Génesis 48:4 - La'aqtaqa Ñim Lo'onatac 'Enauacna 2013

⁴ qaq 'eeta' da la'aqtac: ‹Aỹem 'am sanem qome da ỹataqta qalota ca 'aỹa'alaqpi, qataq cam 'am chegoxoguetpi chegoqchigui qome ca ỹotta'a't shiỹaxauapi. Qaq nataqa'en que'eca 'am chegoxoguetpi sanem qome ne'ena 'alhua, nache chochaq tatec qome da lalamaxat.›

Génesis 48:4 Referans Kwoze

Génesis 17:8

Qaq 'am qataq cam 'am chegoxoguetpi, sanem qome 'enauac na 'alhua Canaán, nam qonetaña nagui, da chochaq tatec da lalamaxat qome camayepi, qaq Aỹem nachaỹem natamnaxala' qome camayepi.»

Génesis 35:11

nache 'enapega 'eeta': «Aỹem nachaỹem So'otapecna maye Qaica ca Seqalanapec, qaq ỹataqta qalota qome ca 'aỹa'alaqpi qataq ca 'am chegoxoguetpi. Qaq nache 'am chegoqchigui qome ca ỹotta'a't shiỹaxauapi, qataq ca qalota nhuo' le'ecpi, qataq cam 'am chegoxoguetpi huo'o qome ca nta'alpi.

Deuteronómio 32:8

Huo'o so na'a'q da Ñim Qaỹoqotcheguemec, icolaxachigui na nhuo' le'ecpi, qataq na ỹotta'a't shiỹaxauapi, qataq ỹauo'oi naua loga'te naua lma'ate na nhuo' le'ecpi, qalaxaye naloqchiichigui ye lcata na llalaqpi so Israel.

Éxodo 1:7

qalaxaye so Israel le'ecpi huo'o da lco'oxoc qataq mashe qalota na llalaqpi, nache nquictauec ye lcata ivitta'a da ỹataqta 'añaxaicpi. Nache yi'iye 'alhua ỹataqta nlaqtelec somayepi co'ollaxa.

Génesis 47:27

Qaq so Israel le'ecpi nache naña co'ollaxa ye 'alhua Egipto, nache nalec da ỹauo'o lalamaxat ye 'alhua Gosén. Qaq huaña yemaye, nache ỹataqta qalotoigui somayepi.

Génesis 46:3

Nache Ñim Lo'onatac 'Enauacna 'enapeco': «Aỹem Nachaỹem Ỹo'onatac 'Enauacna maye Natamnaxala' so 'arta'a. Saishet qome da 'añi'i da 'anqo'ona ye Egipto, cha'aye huaña qome yemaye, nache so'ot da ca 'am chegoxoguetpi ỹataqta qalota qome.

Génesis 32:12

Qaq 'Am, ỹataqtegue co'ollaxa da 'ara'aqtac, da qaica camachaqca 'anqa'en da ỹecỹaxac, qataq cam aỹem chegoxoguetpi, ỹataqta qalota 'eeta'am na lsoche na 'alhua maye huo'ot na loigue aso auaxai, maye saqaivi' da qanaloqten.»

Génesis 28:3

Qaq Ñim Lo'onatac 'Enauacna maye Qaica ca Ỹaqalanapec, 'am ỹasaxalec qome ca lchoxonnataxanaxa, qataq 'am ỹanem cam qalota maye 'am chegoxoguetpi, yaqto' nache 'am chegoqchigui qome ca qalota ỹotta'a't shiỹaxauapi.

Génesis 26:4

Qaq so'ot qome da ỹataqta qalota, ca 'am chegoxoguetpi, 'eeta'am ana huaqaañipi maye neto'ot na piguem, qataq sanem qome camayepi, 'enauac ne'ena 'alhua. Qaq nataqa'en nam ỹotta'a't shiỹaxauapi maye netalec ana 'alhua, huo'o qome da nchoxonnataguec, chegoqchigui cam 'am chegoxoguetpi,

Génesis 22:17

da 'am saalec qome ca ỹataqta lta'araic ichoxonnataxanaxa. Aỹem so'ot qome da ỹataqta qalota ca 'am chegoxoguetpi, 'eeta'am ana huaqaañipi maye neto'ot na piguem, qataq 'eeta'am na lsoche na 'alhua maye hueto'ot na loigue aso auaxai. Qataq camayepi saq ỹet qome da loxonec ca mpa'aguenaxauapi,

Génesis 17:13

Qaq ñi 'oonolec camayepi iuen da qaipaqueelec da qaỹauo'o ca na'anaxat na lo'oc, yaqto' dam chochaq tatec ñaỹamaxataxac nache huetalec qome da qaro'ocỹaxaqui.

Génesis 12:2

Qaq sachegoxotchigui qome cam 'am chegoxoguetpi, da sauo'o ca qalota shiỹaxauapi, 'am sanem qome da ỹoqouagaxanaqtaic, qataq sauo'o qome ca 'ayo'oxoyec, qataq 'am chegoqchigui qome ca nchoxonnataguec na laỹepi shiỹaxauapi.

Éxodo 1:11

Huaña, nache so Egipto le'ecpi ỹauo'o so nalleppi da ilo'ogue naqa'en so Israel llalaqpi, da yaqto' sa ỹala'ac da ỹo'onataxanaxan. Ime, nache qaỹo'onataxanaxanec da no'oxoosheguem qanqa'en so huaqta'a't nỹecpi ye Pitón qataq ye Ramesés, maye laỹamaqtaxanaqa' so faraón da ỹaỹamaxat na nallec.

Levítico 26:9

Qaq Aỹem nache ỹataqta qami' saỹamaxareete' da qami' selota'alo, qataq nquictauec qome ñaqa'en da qoñiita yaqto' qami' qalota, qataq nache 'eetai' ñaqa'en da ñaỹamaxataxac da qoñiita.

Salmos 127:3

Nam qoyalaqpi, namayepi qomi' ỹaatema Ñim Nataxala', da alaỹaxac da qarco'oxoc damaye nachera da qanqouagaxa.

Génesis 17:6

Aỹem so'ot qome da ỹataqta qalota ca 'am chegoxoguetpi, qataq nache 'am chegoqchigui ca nta'alpi, qataq ca ỹotta'a't shiỹaxauapi.

Ezequiel 37:25

Qataq nalec yem 'alhua maye sanem co'ollaxa so ỹamaxashec Jacob, yem nataqa'en netalec co'ollaxa so hua'au lta'alpi. Qaq namayepi nache 'eetai' qome da netalec yemaye, qataq ca llalaqpi, qataq 'enauac cam chegoxoguetpi qome namayepi, qaq ñim ỹamaxashec David, nacheñi qome ñim chochaq tatec da ilotague' namayepi.