Nache chegoqchigui de'era nasouaxashet da yo'oq da nleuaxa ana 'alhua. Qaq cha'aye 'enauac da huo'o da lasouaxashet, nache 'enauac nataqa'en da ileu namayepi.

Juan 3:6

Ca chegoqchigui da lañoxoc ca yo'oqchigui shiỹaxaua, camaye ipacchigui da choche shiỹaxaua. Qalaxaye ca chegoqchigui da lañoxoc So Saqcha'a La'añaxac Ñim Lo'onatac 'Enauacna, camaye ỹaatañi da achaalataxac maye chegoqo'ot Somaye.

Lucas 1:35

Nache so namaxashec 'enapeco': –Qomye So Saqcha'a Na'añaxac Qui'itta anac qome da 'am tanguit, nache da la'añaxac Ñim Lo'onatac 'Enauacna maye 'amaqtaqaic 'am ipelteelec. Qaq ỹoqo'oye que'eca nogotolec, camaye da nachaalataxac ỹataqta imato'ot Ñim Lo'onatac 'Enauacna, nache camaye da le'enaxat 'eeta' «Llalec Ñim Lo'onatac 'Enauacna.»

Salmos 51:5

Cha'aye saỹateeta da qauem da ỹañoxoc, nale'ena da aỹem 'etaxaloxoic, co'ollaq ñaq sootaigui na lauel aso ỹate'e.

Da na'aqtaguec so Job 25:4

Qaq ¿peta'a huo'o ca choche shiỹaxaua, da 'enapec no'on da lataxac, qataq qaica ca ỹasouaxat da ỹauaachigui Ñim Lo'onatac 'Enauacna?

Da na'aqtaguec so Job 14:4

Cha'aye, ¿negue't ca ishet da nqatec ca qui'itta, da ỹachegoxotaigui ca nshepaxan? ¡Qomye, qaica!

Lucas 3:36

qaq so Sala, nache lta'a so Cainán, qaq so Cainán, nache lta'a so Arfaxad, qaq so Arfaxad, nache lta'a so Sem, qaq so Sem, nache lta'a so Noé som llalec so Lamec,

1 Corintios 15:49

'Eeta'am da nagui qomi' sanaqtañi da lo'ocỹaxac so hua'auchiguiñi ỹale maye qaỹachegoxotaigui ana 'alhua, qaq nache 'eetec nataqa'en qome da shenaqta'am da lo'ocỹaxac So Cristo maye piguem le'ec.

Génesis 5:2

ỹo'ot so ỹale qataq aso 'alo, nache ỹanema so no'on la'aqtac. Qaq se'eso na'a'q, co'ollaq ime da ỹo'o't soomaye, nache Ñimaye ỹanagui da le'enaxat shiỹaxau'.

Génesis 5:4

Qaq co'ollaq ime de'era, nache so Adán qaltaq queuoiguilo soua ochocientos vi'iye da nachaalataxac, nache huo'o so dalaxaicpi llalaqpi, ỹalleppi qataq 'alpi,