Génesis 48:3 - La'aqtaqa Ñim Lo'onatac 'Enauacna 2013

³ Nache 'enapega so José, 'eeta': «Ñim Lo'onatac 'Enauacna maye Qaica ca Ỹaqalanapec, aỹem nachaxana co'ollaq huaña ye huaqta'a't nỹecpi ye Luz yem huetaigui ye 'alhua Canaán, nache aỹem ỹaalec da lchoxonnataxanaxa,

Génesis 48:3 Referans Kwoze

Éxodo 6:3

Ñachaxana co'ollaxa so Abraham, Isaac qataq so Jacob, qaq da ỹe'enaxat 'eeta': Atamnaxala' maye Qaica ca Ỹaqalanapec. Qalaxaye saishet da saỹaanaxanaxanec co'ollaxa soomaye da ỹataqta ỹe'enaxat maye Nataxala'.

Génesis 28:3

Qaq Ñim Lo'onatac 'Enauacna maye Qaica ca Ỹaqalanapec, 'am ỹasaxalec qome ca lchoxonnataxanaxa, qataq 'am ỹanem cam qalota maye 'am chegoxoguetpi, yaqto' nache 'am chegoqchigui qome ca qalota ỹotta'a't shiỹaxauapi.

Génesis 17:1

Qaq so Abram mashe ivi' co'ollaxa soua noventa y nueve vi'iye da nachaalataxac, co'ollaq Ñim Nataxala' nachaxana somaye, nache 'enapega, 'eeta': «Aỹem, nachaỹem Ỹo'onatac 'Enauacna, maye Qaica ca Seqalanapec, saisheto' qome da 'aushepaxanaqchet da 'anachaalataxac da aỹem qoueto'ot,

Apocalipsis 21:11

Qaq Ñim Lo'onatac 'Enauacna, nacheñi ñi icoỹattalec somaye. Qaq ne'ena le'eraxa 'eeta'am ana 'otaqte maye ỹataqta no'on, 'eeta'am na coma' le'enaxat diamante qataq ỹataqta chauec 'eeta'am na 'etaxat da ỹataqta qui'itta.

Oseas 12:4

Nalaqaatague' co'ollaxa somaye, nache ivira'a da nauec, huaña, nache nỹeeto'ot qataq nachoxoreetacot somaye da ichoxoren. Qaq huaña ye Betel nache Ñim Lo'onatac 'Enauacna nauane' somaye, qaq huaña yemaye nache detaxaỹapegue' somaye.

Jueces 1:23

qaq somayepi ỹama'q co'ollaxa soua lmeenaxanaxanqa da yaqto' hueta'alo ye pa'auec yi'iye huaqta'a't nỹecpi.

Génesis 48:2

Qaq co'ollaq qaỹa'aqtaxanem so Jacob da so llalec José naỹa'a somaye, nache so Jacob na'añaxatsheguem da nso'oolec so lmala'.

Génesis 49:25

¡Sanot da ña'achec Ñim Natamnaxala' na 'arta'a, Ñim 'am itauan qome, Ñim Qaica ca Ỹaqalanapec, maye 'am ỹaalec qome da lchoxonnataxanaxa! ¡Ñim 'am ỹanem qome da 'achecỹaxac maye chegoqo'ot na qaỹoqotcheguemec piguem! ¡dam 'achecỹaxac maye chegaqangui aso qaỹoqchiguingui auaxai! ¡dam 'achecỹaxac da nco'oxoc qataq da qaillepec aca nate'e!

Génesis 17:6

Aỹem so'ot qome da ỹataqta qalota ca 'am chegoxoguetpi, qataq nache 'am chegoqchigui ca nta'alpi, qataq ca ỹotta'a't shiỹaxauapi.