Génesis 48:5 - La'aqtaqa Ñim Lo'onatac 'Enauacna 2013

⁵ Qaq nagui naua 'aỹa'alqa Efraín qataq Manasés, maye lañoqo't na Egipto co'ollaq saxanaxa da ñevita ne'ena 'alhua, naamaye maiche ỹalamaqa'ate ỹalqa. Naamaye ỹataqta ỹalamaqa'ate 'eeta'ama so Rubén qataq so Simeón.

Génesis 48:5 Referans Kwoze

Josué 14:4

Qaq so chegoxoguetpi so José, qalaq ncolaraxache co'ollaxa dos soua lpa'axaco, som chegoxoguetpi so Manasés qataq so Efraín, qaq so leviitapi qalaq qaica ca taỹot 'alhua nachaqsota so huaqta'a't nỹecpi da yaqto' naigui, qataq so no'onaxapi da yaqto' lquia'aqa' aso lalo huacapi qataq aso qaguetapi.

Génesis 46:20

Qaq co'ollaq huaña ye 'alhua Egipto, nache so José ñiguiyiñi soua dos llalqa Manasés qataq so Efraín maye late'e' aso Asenat, asom llale so Potifera som ltaxaỹaxanaxanec so shiỹaxauapi maye lma' ye On.

2 Corintios 6:18

Yaqto' Nachaỹem maye Aỹem Qarta'ai. Qaq qami', qalaq qami' ỹalqa qataq qami' ỹalel. Qaq 'era dam shenapec, Aỹem Nataxala' maye qaica ca seqalanapec.»

Josué 13:7

Qaq nache 'aỹa'anem qome na 'alhua ne'enaua nueve maye maiche nalamaxat nhuo' le'ecpi, qataq nam laỹe maye chegoxoguet so Manasés.»

Efesios 1:5

ỹoqo'oye namaq So Jesucristo da yaqto' Ñimaye ỹauo'oi qomi' llalqa, cha'aye nachera da maiche 'eetapeguec.

Malaquías 3:17

Ñim Nataxala' maye Qaica ca Ỹaqalanapec 'enapec: «Aỹem seqataxaatai' ca 'oonolec na'a'q, maye huaigui da namayepi ỹe'eguelaxa da qaltaq ỹalamaxat. 'Eeta'am ca nta'a da ichoxoren ca llalec, qaq nache sheetec qome da qaltaq sechoxoren namayepi.

Ezequiel 16:8

Qaq ime, nache qaltaq 'am ñelectot, nache sela'a da mashe ishet da 'auauonaxan. Qaq huaña nache 'am sepegueelec so ipo', nache sapolec da 'aro'ocỹaxac nache 'am ñauone', qataq 'am ñaỹamaxate', qaq huaña nache ỹataqta 'am ỹalamaqte. Qaq 'era da ỹa'aqtac Aỹem Nataxala'.

Isaías 43:1

Qalaxaye 'am Israel, maye 'auachegoxoguet so Jacob, Ñim Nataxala' maye 'am lo'onatac, 'eeta': Saishet qome da 'añe'etac, cha'aye Aỹem 'am ñeca'alaxatec, Aỹem sauo'o co'ollaxa da 'are'enaxat, cha'aye 'am ỹalamaxat.

Números 1:10

Elisama, som llalec so Amiud, maye chegoxoguet so Efraín, som llalec so José. Qataq so Gamaliel, som llalec so Pedasur, maye chegoxoguet so Manasés.

Levítico 20:26

Nache qami' qome ỹataqta qui'itta da qarataxaqui, qaq 'era da ỹa'aqtac, Aỹem Nataxala' maye ỹataqta qui'itta da ỹataxac. Ỹoqo'oye qami' seỹotaugalo da yaqto' qami' ỹalamaqa'ate qataq qami' ỹataxaraiqa ñaqa'en da qoviitangui na ỹotta'a't shiỹaxauapi.

Hebreos 11:21

So Jacob nataqa'en huo'o da lpi'iỹaxac Ñim Lo'onatac 'Enauacna, ỹoqo'oye co'ollaq mashe huotaique da ileu, nache ỹachaxanapecoto soua llalqa so José da Ñim Lo'onatac 'Enauacna ỹaaleguete ca lqouagaxanaqtaic soomaye. Ime, nache ỹasheltalec co'ollaxa aso lashelte da ỹo'oxoreetac Ñim Lo'onatac 'Enauacna.

Génesis 48:1

Qaq co'ollaq qaỹata'ague de'era, nache qaỹa'aqtaxanem so José da so lta'a ỹataqta sa no'on. Huaña nache so José jec da nqo'ona somaye, nache ỹaue'c soua dos llalqa Manasés qataq so Efraín.

Génesis 48:6

Qaq cam dalaxaic 'aỹa'alaqpi, camayepi maiche 'aralamaxatpi qome, qaq souaxat da camayepi lqaỹa't naua Efraín qataq Manasés, nache nhuanaua'a qome nam 'aralamaxatpi.

Ezequiel 47:13

Aỹem Nataxala', shenapec: 'Ena na loga'tpi na 'alhuapi maye ỹaconeguet qome da yaqto' lalamaxat lma' naua doce maye chegoxogueta so Israel, qaq ca chegoxoguet so José, qalaq ỹactec qome ca talec 'alhua.

Salmos 77:16

'Am maye 'Aro'onatac 'Enauacna, co'ollaq 'am ilo'ot na 'etaxat nache huo'o da lcolanaxa, qataq cholaxan na 'etaxat maye ỹataqta qaỹoqchiguingui,