Génesis 49:8 - La'aqtaqa Ñim Lo'onatac 'Enauacna 2013

⁸ Qaq 'am Judá, na 'arqaỹañecpi 'am llo'oxonnatac qome. Ca 'anpa'aguenaxauapi, qalaq choche 'auaconot qome na lana'q, qaq nam 'aralamaxat 'arqaỹañecpi 'am ỹa'aroto qome naua l-llecte.

Génesis 49:8 Referans Kwoze

Génesis 27:29

Qataq qalota qome cam shiỹaxauapi 'am do'onataxaatacot, qataq cam ỹotta'a't shiỹaxauapi 'am ỹa'aroto qome naua l-llecte. Qataq 'aulo'ogue qome ca 'aralamaxat 'arqaỹañecpi, ¡maye 'am ỹa'aroto qome naua l-llecte! Qaq ca 'am ỹasaxalec ca qauem, qalaq talec qome cam qauem, qaq ca 'am ichoxoren, qalaq talec qome ca nchoxonnataguec.»

1 Crónicas 5:2

Qaq na'aictaxa da so Judá ivira'a co'ollaxa da ỹataqta 'añaxaic, napacaleguete soua lqaỹa't, qataq ivira'a da lataxala' somaye soua lqaỹa't, qalaxaye dam 'enec cam ñalec ỹe mashe talec so José.

Josué 10:24

Qaq co'ollaq mashe qaỹaueguereua'a so Josué soua nta'al, nache somaye iỹaxaneuga 'enauac so Israel le'ecpi, nache 'enapega so lataxala'pi so alleppi maye nnaictague' somaye, 'eeta': «Qanquiquiiuo, nache qauapiiỹoto naua lqoso'oche ne'enaua nta'al.» Qaq somayepi nache ỹo'ot de'era,

Deuteronómio 33:7

Qaq da la'aqtac maye ỹanem so Judá, 'eeta': «'Am Nataxala', ñaq 'aua'axaỹa qome da lỹaxanaxac na Judá, qataq ỹalegoigui 'anqa'en qome na maiche lalamaxat lauo' le'ecpi, qataq 'auauota'a da 'ara'añaxac da 'aueelec namayepi, qataq 'autauan da delogui' ca mpa'aguenaxauapi.»

Génesis 29:35

Qaq aso Lea qaltaq huo'o so lỹa llalec, nache ỹanagui da le'enaxat Judá, cha'aye 'enapeco': «Nagui sho'oxoren Ñim Nataxala'.» Qaq co'ollaq ime de'era, nache asomaye vi'iiguet da lco'oxoc.

Apocalipsis 11:15

Nache so pa'atec soua siete namaxa'she piguem lashe', ỹashiiyigui aso lasheere, nache na piguem chemqot so ỹataqta lamaxaraic nvilỹaxac, 'eeta': «Ñim Qarta'a maye Lo'onatac 'Enauacna qataq Ñi Lca'aguishec, mashe ilo'ogue 'enauac ana 'alhua. Qaq da lo'onataxanaxac, damaye chochaq tatec.»

Apocalipsis 5:5

Qalaxaye huo'o so 'oonolec som nqueroxonecpi aỹem 'enapega, 'eeta': «Saishet da qoqueto'ot da 'anỹeetac, cha'aye Ñim talec da lo'onataxanaxac co'ollaxa so nta'a David, Ñim qaiỹaxana naxa da quiyoc lỹa maye chegoxoguet so Judá, Ñimaye mashe dauegaxan. Qaq ỹoqo'oye nachaqñita da huo'o da 'enec da nqa't naua siete na'anaxanaqtel qataq ishet da ỹauachigui ara nere.»

Hebreos 10:13

huaña, nache iuatta'a Ñim Lo'onatac 'Enauacna da nauec 'enauac nam ipa'agueetacpi Somaye.

Ezequiel 21:29

Qaq nam lauanaqchecpi qalaq saq'en qataq naua la'aqtaxanaxaco qalaq choche ashepegaxanaxaco. Ca ỹeelonec qalaq ipelecot qome na lqosot nam qauemaicpi laataxanaxaicpi. Mashe saqaỹapeque ca laloqo' cam pa'atec nhuaxanaguec.

Isaías 9:7

Camaye nso'ongui qome añi nso'onaxaqui so David, huaña nache nquictauec da la'añaxac ivitta'a da ilo'ogue 'enauac ana 'alhua, nache saishet qome da imeuo da nlagaxayec, qataq da lo'onataxanaxac ỹataqta na'atchiguiñi qome, cha'aye na'attalec da no'on qataq nalochiguiñi lataxac, qaq nache chegoqchiguiña nagui nache chochaq tatec qome. Qaq 'era da ỹo'ot qome Ñim Nataxala' maye Qaica ca Ỹaqalanapec souaxat da lta'araic lauotaxanaqtaic.

Salmos 76:1

Na lma' ye Judá ỹataqta ỹauattoota Ñim Lo'onatac 'Enauacna, qataq na lma' ye Israel ỹataqta ỹo'oxoraq naqa'en da le'enaxat Ñimaye.

2 Crónicas 30:11

Qaq ñaqaiyeta huo'o so ỹalleppi maye chegoxoguet so Aser, Manasés qataq so Zabulón da nañan, nache taỹa ye Jerusalén.

2 Crónicas 17:2

Qaq somaye ỹauo'o co'ollaxa so nalleppi, da ỹanaña so huo'o na lpaqtaxat huaqta'a't nỹecpi maye ỹotta'a't naua nañalo ye Judá, qataq ỹauo'o so lauanaxanaxanecpi da nauaatalec 'enauac ye 'alhua Judá, qataq so huaqta'a't nỹecpi maye ỹotta'a't naua nañalo ye Efraín, maye loxonec co'ollaxa so Asá, som lta'a somaye.

2 Crónicas 15:9

Qaq co'ollaq ime, nache laỹona't 'enauac so Judá le'ecpi, qataq so Benjamín le'ecpi, qataq som chegaqauecpi maye lma' co'ollaxa ye Efraín, Manasés, qataq Simeón, cha'aye qalota co'ollaxa so Israel le'ecpi maye ca'ategue so Asa, co'ollaq ila'a da Ñim Nataxala' maye Natamnaxala' hueta'aguet somaye.

2 Crónicas 14:8

Qaq so Asa, huo'o so nalleppi maye ivi' trescientos mil Judá le'ecpi, huo'o aso lpaqtaxanaqte lcat, qataq aso lataquiaxaipi, qataq so doscientos ochenta mil so Benjamín le'ecpi, maye nataqa'en huo'o aso lpaqtaxanaqtepi qataq so lchecnecpi. Qaq 'enauac se'eso alleppi ỹataqta 'añaxaicpi.

2 Samuel 24:9

Nache so Joab, ỹanem so nta'a aso le'enaxat lmalate 'enauac se'eso shiỹaxauapi maye lma' ye Israel, qaq ivi' ochocientos mil so ỹalleppi maye mashe ishet da taỹa ca alaataxac, qaq so netaña ye Judá, ivi' quinientos mil so ỹalleppi.

2 Samuel 22:41

qataq datauec 'anqa'en na namayepi. Nache ishet da ñematchiguiñi 'anqa'en na aỹem nquiỹatega.

2 Samuel 5:3

Qaq 'era da 'eetec co'ollaxa da 'enauac so nqueroxonecpi ye Israel, da nqo'ona ye Hebrón da detaxaỹapegue' so nta'a David, nache somaye naỹamaxate' co'ollaxa somayepi, ỹauaachigui naqa'en Ñim Nataxala'. Nache somayepi icorelec so aceite na lqaic so David, da yaqto' nta'a ye Israel.

Jueces 20:18

Qaq so Israel le'ecpi nqo'ona co'ollaxa ye Betel, yem huaña da inat Ñim Lo'onatac 'Enauacna, 'eeta': ¿Chaq negue't ca hua'auñi da iloquiaxan na maiche nhuo' le'ecpi maye chegoxoguet so Benjamín? Nache Ñim Nataxala' 'enapeco': Qomye hua'auñi nam Judá le'ecpi.

Números 26:22

Nache ye lcata se'eso nereguishecpi maye chegoxoguet so Judá, ivi' setenta y seis mil quinientos ỹalleppi.

Números 10:14

qaq hua'autec so alleppi maye ỹachetac aso la'anaqte nam chegoxoguetpi so Judá, qaq somayepi nache lataxala' so Nasón, som llalec so Aminadab.

Números 1:27

Nache se'eso maiche nalamaxat nhuo' le'ecpi maye chegoxoguetpi so Judá, ivi' setenta y cuatro mil seiscientos.

Génesis 46:12

Qaq soua llalqa so Judá: Er, Onán, Selá, Fares qataq so Seraj. Qalaxaye so Er qataq Onán, ileu' co'ollaxa hueraña ye 'alhua Canaán. Qaq soua llalqa so Fares: Jesrón qataq so Jamul.

Génesis 42:6

Qaq so José nacheso som ilotague' co'ollaxa yi'iye 'alhua, qataq nacheso so imeetacot na trigo 'enauac na shiỹaxauapi maye chegaqa'alo naua lỹa't nma'ate. Qaq soua lqaỹa't co'ollaq nvildeua'a somaye, nache ỹa'alyiñi naua l-llecte, qataq iviraxata'agueta naua lata'pi na 'alhua.

Números 26:20

Qaq so llalaqpi so Judá, nache chegoxogueta soua Selá, Fares qataq so Zeraj.

1 Crónicas 28:4

Qalaxaye Ñim Nataxala', maye Natamnaxala' na Israel le'ecpi, aỹem lca'ateua'a co'ollaq salectaigui so ỹaqaỹañecpi da yaqto' nache 'eetai' naqa'en da aỹem lta'a na Israel le'ecpi. Qataq Ñimaye lca'ateua'a co'ollaxa na lauo' le'ecpi so Judá da yaqto' nataxala'pi, qaq nache ỹachegoxottoigui se'eso nhuo' le'ecpi da lca'aua'a na ỹaqaỹañecpi, qataq nache aỹem ỹachegoxottoigui na ỹaqaỹañecpi da aỹem lca'ateua'a da yaqto' aỹem lta'a 'enauac na Israel le'ecpi.

Josué 15:20

Qaq 'ena nam lalamaxat 'alhuapi nam maiche nhuo' le'ecpi maye chegoxoguetpi so Judá, qataq qanaloqchiichigui ye lcata so maiche lalamaxat llalaqpi somayepi.