Génesis 49:6 - La'aqtaqa Ñim Lo'onatac 'Enauacna 2013

⁶ ¡Ỹataqta sa saỹamaxaren da ñachattaua'a ca huaña ca laỹonaxac! Cha'aye co'ollaq dalematai', nache ỹalaua't so shiỹaxauapi, qataq souaxat da ỹapacauec da no'oopashaxa'c, nache ỹacagaxa't naua lapia'ate so huaca lhuaraicpi.

Génesis 49:6 Referans Kwoze

Génesis 34:30

Qaq huaña nache so Jacob 'enapego' so Simeón, qataq so Leví, 'eeta': «Qami' aỹem qauo'ochec da lta'araic qauem. Cha'aye nagui na lma' ne'ena 'alhua, nam cananeopi, qataq na ferezeopi, aỹem nquiỹa qome. Qaq namayepi ishet da laỹona't qome da yaqto' aỹem iloquiaxan, qaq nam ñalleppi ye saq 'amaqtaq, nache namayepi aỹem ỹalauat qome, qataq na ỹalaqpi.»

Salmos 26:9

Ỹoqo'oye qom seleu nache saishet qome da aỹem 'aualecnoigui na 'etaxaloxoicpi, huo'otaq da ỹalecta'aguet da ñachaalataxac na laataxanaxaicpi,

Salmos 16:9

Qaq ỹoqo'oye ỹataqta machiguiñi añi iquiyaqte, qataq aỹem nlaqchigui da ñetonaxac. Nache 'enauac da ñachaalataxac qaica ca ndaqtaique,

2 Corintios 6:14

Saishet da qa'aitapegueua'a nam ỹo'ottacpi nam saishet da quetague' So Cristo. Cha'aye da no'on saishet da taỹapegueua'a cam qauem. Nataqa'en saishet da huaqta'a't na yo'oqchiguiñi qataq na napalaxa.

Lucas 12:19

Ime, nache maiche ntaqteguela't, 'eeta': Nagui mashe ỹataqta qalota nam ỹalamaxatpi maye saỹamaxat, namaye nalaiguilo caua saqaỹoqteguelo vi'iye. Nagui ñematec, seque'etac, ñeỹomtac, qataq samachiguiñi.›

Jeremías 15:17

Aỹem sevitta'aguet co'ollaxa da salecta'aguet nam nda'a't da iuennatega da la'ashaxac, nache chegoqchiguiña co'ollaq aỹem 'auacona da aỹem 'aralamaxat, nache aỹem 'oonolec da huo'o ye soota'a, cha'aye aỹem 'anlaxatchigui da 'arayeloxo.

Jeremías 4:19

¡Ỹataqta mashe sa ñalo'oguet da ñequi'ic! ¡Ỹataqta seuet añi iquiyaqte! ¡Saishet da ñamaañi qataq saishet da she'emaqta! Cha'aye sa'aqtega da l-lamaxa ana nasheere qataq da na'alaxac da qaỹa'alaqtalec da alaataxac.

Salmos 64:2

Aỹem 'oxocheesop na qauemaicpi, qataq nam saqcha'api maye lapaqteguiñi, aỹem 'anca'alaxateeguesop na lapaqtapiguiñi da ỹo'ot ne'ena qauemaicpi,

Salmos 57:8

Ñaq 'anlouec 'am saqcha'a ica'alaxa, ñaq qanloiuec qami' nviquepi arpa qataq salterio, cha'aye mashe ñelouec nagui da nvi' na dalaxaic na'a'q.

Proverbios 12:5

Na shiỹaxauapi no'on da lataxac lhuennataxat da ỹo'ot ca nalochiguiñi lataxac. Qaq na qauemaicpi qalaq lhuennataxat da natenataxanaxac.

Proverbios 1:11

Da huo'otaq 'am 'enapega 'eeta': «'Aỹala, qomi' 'auca'ateguelo, cha'aye sauoqtaique da sauoqo'o ca secachaqot, qataq salauataq ca qaica ca ỹauotaique.

Salmos 139:19

'Am Ñatamnaxala', 'anqat qome da nachaalataxac na qauemaicpi, 'auỹoteuga qome da sheeta 'enauac na laataxanaxaicpi,

Salmos 103:1

Aỹem semato'ot da ñachaalataxac da sho'oxoren Ñim Nataxala', qataq semato'ot da la'añaxac da ñachaalataxac da sho'oxoren dam qui'itta le'enaxat Ñimaye.

Salmos 43:5

Qaq ¿ta'ainco' taxa da seqalvi? ¿Ta'ainco' taxa da huo'o da iuogoxo? Cha'aye da ñaquitaxac mashe sacheto'ot Ñim Lo'onatac 'Enauacna, qaq Ñimaye ñaq shecto'ot da sho'oxoreetac. Ñimaye maye Ñatamnaxala' qataq ica'alaxaqui.

Salmos 42:11

Qaq ¿ta'ainec taxa da seqalvi? Qataq ¿ta'ainec taxa da huo'o da iuogoxo? Ye da ñaquitaxac mashe sacheto'ot Ñim Lo'onatac 'Enauacna, qaq Ñimaye nache shecto'ot da sho'oxoreetac. Ñim Ñatamnaxala' qataq ica'alaxaqui.

Salmos 42:5

Qaq ¿ta'ainec taxa da seqalvi? Qataq ¿ta'ainec taxa da huo'o da iuogoxo? Ye da ñaquitaxac mashe sacheto'ot Ñim Lo'onatac 'Enauacna, qaq Ñimaye nache shecto'ot da sho'oxoreetac. Ñim Ñatamnaxala' qataq ica'alaxaqui.

Salmos 30:12

Ỹoqo'oye 'Am Nataxala' maye 'Am Ñatamnaxala', aỹem saishet da nache 'eetai' da she'emaqtom, aỹem so'onaxan da yaqto' 'am sho'oxoren, qataq nache 'eetai' da 'am saatacot da ña'achecỹaxac.

Salmos 28:3

Saishet qome da aỹem 'auauecta'a da aỹem 'aualecnoigui na qauemaicpi, qataq na ỹo'ottac na qauemsat nam choche ỹachaxaatac naxa da lauotaxanaqtaic, qalaxaye choche ỹoxottañi 'enauac na qauemsat.

Salmos 5:10

'Am Ñatamnaxala', ñaq 'auauo'o ca nhuaxanaguec namayepi, qataq saipaigui 'anqa'en nam qauemsat maye lapaqteguiñi, qataq 'auamaqauec souaxat na qalota lasouaxashetpi, cha'aye namayepi 'am dataỹa'aguet.

Salmos 1:1

Ỹataqta machiguiñi ca shiỹaxaua maye saishet da quegue da lqataxac na qauemaicpi, qataq saishet da quegue da llec na 'etaxaloxoicpi, qataq saishet da ỹalectegoigui na 'enaxanaxaicpi,

Jueces 5:21

nache so ỹataqta chaxaguet la'auaxac som togoshaapec la'auaxac Cisón, ỹa'auatec naqa'en somaye qataq so nalleppi. ¡'Am, qalaq 'aupataxa't ana lqoichiqui so 'añaxaicpi!

Deuteronómio 27:24

Ỹataqta qauem qome ca talec nhuaxanaguec ca shiỹaxaua da ique'elaxat ca lỹa da ỹalauat. Nache 'enauac qome na nhuo' le'ecpi, 'eeta': Aja', nache 'eetec.

Josué 11:9

Nache so Josué ipacchigui da ỹo'ot 'enauac nam damaxasoxoolecpi co'ollaxa Ñim Nataxala', cha'aye ichiiguilo naua lapia'ate so lalo caipi so mpa'aguenaxauapi, qataq ỹavigaxat aso nalaataxaquipi laigonapi somayepi.

2 Samuel 8:4

Nache so David, loxonec co'ollaxa so mil setecientos alleppi maye netalec so caipi, qataq veinte mil so petañepi, qataq ỹacagaxat co'ollaxa na lapia'pi so caipi maye ỹauecta'aguet aso alaataxaquipi laigonapi, qalaxaye qalota so no'onaxatañipi da yaqto' ỹaueca'aguet aso cien laigonapi.

1 Crónicas 18:4

Qaq so David, ỹacona aso cuatro mil alaataxaquipi naigonapi, qataq loxonec so siete mil alleppi maye netalec so caipi, qataq veinte mil alleppi maye petañepi, nataqa'en ỹacagaxat na lapia'pi so caipi maye lauegaxala' aso alaataxaquipi naigonapi, qaq nacherata da no'onaxatañi so laỹepi caipi da yaqto' lauegaxala' aso cien naigonapi.