Génesis 49:18 - La'aqtaqa Ñim Lo'onatac 'Enauacna 2013

¹⁸ ¡'Am ỹataxala', seuatta'aguet da aỹem 'anca'alaxatec!

Génesis 49:18 Referans Kwoze

Salmos 119:174

'Am Nataxala', huo'o da iyaxa da saconeguet ca 'arca'alaqtaxanaxac, cha'aye naua 'arqataxaco ỹo'ot da samachiguiñi.

Salmos 119:166

'Am Nataxala', aỹem seuatta'aguet ca 'arca'alaqtaxanaxac, cha'aye so'otta'ape naua 'aramaxasoxonaxaco.

Miqueas 7:7

Aỹem, qalaxaye seuata'aguet qome Ñim Nataxala', qataq sacheto'ot da ñaquitaxac Ñim Lo'onatac 'Enauacna maye ica'alaxaqui, cha'aye Ñimaye aỹem hua'axaỹa qome.

Isaías 25:9

Qaq que'eca na'a'q qoỹenapec qome: «'Eñi Ñim Qanatamnaxala', Ñimaye sepi'iỹaqa'a nache Ñimaye qomi' nca'alaxatrec. Nache qaramachiguiñi qataq ñetonaqtapigui', cha'aye Ñimaye qomi' nca'alaxatrec.»

Salmos 130:5

Aỹem, ỹataqta imauec da ñachaalataxac da seuatta'aguet Ñim Nataxala', qataq ỹataqta sepi'iỹa'alo naua la'aqtaqa.

1 Ts 1:10

Nataqa'en namayepi ỹaỹaten da qami' qauacheeta'aguet So Jesucristo qom ñe'eguelaq da chegoxogue da piguem. Ñim Lo'onatac 'Enauacna nca'aleeguesop naqa'en da l-leuaxa Somaye co'ollaxa yaqto' qomi' nca'alaxateeguesopa da nhuaxanaguec na 'etaxaloxoicpi ca pa'atec na'a'q qom nmitna Somaye.

Lucas 2:30

Cha'aye aỹem ñema'ai' nagui da ñelota'ai' nam Nca'alaxaqui,

Lucas 2:25

Qaq se'eso na'a'q hueta'a ye nỹecpi le'enaxat Jerusalén so ỹale le'enaxat Simeón. Somaye ỹataqta no'on da lataxac qataq ỹalaxaguet Ñim Lo'onatac 'Enauacna. Somaye iuattaique da Ñim Lo'onatac 'Enauacna nca'alaxatec na Israel le'ecpi. Qaq So Saqcha'a Na'añaxac Qui'itta, nache hueta'aguet somaye.

Lucas 1:30

Nache se'eso namaxashec 'enapeco': –María, 'am saishet da 'añi'i, cha'aye Ñim Lo'onatac 'Enauacna ỹataqta 'am tatelec da lqouagaxanaqtaic.

Mateo 1:21

Qaq añimaye qom ñiguiñi ca llalec. Qaq 'am nache 'aỹa'anagui da le'enaxat Jesús. Cha'aye nca'alaxateeguesop qome da nhuaxanaguec na lalamaxatpi souaxat na lasouaxashetpi.

Lamentaciones 3:25

Ñim Nataxala', ỹauotec cam ỹataqta pi'iỹa'a Ñimaye, qataq cam ỹataqta nmitaique Ñimaye.

Salmos 85:7

'Am Nataxala' ñaq qomi' 'auachaxanalo da 'arauotaxanaqtaic, qataq qomi' taleguete 'anqa'en da 'arca'alaqtaxanaxac.

Salmos 40:1

Aỹem ỹataqta semato'ot da ñaquitaxac Ñim Nataxala', qaq Ñimaye hua'axaỹa da iỹaxanaxac,

Salmos 14:7

'Onaxaictoxo' da chegoqchiguiña añi qasoxonaxa ye Sión ca lca'alaxa na Israel le'ecpi. Qom ivita ca na'a'q da Ñim Nataxala' qaltaq ỹanem ca no'on llecỹaxac na lalamaxatpi, huaña qome nache ỹataqta machiguiñi na chegoxoguetpi so Jacob, 'enauac na lalamaxatpi somaye maye da lỹa le'enaxat Israel.

Gálatas 5:5

Qalaxaye qomi' som Saqcha'a Na'añaxac ỹataqta 'itchiguiñi naqa'en da Ñim Lo'onatac 'Enauacna qomi' ỹaconegueta, cha'aye huo'o da qarpi'iỹaxac So Cristo.

Romanos 8:25

Qalaxaye da huo'o ca seuataqtaique da saxanaxa da selaqa'a, nache iuen da huo'o da qarhualaxavic da seuataqtaique.

Romanos 8:19

'Enauac nam lo'onatacpi Ñim Lo'onatac 'Enauacna iuatta'a qataq ỹataqta lta'araic da lachetataic, da Ñimaye 'enauac qomi' ỹachaxanalo na huetalec ana 'alhua da ỹataqta qomi' llalqa.

Lucas 23:51

Se'eso José, somaye iuattaique da saqaỹaloq da yo'oq da lo'onataxanaxac Ñim Lo'onatac 'Enauacna. Qaq somaye saishet co'olloxocheye da ỹaỹamaxaren dam ỹo'ot som maiche laỹepi nta'alpi.

Marcos 15:43

Nache huo'o so ỹale le'enaxat da José maye lma' ye nỹecpiolec le'enaxat Arimatea. Somaye ỹataqta saq ñi'iỹa so Pilato da dequiguiỹaua'a so lo'ocỹaxac So Jesús. So José somaye ỹalectaigui so 'amaqtaqaicpi maye nmit da huo'o ye nasouaxashet. Nataqa'en somaye nqouagaxaueetac naxa da yaqto' da lo'onataxanaxac Ñim Lo'onatac 'Enauacna saqaỹaloq da yo'oq.

Isaías 36:8

Qaq 'am Ezequías, no'on da 'anaỹamaxate' ñim ña'aco' maye nta'a ye Asiria. Nache aỹem 'am sanem ca dos mil caipi, da 'auanata cam ishet da nelec camayepi.

Isaías 33:2

'Am Nataxala' ña qomi' 'auchoxore'n qome, cha'aye nache 'Am seuataqtaique. Qaq nache 'Am qome qomi' 'autauaata'ape ye nte'eta, qataq 'Am qarca'alaxaqui qom huo'o ca qarhuogoxo.

Isaías 8:17

Qaq Ñim Nataxala' na'aictaxa da nqañoxocheesop na lauo' le'ecpi so Jacob, qalaxaye aỹem sa'amaqteetac Ñimaye, qataq sacheto'ot da ñaquitaxac.

Salmos 123:2

'Eeta'am ca nlatac da ilochiguilo naua lhuaxaye ca na'aco', qataq 'eeta'am aca nlata da ilochiguilo naua lhuaxaye aca na'acoro, qaq nache 'eeteque naua qara'a'ite da ỹamatto'ot Ñim Nataxala' maye Qanatamnaxala', choche ivitta'a da qomi' ichoxore'n.

Salmos 119:41

'Am Nataxala', aỹem 'anamaxa qome ca 'arauotaxanaqtaic, qataq ca 'arca'alaqtaxanaxac, cha'aye nachera da 'auachaxanapec co'ollaxa.

Salmos 62:5

Ñim Lo'onatac 'Enauacna nacheñita da nlletañi da ñachaalataxac, cha'aye Ñimaye nache chegoqo'ot da ñaquitaxac.

Salmos 62:1

Ñim Lo'onatac 'Enauacna nacheñita da nlletañi da ñachaalataxac, cha'aye Ñimaye nache chegoqo'ot da ica'alaxa.

Isaías 30:18

Qalaxaye Ñim Nataxala' qami' iuatta'alo, da yaqto' qami' ichoxore'n, Ñimaye ỹataqta huo'o da lyaxa da qami' ỹachaxanalo da lsoxoyec, cha'aye Ñim Nataxala' ỹataqta no'on da lataxac. Qaq ỹataqta machiguiñi qome 'enauac nam pi'iỹa'a Ñimaye.

Génesis 49:17

Da Dan qalaq 'eeta'am qome ca na'araxanaq maye hueto'ot na loigue ca nqa'aic, da ishet da inaiguilo naua nqonacamo ca caaỹo, nache ỹanataqchiiñi cam netalec.

Éxodo 15:2

Qaq da ỹo'onec sanot Ñim Nataxala', cha'aye Ñimaye nacheñi ñi ỹa'añaxac qataq ica'alaxa. Ñimaye nacheñi Ñim Ñatamnaxala' maye Lo'onatac 'Enauacna, qaq ỹoqo'oye sho'oxoren, Ñimaye nacheñi Ñim Natamnaxala' so ita'a, qaq ỹoqo'oye lta'araic da ỹo'oxonnataxanaxac Ñimaye.

Proverbios 14:32

Ca qauemaic qalaq nlaxaañi da maiche lle'etaxaloxo, qaq ca ỹale no'on da lataxac qalaq npaxaalec da maiche ño'oxonnataguec.

Oseas 12:7

«Na Canaán le'ecpi, qalaq do'ogoxootega ana laloqnaxanaxaqui maye saipaigui ye lcata da huo'o na naloqten, cha'aye nqopita da decachiỹot na laỹepi.