Génesis 49:3 - La'aqtaqa Ñim Lo'onatac 'Enauacna 2013

³ 'Am Rubén, maye nache'am ỹe ỹalec, 'am ỹa'añaxac, qataq nache'am la'auaxanec ỹa'añaqteguishec, 'am la'auaxanec da ño'oxoyec, qataq 'am la'auaxanec da na'añaxac.

Génesis 49:3 Referans Kwoze

Salmos 78:51

qataq ileu naqa'en so la'auaxanec llalec so lma' ye Egipto so hua'auchiguiñi la'auaqteguishec llalec, co'ollaq huaña na lanataxaquipi namayepi ye Cam.

Deuteronómio 21:17

Nache camaye huo'o naq 'enec naqa'en qome que'eca llalec maye ỹoqta 'eesa la'auaxanec llalec, qataq ỹactec qome ca ỹanem lsallaxa camaye, cha'aye 'itchiguiñi da ỹoqta 'eesa la'auaxanec llalec.

Salmos 105:36

Qataq ỹo'otec da l-leuaxa som la'auaxanec llalaqpi so Egipto le'ecpi, som la'auaxanec llalaqpi som chegoxoguetpi somayepi.

Génesis 29:32

Qaq aso Lea hualaxai co'ollaxa, nache huo'o so llalec, nache ỹanagui da le'enaxat Rubén, cha'aye 'enapeco': «Ñim Nataxala' ila'a co'ollaxa da saquicota. Qaq ỹoqo'oye nagui so ihua aỹem ỹauotec qome.»

1 Crónicas 5:3

Qaq soua llalqa so Rubén, som llalec ỹe so Israel, le'enaxa't Hanoc, Falú, Jesrón qataq so Carmi.

1 Crónicas 5:1

Som chegoxoguetpi so Rubén, maye llalec ỹe so Israel. So Rubén nacheso so la'auaxanec llalec so Israel, qalaxaye iqataqchet dam 'enec ca na'auaxanec ñalec souaxat da huetapeeguet co'ollaxa aso lhua lỹa so lta'a somaye, qaq de'era 'enec cam na'auaxanec ñalec, qaỹasaxaleguete soua llalqa so José, som llalec lỹa so Israel.

1 Crónicas 2:1

'Ena na le'enaxatpi som llalaqpi co'ollaxa so Israel: Rubén, Simeón, Leví, Judá, Isacar, Zabulón,

Números 1:20

Nache so llalaqpi, qataq so chegoxoguetpi so Rubén, maye la'auaxanec llalec so Israel, qoỹiyiñi 'enauac na le'enaxatpi so ỹalleppi, maye maiche nalamaxat nhuo' le'ecpi, maye ivi' qataq napacalec naua veinte vi'iye da nachaalaxataxac, maye mashe ishet da taỹa ca alaataxac.

Números 26:5

So Rubén maye la'auaxanec llalec so Israel, 'esoua soua llalqa: Enoc, Falú,

Génesis 48:18

qaq nache 'eetega so lta'a, 'eeta': «¡'A'i, 'am ita'a, sa ỹaỹamaxañi da qonetec de'era! 'Ena na ỹe, qaq ỹashel-lec 'anaqa'en na 'arhuaq 'oiguishec na lqaic namaye.»

Génesis 46:8

Qaq 'ena nam le'enaxatpi so Israel llalaqpi maye taỹa co'ollaxa ye Egipto, qaq damaye 'eeta': So Jacob qataq som chegoxoguetpi: So Rubén maye la'auaxanec llalec so Jacob.

Apocalipsis 3:14

'Auauo'o nataqa'en aca 'ere, ime nache 'auamaxa ñi namaxashec maye ilotague' nam ỹa'amaqten So Jesús maye netaña ye nỹecpi ye Laodicea. Qoneta': ¡Aỹem maye ỹe'enaxat da 'Eesa! Qaq ỹe'enaxat de'era, cha'aye sapaxaguenataxaateguec da 'eesa na'aqtaguec Ñim Lo'onatac 'Enauacna, qaq saishet da satenataxaatac. Qataq chegoqchigui Aỹem da Ñim Lo'onatacna ỹo'ot 'enauacna. Ñaq 'ana'axaỹaxana dam 'am sa'axatem:

Deuteronómio 33:6

Qaq 'era co'ollaxa da la'aqtac so Moisés, maye talec naqa'en so chegoxoguetpi so Rubén, 'eeta': «¡Nache 'eetai' qome so Rubén! ¡Qataq saishet qome da imeuo, na'aictaxa da saq 'amaqtaq na nalleppi!»

Génesis 35:22

Nache so Israel co'ollaq mashe netaña se'eso 'alhua, nache so Rubén lauañe' co'ollaxa aso Bilá, asom ỹaqauga lhua so lta'a. Qalaxaye so Israel ỹaỹaten co'ollaxa de'era. Qaq soua llalqa so Jacob soomaye ivi' doce.

Génesis 35:23

Qaq soua llalqa aso Lea, le'enaxat da Rubén so la'auaxanec, qataq jec so Simeón, Leví, Judá, Isacar qataq so Zabulón.

Deuteronómio 27:13

qaq na maiche nhuo' le'ecpi maye chegoxoguet so Rubén, Gad, Aser, Zabulón, Dan qataq so Neftalí, nache hueto'ot qome añi qasoxonaxa Ebal da yaqto' ỹan ca qauem la'aqtac.

Ezequiel 48:6

Qaq so Rubén huo'o qome ca taỹot chegoqchiguiña ye loga't ye na'alhua so Efraín, chegoqchiguiña ye pa'aỹa'ague da nala' lliguisheguem, nache ivira'a ye loigue aso auaxai.