Génesis 49:10 - La'aqtaqa Ñim Lo'onatac 'Enauacna 2013

¹⁰ Qaica qome ca ishet da deuotaxanec da lamaxasoxonaxac da Judá qataq da lamaxasoxonaxat npon maye nasoqta'a, choche ivitta'a da nvi' cam lalamaxat de'era pon, cam ỹataqta ỹalaxaguet qome na nhuo' le'ecpi.

Génesis 49:10 Referans Kwoze

Números 24:17

Aỹem huo'o da selota'a qalaxaye ñaq natauo, selota'a qalaxaye ñaq qaỹoqtaique, anamaye, huaqaañi maye chegoxoguet so Jacob, nta'a maye nachaañi qome chegoqtoigui na Israel. Nache ilaxachigui qome ye Moab qataq nlaxaañi na llalaqpi so Set.

Isaías 9:6

Cha'aye ñiguiñi qome ca nogotolec, Ñim Lo'onatac 'Enauacna qomi' ỹanema ca 'oonolec llalec, qaq camaye qoỹanagui qome da la'añaxac da nta'a, qataq qoỹanagui qome ne'enaua ne'enaqa'ate: Qaỹa'aalaque naua lqataxaco, Lo'onatac 'Enauacna maye 'añaxaic, Nta'a maye chochaq tatec, qataq Chegoqchigui da nlagaxayec.

Isaías 42:1

«'Ena na ỹamaxashec maye ñasoqtañi, nam ica'aguishec maye saỹamaxareeta, namaye sanagui so Saqcha'a ỹa'añaxac da yaqto' nda'a ca nalochiguiñi lataxac na ỹotta'a't shiỹaxauapi.

Salmos 60:7

Ye Galaad qataq Manasés yeemaye ỹalamaqa'ate, qaq ye Efraín 'eeta'am aca aro'o maye ỹapotalec na iqaic. Qaq ye Judá qalaq 'eeta'am ca ñepon da samaxasoxonapec.

Isaías 33:22

Cha'aye Ñim Nataxala' nacheñi Ñim qomi' ỹauecta'agueta nacheñi Ñim qomi' ilotegueto qataq nacheñi Ñim qarta'a. Qaq Ñimaye nacheñi ñim qomi' nca'alaxatrec qome.

Zacarías 10:11

Qataq ỹa'axasoxongui qome aye auaxai ye Egipto, qaq Aỹem ñepaxateguet ana lapaxa. Qataq seqaxaỹaxat qome aso tala Nilo, nache selaxachigui da na'amqaanaxac ye Asiria, qataq nache tachiguiña ñaqa'en da la'añaxac ye Egipto.

Ezequiel 21:27

Qaq 'enauac qome da nlachiguiñi ne'ena huaqta'a't nỹecpi, nache 'enauac imeuo qome. Qaq de'era yo'oq qom ivita ca laloqo' da anac cam sepataxalec da ỹo'ot cam nalochiguiñi lataxac.

Apocalipsis 11:15

Nache so pa'atec soua siete namaxa'she piguem lashe', ỹashiiyigui aso lasheere, nache na piguem chemqot so ỹataqta lamaxaraic nvilỹaxac, 'eeta': «Ñim Qarta'a maye Lo'onatac 'Enauacna qataq Ñi Lca'aguishec, mashe ilo'ogue 'enauac ana 'alhua. Qaq da lo'onataxanaxac, damaye chochaq tatec.»

Romanos 15:12

Nataqa'en so na'aqtaxanaxanec le'enaxat Isaías ỹiyiñi da la'aqtac Ñim Lo'onatac 'Enauacna, 'eeta': «'Oonolec qome ca chegoxoguet ñi Jesé da nachaañi qataq huo'o da la'añaxac. Camaye ilo'ogue qome na ỹotta'a't shiỹaxauapi; nache namayepi 'oonolec da pe'etega camaye.»

Juan 12:32

Qaq qom ivita da Aỹem qaiuaxaneguet ca ñepe'enaxaqui, nache huaña qome, nache so'otec da 'enauac Aỹem qaỹa'amaqten.

Zacarías 2:11

Qaq qom nvi' que'eca na'a'q, nache qalota qome na ỹotta'a't shiỹaxauapi nam quegue Ñim Nataxala'. Nache Ñimaye 'enapec qome: ‹Ne'ena ỹotta'a't shiỹaxauapi nataqa'en ỹalamaxatpi. Qaq Aỹem nache qami' sootanguilo qome.›» Qaq huaña qome, nache qauaỹacheñi da Ñim Nataxala' maye Qaica ca Ỹaqalanapec nacheñi ñi aỹem namaq.

Jeremías 30:21

Nache namayepi chegoqtoigui qome cam lataxala' ca 'oonolec namayepi ilo'ogue qome namayepi, Camaye Aỹem nquigueua'a qome qaq camaye nache huetaua'a qome na ỹaỹe, cha'aye ¿negue't ca sairen da nachaalataxac da nquigueua'a Aỹem? Qaq 'era da ỹa'aqtac Aỹem Nataxala'.

Isaías 11:10

Qaq qom ivita que'eca na'a'q, nache aca llaxataxa se'eso lpa'a' maye nacheso so Jesé, nachaañi qome 'eeta'am da la'anaqte na nhuo' le'ecpi, nache na ỹotta'a't shiỹaxauapi jec qome da nmittaique, qaq cam hueta'a camaye qalaq ỹataqta huo'o qome da llo'oxoyec.

Juan 19:15

Qalaxaye somayepi ỹa'alaqtagui, 'eeta': –¡Qaỹalauat qome damaye! ¡Qaỹalauat qome damaye! Qataq ¡qaiuaxaneuo qome! Nache so Pilato 'enapeco': –¿Peta'a isheto' da aỹem seuaxaneuo dam qarta'ai? Qalaxaye som lataxala'pi na ntaxaỹaxanaxanecpi 'enapeco': –Qomi' qaica ca lỹa qarta'a, nachaqñita ñim lta'a na nta'alpi maye neta'ague da Roma.

Mateo 1:21

Qaq añimaye qom ñiguiñi ca llalec. Qaq 'am nache 'aỹa'anagui da le'enaxat Jesús. Cha'aye nca'alaxateeguesop qome da nhuaxanaguec na lalamaxatpi souaxat na lasouaxashetpi.

Isaías 62:11

Ñim Nataxala' ỹa'axata'a de'era ivira'alo naqa'en naua loga'te ana 'alhua: «Qaua'aqtaxañim qome ye huaqta'a't nỹecpi ye Sión, da mashe nvi' na lca'alaxaqui. Ñim Nataxala' ñe'eguelaq naqa'en nam lalamaxat nhuo' le'ecpi co'ollaq mashe ime da nca'alaxatec.»

Oseas 11:12

Na Efraín qalaq aỹem coleesop naqa'en na latenataxanaxacpi, qaq na Israel le'ecpi qalaq aỹem coleesop naqa'en nam saq 'enpi. Qaq na Judá, qalaq ca'ai Ñim Lo'onatac 'Enauacna, qaq nagui ỹataqta ỹalaxaguet nam ỹaqa'a atamnaxala'pi.

Isaías 60:1

'Am Jerusalén, ña qoñesheguem nache 'am 'eroigui, cha'aye mashe nvi' na 'arcoỹaraxanaxat, qaq da llo'oxoyec Ñim Nataxala' 'eroigui da 'am icoỹattalec.

Isaías 2:2

Que'eca pa'atec na'a'q, nache añi qasoxonaxa añim netalec añi atamnaxaqui maye lalamaqte Ñim Nataxala', añimaye ỹataqta qaỹoqotcheguemec qome, napacalec aca camachaqaca lỹa qasoxonaxa. Nache 'enauac qome na ỹotta'a't shiỹaxauapi da taỹa añimaye.

Salmos 108:8

Aỹem ỹalamaxat ye Galaad qataq ye Manasés, qaq ye Efraín 'eeta'am aca lapoqte na iqaic, qaq ye Judá qalaq 'eeta'am aca ỹashelte.

Números 21:18

¡So nataxala'pi ỹauota'a aso lasheltepi co'ollaq nshettac qaq so nta'alpi qalaq ỹauota'a so npon co'ollaq ỹauangui añimaye!» Nache somayepi chegoqchiguiña co'ollaxa ye toolec 'alhua, da taỹa ye Mataná,

Mateo 25:32

Qaq 'enauac nam ỹotta'a't shiỹaxauapi maye netalec ana 'alhua, anac da nachaateua'a Aỹem, nache seỹotauga na qauem da lataxac da saishet da ỹalectaigui ñaqa'en nam no'on da lataxac, 'eeta'am ca ilotague' ana qagueta da iỹotauga ana quetaq da saishet da ỹalecta'aguet naqa'en anamayepi.

Mateo 21:9

Nache 'enauac nam shiỹaxauapi maye hua'auta qataq nam nca'ataxaatauo ỹataqta ỹa'alaqtagui, 'eeta': «¡Qomi' 'anca'alaxatre'c, 'am maye 'am Lca'aguishec Ñim Lo'onatac 'Enauacna! ¡Ỹataqta no'on da 'icỹaxac 'am maye 'auanactaigui da le'enaxat Ñim Lo'onatac 'Enauacna! Qomi' 'anqouagueque, ¡qomi' 'anca'alaxatre'c, 'am maye 'Aro'onatac 'Enauacna qataq 'am 'amaqtaqaic!»

Mateo 17:5

Qaq co'ollaq ña detaqtac so Pedro, nache anac so lo'oc na piguem ỹataqta 'eroigui. Ipelteeleguete soomaye. Nache se'eso lo'oc chemaqtoigui so na'aqtac, 'eeta': «'Era dam Ỹalec maye ỹataqta ỹauotaxat, damaye ỹataqta ñetootapeguec, qaq qami' iuen da ỹataqta qana'axaỹaxañiỹa damaye.»

Hageo 2:7

Qataq cholaxan ñaqa'en 'enauac na ỹotta'a't shiỹaxauapi, huaña qome nache namayepi ndouo 'enauac da lsallaxa, nache añi atamnaxaqui maye ỹalamaqte ỹataqta nlaqchigui qome da llo'oxoyec.» Qaq Ñim Nataxala' maye Qaica ca Ỹaqalanapec 'enapec:

Daniel 9:25

Qaq iuen da 'auaỹaten qataq 'auaỹateeteguet de'era, 'eeta': Chegoqchiguiña qome cam laloqo' da qaỹamaxasoxoolec da qañe'eguelaxatsheguem qataq da qaltaq qano'oxoosheguem ye Jerusalén, nache ivitta'a ca lviraxac cam nataxala' maye nca'aguishec, nache ỹapacrauec qome caua siete semanas, qataq ca nqa'aicpi qataq ca npaqtaxanaxatpi maye qaltaq qano'oxoosheguem qome ye Jerusalén qalaq huetaiguilo caua sesenta y dos semanas, qalaxaye huaigui qome ca lta'araic naquicoxo.

Ezequiel 19:14

Qaq ana lcouepi qalaq chegaqaigui so norec, maye ỹavigaxat ana llaxataxapi qataq ana alapi. Nache qaca aca no'onañi aso qaramta lcouepi da yaqto' ivira'a da lashelte na nta'alpi.» (Qaq 'era da no'onec maye qaỹo'on da huo'o ca ileu.)

2 Corintios 5:10

Cha'aye 'enauac qome qomi' ñachaataxaua'a So Cristo, cha'aye nacheso so nmit cam qaro'onataxanaxac co'ollaxa da ña ñachaataqtaigui da qaro'ocỹaxac, qataq nacheso som chegoqtot ca la'aqtac da qomi' qoỹanema ca no'on qaraueguec, huo'otaq ca qanhuaxanaguec.

Juan 19:12

Huaña, nache so Pilato nmittaique ca lataxac, da yaqto' ishet da isouec So Jesús, qalaxaye na judiopi ỹataqta ỹa'alaqtagui, 'eeta': –¡Da 'am 'ausouec damaye, nache saishet qone' da 'anauochaxaua ñim lta'a na nta'alpi maye neta'ague da Roma! ¡Cha'aye camachaqca ca huotaique da maiche ỹoiqueetac ca ỹo'ot da 'eetega da nta'a, nache camaye npa'aguenaxaua ñim lta'a na nta'alpi!

Juan 18:31

Nache so Pilato 'enapego' somayepi, 'eeta': –Damaye qauaviqui, nache qauroilec nam namaxasoxonaxacpi maye qami' qoỹanema co'ollaxa da maiche qanmichi. Nache somayepi 'enapeco': –Qalaxaye qomi' judío lashe' saishet da huo'o ca qana'aqtac, da yaqto' huo'o ca salauataq.

Ezequiel 19:11

Nache ana lcouepi ỹataqta qaramta, nache ivira'a da lashelte na nta'alpi, qaq asomaye ye ỹataqta nquittasheguem, nache ivirasheguema na lo'oc na piguem, qaq ỹataqteguet qanqa'en souaxat da lalogaxa qataq souaxat ana qalochiguiñi lcouepi.

Juan 9:7

Nache 'enapega somaye, 'eeta': –'Aue qome, 'anỹo, 'anqo'onaxaama añi laỹe' na 'etaxat le'enaxat Siloé. Nache se'eso qanamaic jec da nỹo. Qaq co'ollaq ñe'eguelaq, nache nauaachiguiñi.

Deuteronómio 28:57

cha'aye ỹauotaique da sa lquia'axau' da chec cam ñiguiñi llalec, qataq aca lhue camaye, nacherata da ỹoxotchiguiñi da chec, cha'aye qaica qome ca nallec qom ñaq iloquiaxaatac ca 'aralamaxat huaqta'a't nỹecpi ca 'ampa'aguenaxauapi.

Jeremías 33:26

saishet da sasaỹamaxaren qome nam chegoxoguetpi so Jacob qataq so David maye ỹamaxashec, qataq saishet da saxaañi da sachegoxotaigui namayepi cam ilo'ogue nam chegoxoguetpi so Abraham, Isaac qataq so Jacob. Cha'aye Aỹem huo'o da ichoxonnataxanaxa namayepi, nache so'ot qome da dalaxaic ca na'achecỹaxac.»

Números 24:19

Qaq que'eca doxonaxan qome camaye chegoxoguet so Jacob, nache camaye nlaxaañi qome na no'onañipi que'eca huaqta'a't nỹecpi.»

2 Samuel 7:13

Nache camaye nacheca qome ca no'oxoosheguem que'eca nỹec da yaqto' huaña da Aỹem qanatamnot, qaq camaye sanagui da nache 'eetai' qome da nta'a.

2 Samuel 7:16

Na 'aỹa'alaqpi, qataq da 'aro'onataxanaxac da 'am nta'a, damaye nache 'eetai' qome. Qataq aca 'anso'onaxaqui da 'am nta'a, qaica ca iraxanapigui'.›»

1 Crónicas 12:24

Qaq som nhuo' le'ecpi maye chegoxoguetpi so Judá, ivi' seis mil ochocientos ỹalleppi, maye huota'a aso lpaqtaxanaqtepi qataq aso lataquiaxaipi, nache lhuotta da nalat.

1 Crónicas 12:39

Qaq tres soua na'axa'te da hueta'a ye netaña so David, da deque'etac qataq nỹomtac, cha'aye som lauo' le'ecpi somayepi, iqataxanai' co'ollaxa so aloq.

Salmos 60:9

¿Negue'tom ca ishet da aỹem ỹauegueua'a ye huaqta'a't nỹecpi maye huo'o na lpaqtaxat? ¿Negue't ca aỹem ỹachaxana ca nqa'aic maye taỹaua'a ye Edom?

Salmos 78:68

Qalaxaye lca'ateua'a co'ollaxa na nhuo' le'ecpi maye chegoxoguetpi so Judá, qataq añi lauotaqte qasoxonaxa ye Sión.

Isaías 55:3

Ñaq Aỹem qauanaiua'a nache qana'axaỹaxañiichiguiñi, Aỹem qana'axañiỹa nache qanca'alleeuec. Aỹem so'ot qome cam chochaq tatec ñaỹamaxataxac da qami' ñaỹamaxateto, yaqto' sepaqueelec dam sachanapeguem co'ollaxa so David, souaxat da ỹauotaxanaqtaic somaye.

Ezequiel 21:32

Nache 'am ỹavicta qome qataq 'am dolachigui, na 'artago'q qalaq laguelec qome 'enauac ne'ena 'alhua, qaq nache qaica qome ca 'am iuennatega. Qaq 'era da ỹa'aqtac Aỹem Nataxala'.»

Miqueas 5:1

Qalaxaye nagui 'am Jerusalén, ña 'auqataxanai' ca 'arpaqtaxanaxat, cha'aye mashe 'am qaicoleesop, qataq sa qaỹala'ac qome da qaiuaxan ñi lataxala' na Israel le'ecpi.