Génesis 49:15 - La'aqtaqa Ñim Lo'onatac 'Enauacna 2013

¹⁵ Co'ollaq ila'a so 'alhua da ỹataqta 'onaxaic qataq ỹaỹamaqchiguiñi da mataqa', nache ica'amaxachigui na l-laq da ỹache so lla'ac, nache qaica ca la'aqtac da nañaneguet da nlatac.

Génesis 49:15 Referans Kwoze

Mateo 23:4

Cha'aye namayepi ỹauo'o na damaxasoxoolec ỹataqta alaqaic da ishet da qaipaqueelec, qalaxaye saishet da ỹo'ot ca qapio'olec na'añaxataxac da yaqto' ishet da ipaqueelec namayepi.

Ezequiel 29:18

«Ñi Nabucodonosor maye nta'a ye Babilonia, lỹatac na nalleppi, ỹataqta ỹauo'o da na'añaxataxac da iloquiaxan ye Tiro, nache ivira'a da ñeuec na laue, qataq toccheguilo naua lallaco, qalaxaye ñimaye qataq na nalleppi, qaica ca ỹachegoxotaigui da l-loquiaxanataxanaxac co'ollaq iloquiaxan ye Tiro.

Salmos 81:6

«'Am ñeqateeguesop so 'aya'ac maye huetaleguete naua 'arallaco, qataq naua 'arhuaxaye da yaqto' saqallegueme da ỹache na qapa'atta.

2 Samuel 7:1

Qaq so David co'ollaq mashe netaigui so lma' lta'araic, qataq Ñim Nataxala' mashe nmane' naqa'en somaye 'enauac so mpa'aguenaxauapi maye lauoreuapi,

Jueces 3:11

Qaq co'ollaq ime de'era, nache ỹataqta huo'o da nlagaxayec se'eso 'alhua imattrec soua cuarenta vi'iye, ivitta'a da ileu so Otoniel.

Josué 14:15

Qaq da hua'auchiguiñi le'enaxat co'ollaxa ye Hebrón, Quiriat Arbá maye naigui da «Lma' so Logoraic Shiỹaxaua», cha'aye de'era ne'enaxat Arbá, nache le'enaxat so hua'au lta'a so anaquiitapi, so shiỹaxauapi maye logoraicpi qataq 'amaqtaqaicpi. Qaq co'ollaq ime de'era, nache 'enauac se'eso 'alhuapi huo'o da nlagaxayec.

Génesis 49:14

Qaq da Isacar qalaq 'eeta'am qome ca shiguiỹac notaxala' maye nmataqa' ca lquia'aqa'.

Génesis 49:16

Qaq da Dan qalaq ilo'ogue qome na maiche lalamaxat lauo' le'ecpi, 'eeta'am na laỹe llalaqpi na Israel.

Proverbios 12:24

Ca do'onataxaatac qalaq ishet da damaxasoxonapec, qaq ca hualaic qalaq choche qailattac.

Isaías 31:8

Nache ye Asiria noxonec qome qairolec ca ỹeelonec, qalaxaye saishet da nacheca ca yo'oqchigui la'añaxac ca shiỹaxaua. Nam shiỹaxauapi qalaq dataueeguesop qome ca alaataxac, qalaxaye noxonec qome na nalleppi nsoxoppiolec nache qaỹauo'o nlatacpi,