Génesis 5:22 - La'aqtaqa Ñim Lo'onatac 'Enauacna 2013

²² Qaq so Enoc, qalaq ỹataqta queteleguete co'ollaxa naua 'eetapegueeque Ñim Lo'onatac 'Enauacna. Qaq co'ollaq ime da ñiguiñi so llalec Matusalén, nache somaye qaltaq queuoiguilo soua trescientos vi'iye da nachaalataxac, nache huo'o so dalaxaicpi llalaqpi, ỹalleppi qataq 'alpi.

Génesis 5:22 Referans Kwoze

1 Ts 2:12

Nataqa'en she'eguelaxataqtalec da qami' shenaqtegalo da ỹataqta qoquiitelec da lataxac nam quetague' Ñim Lo'onatac 'Enauacna, nam iỹaxanapi Ñimaye da yaqto' nhuanaua'a da lo'onataxanaxac qataq da la'añaxac.

Génesis 17:1

Qaq so Abram mashe ivi' co'ollaxa soua noventa y nueve vi'iye da nachaalataxac, co'ollaq Ñim Nataxala' nachaxana somaye, nache 'enapega, 'eeta': «Aỹem, nachaỹem Ỹo'onatac 'Enauacna, maye Qaica ca Seqalanapec, saisheto' qome da 'aushepaxanaqchet da 'anachaalataxac da aỹem qoueto'ot,

Lucas 1:6

Aso Elisabet qataq so Zacarías ỹataqta no'o'n da lataxa'c qataq ỹataqta ỹalaxareguet 'enauac na lamaxasoxonaxacpi Ñim Lo'onatac 'Enauacna.

Malaquías 2:6

Qaq so Leví dapaxaguenataxanec co'ollaxa da 'eesa lataxac, qataq saishet da nasaxauec ca qauem. Somaye huo'o da l-lagaxayec qataq quetague' da no'on lataxac da Aỹem nnaictague', qataq qalota som ca'ai naqa'en nam qauempi.

Génesis 6:9

Qaq 'era da na'aqtaguec so Noé. So Noé ỹataqta no'on da lataxac, qataq ỹataqta ỹalaxaleguet Ñim Lo'onatac 'Enauacna. Co'ollaq ỹalectaigui so shiỹaxauapi, qaq nachesota somaye da ỹo'ottac nam 'eetapeguec Ñim Lo'onatac 'Enauacna.

1 Juan 1:7

Qalaxaye da ñachaataqtaigui na yo'oqchiguiñi, da shenaqta'am Ñim Lo'onatac 'Enauacna maye huetaigui da yo'oqchiguiñi, nache ỹataqta ña'araqta't da qomi' nqaỹañecpi, qaq Ñim Lo'onatac 'Enauacna ỹapalaxa't naua qarasouaxashe'ete, chegoqchiguilo naua ltago'q So Llalec Jesús.

Miqueas 6:8

Ñim Nataxala' mashe 'am da'aqtaxaatapeguem dam no'on. Maye iuatta'a Ñimaye da 'auo'ot, 'eeta': 'Auo'ot da nalochiguiñi lataxac, qataq 'auo'ot da nchoxonnataxanaxa, qataq 'am huesota da 'auatato'ot Ñim 'Anatamnaxala'.

Salmos 116:9

Qaq ỹoqo'oye nache shecto'ot qome da salaxaguet Ñimaye, da sootalec ana 'alhua maye lma' nam huo'o da lca'alaxa.

Levítico 26:12

Qataq qami' ñenaictegueto, qaq nache Aỹem Qanatamnaxala'ai, qataq qami' nhuo' le'ecpi maiche qami' ỹalamaxatpi.

Colosenses 1:10

Yaqto' da qarataxaqui nateeteguet dam ỹoqta 'eetapeguec So Qarataxala'. Qaq Somaye ỹataqta machiguiñi souaxat da qami' qauo'ocheetac 'enauac nam lataxacpi maye ỹaỹamaqchiguiñi, qataq qaviyeeta'a da ỹataqta qauauattoñiita Ñim Lo'onatac 'Enauacna.

1 Ts 4:1

Qaq ỹoqo'oye nagui qami' qarqaỹa't maye qoquiitague' So Cristo, qami' sapaxaguenaqtegueeque da qoquiitegue da ỹataqta ỹaỹamaxareeta Ñim Lo'onatac 'Enauacna. Qaq damaye mashe qauo'ocheetac. Qaq nagui qami' ñachoxonnaqtoiguilo qataq qami' sa'añaqchetaxaque da le'enaxat So Qarataxala' Jesús da qanquigaxachiitauec qome da qara'añaxaqui.

Efesios 5:15

Qaq ỹoqo'oye ỹataqta qauloitegue qome da qarataxaqui. Saishet da qoñiita'am cam saqca ca ỹaỹaanapec. Nachaqrata da qoñiita'am ca shiỹaxaua maye ỹataqta deuennataxaatelec da huo'o ye ỹo'ot.

Génesis 48:15

Qaq huaña nache ỹanem da no'on la'aqtac so José, 'eeta': «Ñim Lo'onatac 'Enauacna ñim lalaxaret soua ita'al Abraham qataq so Isaac; Ñim aỹem nteltega chegoqchiguiña so na'a'q co'ollaq sañiguiñi,

Génesis 24:40

Qaq somaye aỹem ỹasateguet, 'eeta': Aỹem shectague' da nqa'aicỹaxac Ñim Nataxala', qaq Ñimaye ỹamaq qome ca lamaxashec piguem le'ec da 'am nnaictague', yaqto' qaica ca da dam 'icỹaxac, nache 'auachegoxotaigui qome aca lhua ñi ỹalec, yem ihuo' lashepi maye llalpi so ita'a.

Colosenses 4:5

Qataq ỹataqta qanaỹaanaxanaqchiñi da qautaqaitague' nam saxanaxa da da'amqaanataxan. Ỹataqta qauqopitaxañiỹa'ape naua na'axa'te, da huo'o ca qardaqa'ai.

2 Corintios 6:16

Qomi' maye qomi' lma' Ñim Lo'onatac 'Enauacna maye nca'altauec, qaq Ñimaye da qomi' hueta'agueta, nache saishet da saqtegueua'a nam ỹo'oxoreetac na ne'enaqtacpi maye qanatameetacotpi. Cha'aye Ñim Lo'onatac 'Enauacna 'eeta': «Sootaigui qataq salectaigui namayepi; qataq ñenaictague' namayepi, Aỹem maye Nachaỹem Nta'a maye So'otna, qaq namayepi, nache ỹalamaxatpi.»

Romanos 8:1

Qaq Ñim Lo'onatac 'Enauacna saishet da ỹauo'o qome ca qanhuaxanaguec, cha'aye mashe ña'araqtaua'a So Jesucristo.

Hechos 9:31

Nache 'enauac nam ỹa'amaqten So Jesús maye netaña ye 'alhua Judea, qataq ye 'alhua Galilea, qataq ye 'alhua Samaria, namayepi ỹataqta saishet da ñe'etega da sa qaiyacnapec. Nache queto'ot da ỹo'oxoreetac So Qarataxala', nache ima'ape naua na'axa'te da nquictauec da lpi'iỹaxac So Jesús. Qaq So Saqcha'a Na'añaxac Qui'itta ỹataqta ỹa'añaqchettac namayepi da nquictauec naqa'en ye lcata na da'amqaanataxan.

Miqueas 4:5

Qaq na laỹe ỹotta'a't shiỹaxauapi qalaq quetague' nam maiche natamnaxala'pi, qomi' qalaxaye nache 'eetai' qome da qolaqto'ot da salaxasoxoguet Ñim Nataxala' maye Qanatamnaxala'.

Amós 3:3

Da huo'oi caua dos da nnaictega't, qaq damaye ỹa'axat da caamaye naỹamaxareeta't.

Oseas 14:9

Qaq ca ỹaanaxanaxaic nache ỹaỹateeteguet qome de'era, qataq ca ỹaanataxanaxaic nache ỹauattoota qome de'era na'aqtac. Cha'aye 'enauac na ỹo'otpi Ñim Nataxala' ỹataqta nalochiguiñi, qaq cam no'on da lataxac nache quetegue qome namayepi, qalaxaye nam qauemaicpi nache pogolaxaisop qome damaye.

Cantares 1:4

¡Aỹem 'auauec! ¡Sa ñaỹaloxonaq qome! ¡'Am nta'a, ñaq aỹem 'auauegueua'a ca 'aro'ochaqa'! So'otaq ca qantonaxac da salegaqta'a't. She'eguelaxasoxolec da seuennaqte da 'arauotaxanaqtaic, de'era 'arauotaxanaqtaic maye napacalec da lamaic na lataxa. ¡Mañaxasaco' da ỹataqta 'am nqopita na qa'ampiolec!

Salmos 128:1

Ỹataqta machiguiñi 'enauac nam huo'o naq 'enec naqa'en Ñim Nataxala', nam quetegue da llecỹaxac Ñimaye.

Salmos 86:11

Ñaq aỹem 'auapaxaguenec da 'anqa'aicỹaxac, 'Am Nataxala', yaqto' ỹataqta salemaqtelec da shectague' damaye, qataq nalochiguiñi 'anqa'en da iquiyaqteỹaxac, yaqto' huo'o naq 'enec ñaqa'en da 'are'enaxat.

Salmos 56:13

Cha'aye aỹem 'anca'alaxateeguesop da nleuaxa. Cha'aye aỹem 'anca'alaxateeguesop da yaqto' saishet da souañi. Yaqto' da ñachaalataxac quetaigui na yo'oqchiguiñi, da sooto'ot Ñim Lo'onatac 'Enauacna.

Salmos 26:11

Qalaxaye aỹem da ñachaalataxac qui'itta, ỹoqo'oye aỹem 'anca'alaxatec qome qataq aỹem 'auchoxoren.

Salmos 16:8

Qaq aỹem qalaq nache 'eetai' naxa da sa seỹotaique Ñim Nataxala', Ñimaye nache huetaua'a ñaqa'en na aỹoic, nache qaica ca ishet da souañi naqa'en.

2 Reyes 20:3

«'Am Nataxala', 'am ñachoxonnot, da 'antoueeta'ac qome da ỹataqta 'am salaxaguet co'ollaxa, qataq ỹataqta imauec da iquiyaqteỹaxac da so'ot nam 'auaỹamaxareeta.» Nache so Ezequías ỹataqta lta'araic da nnoinaxac souaxat da laquicoxo.

1 Reyes 2:4

Qataq yaqto' ipacchigui qome da la'aqtac Ñim Nataxala', maye aỹem ỹachaxanapecot co'ollaq, 'eeta': ‹Da ỹataqta ỹo'ot da no'on na 'aỹa'alaqpi, qataq sauaachigui da quegue da ỹaỹamaqchiguiñi lataxac, qataq da ỹataqta lquiyaqteỹaxac, lhuennataxa da ỹalaq, nache saishet da saqca ñaqa'en ca 'oonolec na 'aỹa'alaqpi da talec da 'aro'onataxanaxac da nta'a, da ilo'ogue na Israel le'ecpi.›

Deuteronómio 28:9

Qaq qom ỹataqta 'aualaxaguet na lamaxasoxonaxacpi, qataq qoquetelec da lataxac da llecỹaxac Ñim Nataxala' maye 'Anatamnaxala', nache ỹataqta 'itchiguiñi naqa'en da 'am iỹotauga da ỹataqta 'am lalamaxat, qataq ipacchigui da 'am ỹachaxanapeguem co'ollaxa.

Deuteronómio 13:4

Qaq nacheñita Ñim Nataxala' maye Qanatamnaxala'ai da qoquiigue qome, qataq qavio'oxoyiñi qaupaquiichiguilo naua lamaxasoxonaxaco qataq qaualaqaigueta, ỹataqta qauo'oche' naua 'ena'ape, qataq saishet da qoquiỹa'ai Ñimaye.

Deuteronómio 5:33

Nacherata da ỹataqta qoquiitegue da llecỹaxac na qami' ỹamaxaleguete Ñim Nataxala' maye Qanatamnaxala'ai, yaqto' 'onaxaic da qoyecỹaxaqui, qataq qaỹoqtec da qanachaalataxaqui da qoñiitalec ye 'alhua maye qami' ỹanema qome Ñimaye.»

Éxodo 16:4

Nache Ñim Nataxala' 'enapega so Moisés, 'eeta': «Aỹem ñanacot qome ca nallec chegoqo'ot na piguem 'eeta'am na auot. Qaq na shiỹaxauapi ỹe'eguenauga qome ca nalota'ai' da chec ye na'a'q. Aỹem sauotaique da saỹaten ca ỹoqta ỹalaxalec da iqataxac qataq ca saishet da ỹalaq.

Génesis 5:24

Qaq cha'aye so Enoc, ỹataqta queteleguete naua 'eetapegueeque Ñim Lo'onatac 'Enauacna, nache huo'o so na'a'q da choche qaiqattac, cha'aye Ñim Lo'onatac 'Enauacna, ỹauec somaye.

1 Corintios 7:17

Huo'o dam sauotaique da ỹataqta ỹaỹateeta na 'amqaanataxanaxaicpi, 'eeta': 'Enauac na ỹalleppi qataq na 'alpi, iuen da saq ỹaxanec dam lataxac co'ollaxa iỹaxana Ñim Lo'onatac 'Enauacna, da yaqto' ỹalecnoigui nam lalamaxatpi Ñimaye.

Génesis 5:21

Qaq so Enoc ivi' co'ollaxa soua sesenta y cinco vi'iye da nachaalataxac, co'ollaq ñiguiñi so llalec Matusalén.

Génesis 5:23

Qaq da ima'a't soua vi'iye da nachaalataxac, nache ivi' soua trescientos sesenta y cinco vi'iye.