Génesis 49:7 - La'aqtaqa Ñim Lo'onatac 'Enauacna 2013

⁷ ¡Qauem, aja', ỹoqta 'eesa da qauem de'era nnogoxonaxa'c maye saishet da qanpaxat! ¡Aỹem selagaxatoiguilo qome daamaye, 'enauac na nhuo' Israel le'ecpi!

Génesis 49:7 Referans Kwoze

Proverbios 27:3

Na coma'pi qataq na lsoche namaye ỹataqta qapa'atta, qalaxaye ỹactec da qapa'atta da lalemataic ca qaica ca ỹaỹaanapec.

1 Crónicas 6:65

Qaq nache taalec da qoỹanem som huaqta'a't nỹecpi, maye lalamaxat so lauo' le'ecpi so Judá, Simeón, qataq so Benjamín, som huaqta'a't nỹecpi maye ỹotta'a't naua nañalo maye mashe qaỹa'axattac.

2 Samuel 13:15

Qaq co'ollaq ime de'era ỹo'ot so Amnón, nache ỹataqta nquiỹa asomaye, qaq de'era lquiỹaxanaqtaic ỹataqta napacalec da lauoche co'ollaxa asomaye. Ỹoqo'oye 'enapega, 'eeta': «¡Ñaq qoñisheguem, nache qojec!»

Números 35:8

Nache que'eca huaqta'a't nỹecpi maye ỹotta'a't naua nañalo maye ỹan qome na Israel le'ecpi da ỹanem na leviitapi, ỹachegoxotaigui qome na 'alhua maye qoỹanem da lalamaxat. Qalaxaye ca lta'araic ca na'alhua, nache lta'araic ca ỹanec, qaq ca saq 'amaqtaq ca na'alhua, nache nataqa'en saq 'amaqtaq ca ỹan 'alhua, da qoỹanalec ca huaqta'a't nỹecpi maye ỹotta'a't naua nañalo da yaqto' lalamaxat namayepi.»

Proverbios 29:22

Ca sa qaỹaloxonguit da lalemataic ỹo'ot da loquiaxac, qataq ca sancherapec camaye qalota na lsomaxac.