Génesis 48:9 - La'aqtaqa Ñim Lo'onatac 'Enauacna 2013

⁹ Nache so José 'enapeco': «Qomye maiche ỹalqa maye aỹem ỹanema Ñim Lo'onatac 'Enauacna huaña nam soota'a Egipto.» Qaq huaña nache so Israel 'enapeco': «Aỹem 'anqouaguec, ñaq aỹem 'anquigaxateua'alo daamaye, yaqto' saaleguete da ichoxonnataxanaxa.»

Génesis 48:9 Referans Kwoze

Génesis 27:4

Qaq ime qome, nache 'auo'ot ca 'arhuoshec, ỹataqta ama 'anqa'en, cam ỹataqta ñaman naxa, nache aỹem 'andoua'a qome da sachec. Qaq nache huaña qome da 'am sanem da ichoxonnataxanaxa, nagui da saxanaxa da seleu.»

Génesis 33:5

Qaq ime co'ollaxa, nache so Esaú ỹamataigui so 'alpi, qataq so ñaqpiolec, nache denataxan, 'eeta': «Qaq ne'enapi ¿negue'tna?» Nache so Jacob 'enapeco': «Qomye nachena na llalaqpi nam 'aramaxashec maye Ñim Lo'onatac 'Enauacna ỹanem namaye.»

Hebreos 11:21

So Jacob nataqa'en huo'o da lpi'iỹaxac Ñim Lo'onatac 'Enauacna, ỹoqo'oye co'ollaq mashe huotaique da ileu, nache ỹachaxanapecoto soua llalqa so José da Ñim Lo'onatac 'Enauacna ỹaaleguete ca lqouagaxanaqtaic soomaye. Ime, nache ỹasheltalec co'ollaxa aso lashelte da ỹo'oxoreetac Ñim Lo'onatac 'Enauacna.

Isaías 8:18

Aỹem qataq na ỹalaqpi maye aỹem ỹanem Ñim Nataxala', qomi' la'anaqa'ate dam sa qaỹauanapega ne'ena Israel, dam chegoqo'ot Ñim Nataxala' maye Qaica ca Ỹaqalanapec maye netasheguema añi qasoxonaxa Sión.

Salmos 127:3

Nam qoyalaqpi, namayepi qomi' ỹaatema Ñim Nataxala', da alaỹaxac da qarco'oxoc damaye nachera da qanqouagaxa.

1 Crónicas 25:5

Qaq 'enauac se'esopi, nache llalaqpi so Hemán, som huo'oi naua l-loxoco maye ltaua so nta'a, da ỹa'axata'a nam 'eetapeguecpi Ñim Lo'onatac 'Enauacna, da taỹa'a da ỹanem da la'añaxac somaye, qaq Ñim Lo'onatac 'Enauacna ỹanem so Hemán so catorce llalaqpi ỹalleppi, qataq soua tres llale 'alo.

1 Samuel 1:27

Nache seỹaxaatacot co'ollaxa Ñim Nataxala' da aỹem ỹanem ne'ena nogotolec, qaq Ñimaye aỹem ỹanem namaye.

1 Samuel 1:20

Huaña, nache aso Ana hualaxai, qaq co'ollaq ivita so laloqo' da deco'o, nache ỹale so llalec, nache ỹanagui da le'enaxat Samuel, cha'aye asomaye 'enapeco': «Seỹaxanot co'ollaxa Ñim Nataxala'.»

Deuteronómio 33:1

Qaq co'ollaq mashe sa qaỹapeque so laloqo' da ileu so Moisés, maye nale Ñim Lo'onatac 'Enauacna, nache somaye ỹanem da no'on la'aqtac na Israel le'ecpi,

Génesis 49:28

Qaq 'esoua soua doce llalqa so Israel, qaq 'era da la'aqtac so lta'a co'ollaq ỹanem ñi 'oonolec soomaye da lchoxonnataxanaxa.

Génesis 30:2

Qalaxaye so Jacob, ye ỹataqta dalemataỹa asomaye, nache 'enapego', 'eeta': «¿Peta'a nachaỹemo' maye So'ot 'Enauacna? Ñimaye maye saỹauo'o ca 'aỹa'alaqpi.»